واخيرا .. قصة ولادتي بخلودي

اهلين بنات باركولي اخيرا ولدت والحمد لله جبت ولد ما شاء الله زي القمر طيب ببدأ بالقصه انا بكمل جامعتي عند اهلي يعني حاليا انا عندهم قي يوم الاربعاء صحيت من النوم وكان عندي اختبار في الجامعه وطبعا ماخلصت مذاكره وسرت ادعي ربي انه يجيني الطلق قبل الاختبار عشان مااختبر لاني انا بكريه وخلصت التاسع واخذت اسبوع من العاشر وفي السياره حسيت بمغص خفيف وسرت اقول لابوي واخواتي في السياره معاي مغص بس اخواتي ضحكوا علي قالوا انتي كل يوم تقولي معاي مغص وفي النهايه تكون تعاديل ولاده ولا امكن خايفه من الاختبار وجاكي مغص مع الخوف طنشت كلامهم بس وصلت الجامعه اختفى المغص ماشالله ولا كأنه فيا شي وسرت ادعي (يارب يجيني الطلق قبل الساعه 10 عشان مااختبر بس للاسف جا وقت الاختبار واختبرت :44: بس بعدين رحت البيت ودخلت الساعه 3 ابغى انام لاني مواصله من امس عشان اذاكر :09: بس توي ابغى انام وتجي الالام ظهري وبطني قمت دخلت الحمام لقيت بقعة دم خفت رحت قلت لامي امكن اولد بكره بس امي ضحكت قالت علينا ( عاد اهلي فقدوا الامل اني اولد قلتلها والله في دم شكلي بولد قالت طيب روحي اتروشي وجهزي نفسك قبل يحمى الطلق عاد بس خرجت من الحمام الام اقول خلاص تعبانه بس ماابغى اروح المستشفى خايفة رحت الساعه 7 وشافت الدكتوره الرحم مفتوح 4 سم وانا سرت ابكي مو من الالم لانه ماكان شديد مره بس ببكي من الخوف (انا ولدت في مستشفى الملك فيصل التخصصي )بعدين قالت الدكتوره تبغي ابرة الظهر قلتلها انا سمعت انها ممكن تسبب شلل قالت لا بالعكس مرره كويسه قلتلها خلاص اعطيني وبعد مااعطتني هي راحت كل الالام وجلست اتكلم مع امي واختي التؤام طبعا دخلوا معايا غرفة الولاده ماشالله ولا كأنه فيا طلق مع انو تخطيط الطلق عالي مره واختي تقولي ماتحسب بالم الطلق مرره فوق قلتلها لا بس الم مررره خفيف في ظهري بس على الساعه 11 بدأت الالم وقلت للممرضه بدا الطلق قالت لا دا مو طلق دا راس البيبي بينزل شوي شوي لتحت وابرة الظهر بس تسكن الطلق بس نزول الراس لا وسرت ابكي وامي تقرا علي واختي تغسل وجهي بموية زمزم وعل الساعه 12 جات الدكتوره قالت يالله حاولي تدفعي وسرت ادفع ( صراحه انا تعبت وقت الدفع اكثر من الطلق حاسه البيبي مو راضي يخرج وساروا يقولوا يالله يالله اتحمسوا مرره وانا اقول تعبت واختي تقول حاولي واخيرا خرج ويلما بكي خلودي سرت ابكي معه وامي تقول ليه تبكي وانا ابكي لاشعوريا ماادري ليه امكن من الفرحه ولا امكن عشانه بكى ماادري ليه بس والله يابنات الولاده مو صعبه زي ماقالوا نها موت ماادري ولا امكن عشان اخذت ابرة الظهر بس والله ربي هونها علي كثير الحمدلله على كل حال واخيرا خلصت القصه واسفه على الاطاله