مرحبا بالجميلااات
حبيت اكتب لكم تجربتي مع انواع الكونسيلر ...وايش اكثر نوع ناسبني ....
انا اعاني من هالات سودا وراثيه..يعني مالها حل ...وجربت انواع كونسيلر كثيره ..
منها (عصار )لانكوم..كان حلو ..لكن بعد فتره احسه يخف وتتشربه البشره..لكنه حلو للي هالاتهم خفيفه..
واشتريت ايضا من شانيل نوعيه ثقيله عشان التغطيه تكون اكبر ...لكن للاسف ماعجبني لانه بزياده ثقيل ويبرز تجاعيد العين الطبيعيه ...واعتقد انه حلو للي فيهم بقع عامقه تحتاج تغطيه ثقيله
وايضا كان عندي كونسيل فور ايفر ..كان حلو لكني لقت شي افضل منه ...لان من المعروف انك اذا بغيتي تخفين لون بني في بشرتك لازم تخفينه بلون مايل للصفار مو للبيج او الوردي(لكي لاينقلب إلى لون رمادي) وهذ ما يميز (pixi)
شريته من البحرين مجمع السيف ....والحلو في هالمحل ان فيه مرايات وبارتشن(حاجز) تقدرين تجربين المكياج.. واللي تبيع مره..يعني تقدرين تاخذين راحتك...يعني ممكن تروحين تجربينه اذا عجبك والا اتركيه.........تعبنا من كثر ما نشتري ونرمي..
انا شريت رقم3
وسعره تقريبا 120
وهو يعطي لون على صفار شوي ...لكن انتي حطي عليه شويييية بودره برونزي او بودره من لون بشرتك يعني شي خفييييف عشان يخفي الصفار ولاتكثرين البودره عشان ما يبرز تجاعيد اسفل العين.. وبتشوفين كيف يعطيك لون طبيعي وحلووو بس انا توني شاريته يعني ماجربته وقت طويل...لكن شكله بيكون ثابت ان شاء الله:) <<الذمه بزياده
بس حاولوا تجربونه قبل ما تشترونه عشان تتاكدون
واتمنى اني افدتكم..
واللي تعاني من هالمشكله ومالقت لها حل ياريت تبشرني اذا افدتهاا :)
والله يعطيكي ألف عافيه