واخيرا .. لقيت حل ** الاصبع بعد معاناة

السلام عليكم ورحمة الله وبركاتة
شلونكم اخواتي الحلوين
حبيت ابشركم .. امي الله يطول في عمرها
اهي السبب الرئيسي في العلاج بعد الله سبحانة
ولدي الله يسلمكم يمص السبابة من اول ما نولد
وعقب لما وصل السنتين لاحظت ان اسنانة بدت تتقدم
فقلت لازم اخلية يترك هالعادهه قعدت تقريبا شهرين وانا احاول معاهه بس بالاخير يتسلل الفشل واتعب معاهه واخلية يمصها ليما جاتني امي بيوم من الايام
ماخذة ( الفانية البيضاء الي اكمامها طويلة ) بما ان احنا بفصل الشتاء ومخيطة فيها القفاز الاسود عشان مايفكه
وفعلا لبستة هالفانيلة وتم يصيح ويبكي بس طبعا انا في هالوقت غيرت اسلوبي معاهه عشان اهو يترك هالعادهه
وكنت الاحظ قبل مالبسة القفاز باسبوع متى يمص اصبعه
وكنت اطلب الله الشافي بكل صلاة ان يشفي ولدي هاذي اهم نقطة سبحان الله الكريم اذا قال لشي كن فيكون كلها الاكم يوم الا الله سبحانة جل في علاة الهم امي هالطريقة
والحين صارلي تقريبا ١٥ يوم وللة الحمد تقريبا ٤٠ ٪‏ نسى ** الاصبع يمكن اول ٣ ايام يحاول يفك القفاز يصارخ يحاول يمصها بس عقب تآقلم ولازلت البسة القفاز ليمى اتاكد انة خلاص نساها بالمره
مع العلم انه قبل النوم انزل الفانيلة واخلية يلعب بالماي او بنص النهار انزل الفانيلة بكبرها البسة بجامة واخلية يلعب التراب اهم شي اشغل ايدينة وبالليل انشفهم واحط فيهم بودر عقب البسة فانيلة ثانية خاصة للنوم ( بدال القفاز امي حاطة قطعة ) نفس المربع عشان يكون اريح لة وقت النوم انتبهو يمكن يحط اصبعه يحاول يمصها لاتشيلونها ع طول حاولو تتجاهلونة او تعطونة لعبة عشان يشيل يدةة
وقت مانتو ( شايلين الغفاز )
انا اسفة يمكن الكلام مش مرتب بس اتمنى اني قدرت اوصل لكم الطريقة .. واذا بغيتو اي سؤال انا حاظرة
وبالتوفيق للجميع