جداوية رايقه :

اشكركم كلكم والله حمستوني كنت خايفه احد يحش فيا ^ـ^ عموما حرد على كل الاستفسارات هنا انا ححط مجفف ملابس وهو مايحتاج تمديدات ولا اي شي ولا ينزل مويه من اساسه وعندنا واحد في بيت اهلي ومايطلع غبار ملابس ولا اي شي بالعكس الملابس تخرج منه كانها مكويه بالمكوه وحااااره يعني ماتحتاجي تتعبي وتكوي ملابس بس الثياب اللي تحتاج مكوه تاني شي المطبخ كان ممكن يكلفني اقل ب ٩٠٠ الى ١١٠٠ ريال لو اني كنسلت المغسله الرخام الصناعي يعني كان حيطلع عليا ب ٤٨٠٠ ل ٥٢٠٠ ريال وبصرااااحه انا من زمان معجبه في الستيل بس قلت خليني اشوف الصناعي ومني مقتنعه وشكلي كم شهر وحروح ايكيا واخد مغسله ستيل اصليه من عندهم مو زي حقت السوق كلها وطني وصيني تخرب بسرعه العنوااااان يا بنات لو انتي جايه من طريق المدينه عند اشاره شبك المطار باتجاه الخط السريع تتعدي الاشاره حقت شارع السبعين (شبك المطار) وتمسكي خدمات لين تجيكي اللفه حقت بدايه شارع الاربعين (الامير متعب) وتدخلي يمين من جنب ورشه اسمها مايز امشي شويه في هذا الشارع تقريبا ١٠٠ متر وحتلاقي المحل على ايدك اليسار اسمه ورشه عالم للمطابخ وفيها مدير هندي اخلاق بصراحه مايلف ولا يدور اسمه علوي وهدا رقمه بعد اذن الاداره 0500301715 **في محلات و ورش ومصانع كثيره في نفس الشارع على اليمين واليسار وفي الحواري كمان لاكبر محلات المطابخ المشهوره وانا انصدمت ان محلاتهم هناك وعلى فكره سعر متر الرخام الصناعي هناك من ٧٠٠ ل ٨٠٠ ريال حسب الفرومايكا كمان هذا بعد التكسير معاهم في السعر يعني اللي مو مقتنعه بالمحل اللي فصلت فيه تجرب مع المحلات اللي جنبه عندي نصيحه لكل البنات لو حابين تفصلوووو كنب او تفصلو مطبخ او ستاير بصراحه انا اكتشفت شي غريب لو عرفو ان الزبون سعودي يسلخوه مبلغ وقدره يقولك السعوديين عندهم فلوس!!!! (هذا كلام اكتر من محل سالناهم) نصيحه : حاولو تقولو انكم مو سعوديين اخترعو اي جنسيه ههههههه لانهم متوقعين ان اي سعودي حيقدر يدفع المبلغ مهما كان ثمنه جربو نصيحتي وحتشوفو الخصم السحري يشتغل ^_^ اسفه على الاطاله

اشكركم كلكم والله حمستوني كنت خايفه احد يحش فيا ^ـ^ عموما حرد على كل الاستفسارات هنا انا ححط...