اشتقتلكم كتير واشتقت لردودكم الحلوة بمواضيعي
وليكني متل ما وعدنكم رجعتلكم بموضوعي المنتظر
اي بنت بتتمتع ببشرة حلوة و نضرة و كلها حيوية بيكون عندها شي سري
بتخفيه عن رفيقاتها وقرايبينها ، وبالعادة بيكون هالشي اله مفعول قوي و اقوى
من يلي بيستخدموه رفقاتها و يلي بالصيدليات و بمحلات الميك اب .
وعشان يعرفوا هالاسلحة السرية حاول كتير صبايا بستفسروا من اكتر من دكتور جلدية واكتر من خبيرة تجميل ، بس للاسف بدون فايدة .
وبيوم من الايام تبرع واحد من دكاترة الجلدية المشهورين انه يفصحلنا عن شوية
اسرار ومستحضرات حسب الوصفات المشهورة يلي بيتداولوها عالميا باكبر
عيادات الجلدية بس حذر من استعمالها بدون اشراف طبيب واصر على استخدام
كريم واحد بين فترة والتانية
(( وانا بدوري بحذركم صح راح اكشفلكم هالاسرار بس صبايا لازم تستعملوهم
تحت اشراف دكتور الله يخليكم لا حدا يحكيلي عملتلي وعملتلي
ليكني بحكي للمرة الالف تحت اشراف دكتور ومو اكتر من واحد ))
السلاح الاول : كريم لوسترا
وهو كريم مبيض للبشرة
"بيحتوي على نسبة 4% من الهايدروكينون
مخلوط بحمض الجلايكول مع بعض المثبتات الكميائية "
بيستخدموه عشان يشيل البقع و يخفف التعرجات و الندب .
السلاح الثاني : كريم افيوديكس
( اسفة ما لقيت اله صورة ع النت )
وهو كريم بيعتبر متل الصاروخ الحراري يلي بيستهدف الخلايا القابلة
للتحول لسرطان ويلي ما بتظهر للعين المجردة وبيقوم بازالتها
واصلاح البشرة التالفة بس بعد فترة مؤقتة من تقشر الجلد بشكل مكثف
السلاح الثالث : كريم رينوفا
هاد الكريم بينعم البشرة وبيشيل التجاعيد وبيخفي التعرجات
وكمان بيزيل الخلايا القابلة للنحول لسرطان ويلي ما بتظهر للعين المجردة
السلاح الرابع والاخير : كريم هاي تون
(كمان للاسف ما لقيت صورته)
وهاد الكريم بيحتوي على الكورتيزون
بيزيل احمرار الجلد بسبب القشرة الدهنية
وكمان بيزيل القشور الدهنية من الوجه وخاصة يلي بتظهر بالشتاء
ولازم يستعمل متل غيره من الكريمات يلي فوق تحت اشراف دكنور جلدية .
هيك بنكون خلصنا من الاسرار نجي للاشياء الغلط يلي منتشرة بالمنتديات
هم افكار جمال نحن وارثينها وكمان بنؤمن ببعضها
فبتجي الايام لتثبتلنا قديش هالاشيا مضرة لجمالنا
وفي اشيا بنحكي عنها غلط ومع الايام بتبينلنا انها مليانة خير لبشرتنا
الفكرة الاولى :
" غسل البشرة بالماء والصايون فقط ، يضر بها "
كلنا بنعرف انه الصابون بيضر البشرة لانه اله اثار سلبية على ..... على شو ؟
على طبقة الدهون الموجودة بالبشرة
وهاي الطبقة ما بتستغني عنها البشرة لانها خط دفاع اول للجسم .
انه نستخدم الصابون العادي للبنات يلي بشرتهم عادية اوك ما في ضرر
لانه البشرة بتعوض الاجسام الدهنية يلي فقدتها بعد ست ساعات
اما للي بشرتهم حساسة فبدها وقت اطول قبل ما ترجع يلي فقدته
وهالشي بيعرضها للعدوان الخارجي لفترات اطول
وغير هيك كثرة استخدام الصايون ببؤدي لاختلال PH الخاص بالبشرة
بمقدار 5،3 حتى 7 وهاد اختلال بيكفي ليعطل فاعلية الانزيمات النشيطة
يلي بتكوم موجودة من الاساس ع سطح البشرة وهالشي بيخلينا نحس
بالجفاف والصلابة .
الفكرة التانية :
" الشمس وليس الزمن هو السبب الرئيسي وراء الشيخوخة المبكرة"
الحقيقة انه مش الشمس لحالها
هي الشمس بالاضافة للتلوث ( الدخان ، الاتربة ، ... الخ )
يعني تنيناتهم مسؤؤلين عن 80 % من
حالات الشيخوخة المبكرة يلي بتصيب الوجه
واذا حميتي بشرتك من هالعوامل
بضمنلك تظلي محنفظة بشبابك حتى عمر الستين
بعد هيك بتشيخ البشرة بشكل طبيعي
ولما تتعرضي لاشعة الشمس ولعوامل التلوث راح ينتج :
انه بتتغلغل الاشعة فوق البنفسجية للبشرة وبتتلفها داخليا
ويتلزق عناصر التلوث بالبشرة خارجيا وبتدمر دفاعاتها .
الفكرة التالتة :
" استخدام الخيار او كمادات الشاي بتزيل انتفاخ العيون "
ايه لهيك بيدخل الخيار بالميك اب لانه اله اثار مبردة
اما الشاي فما في شي بيثيت انه اله قدرة على ازالة انتفاخ العيون
وفي طريقة افضل يلي هي :
جيبي م.ص من بيوريه الخيار واخلطيها مع كوب زبادي
واستخدمي هاي الطريقة كماسك بينعم وبينظف البشرة وكمان للعيون
الفكرة الرابعة :
" التوقف عن ممارسة الرياضة بيخلي العضلات بتتحول لدهون "
هالشي بالذات غلط لانه مستحيل تتحول العضلات لدهون
بس يلي بصير انه لما توقفي رياضة بينقص حجم العضلات وبتزيد كمية الدهون
نتيجة قلة الحركة .
الفكرة الخامسة :
" لا فائدة من استخدامنا لكريمات الليل "
كمان هالشي غلط لانه ثبت علميا انه الخلايا بتكون بقمة نشاطها
وحيويتها بين الساعة وحدة وثلاث بعد الظهر
لهيك استخدام الكريم متلا الساعة عشرة المسا بيمنح البشرة فرصة
لانه تمتصه وتوصل عناصره للطيقات العميقة من البشرة في هاي الفترة
الفكرة السادسة :
" تناول الشوكولا بكثرة بيعمل بقع بالوجه "
خطا لانه في دراسات اثبتت انه الشوكولا ما الها اي ضرر ع البشرة
وكمان الاشيا الدسمة ما بتضر البشرة الدهنية
لانه الدهون بتفرزها البشرة وبيتحكم فيها هرمون الذكورة يلي بكون موجود بالدم
وكمان الشوكولا بتغذي البشرة وبتشيل تجاعيدها (لهيك اهجموا يا بنات
)الفكرة السابعة :
" لازم نمنح البشرة فرصة حتى تتنفس "
كمان خطأ لانه البشرة ما بتتنفس
بس بتحتاج لتنظيف وترطيب وحماية من الشمس والتلوث بانتظام
الفكرة الثامنة :
" حلق شعر الساقين بيعمل ع سرعة نموه وخشونته وزيادو سواده "
خطأ لانه الموس بيقص الشعر من اطرافه يعني فوق الجلد تماما وبينمو
الشعر بعد هيك حسب صفاته الخلقية يلي نشأ عليها .
بس سبب هالاشاعة انه في بنات بيستعجلوا بحلق اجريهم لانه بصير
مناسبة وبيكون البنت بدها تلبس شي قصير بيحلقوا قبل نمو الشعر
لشكله الطبيعي وتحوله من الخفيف الى الخشن وبيغمق لونه
وبفكروا انه سبب ظهور هالشي هو حلقهن للشعر
بس بالحقيقة هاد هو النمو الطبيعي لشعر الساقين لانه بيكون بيتحول طبيعي
لانه البنت بتمر بفترة بلوغ وهالتحول بيستمر من 3 سنين الى خمسة
والحلاقة ما الها اي دخل بهاي العملية الطبيعية ولو تركنا الشعر بدون حلاقة
لصار نفس الشي وكمان بالنسبة للبنت البالغة ما اله دخل .
اخر فكرة :
" تدليك عضلات الوجه وتمارينها بيمنعوا التجاعيد "
كمان خطأ لانه عضلات الوجه القوية ما بتمنع التجاعيد بالعكس ممكن تخليها تظهر بشكل اوضح
السببين الرئيسيين لحدوث التجاعيد :
تلف الكولاجين بسبب التعرض للشمس
التقدم بالعمر
اما تمارين الوجه فممكن تعمل نتيجة عكسية
حبيت اعطيكم معلومة سريعة عن الجزر
لانه وسيلة تجميل اساسية كونه من اكتر النباتات يلي بيحتوي ع فيتامين (أ)
وهالفيتامين ضروري لصحة وسلامة الجلد .
اذا شربتوا عصير جزر فريش بانتظام بيشيل بقع وشوائب البشرة
وبيحسن لونها وبيخليها صافية وكمان مهم للشعر والعيون
هيك بكون انتهي موضوعي بتمنى تكونوا استفدتوا :2thmup:
سلااام يا جميلات :talker:
يعطيك الف عافيه