ماشاء الله تبارك الله لا حول ولا قوة إلا بالله

ألف ألف أأأألـــــــــــــــــــــــــف مبروك على البيت

الله يجعله منزل مبارك ويجعل حياتكم سعيدة عامرة بذكر الله وطاعته

ويسكنكم الفردوس الأعلى ووالديكم

أسأل الله العظيم رب العرش العظيم أن يحفظكم من شر حاسد إذا حسد

لا تنسي تحصني نفسك وبناتك وزوجك بالأوراد والأذكار الشرعية

بصراحة وبدون مجاملة البيت رااااائع وهذا كله يدل على ذوقك

ويالييييت تشيكين على الخاص وتردي لي في أسرع وقت لأني محتاجة ردك

أنتظرك على أحر من الجمر

وجزاك الله خير أم رغد وغادة

ونج ام قيس لا يكون سافرتي وخلتينا كملي احنا نستناج

مشكورين حبايبي كلكم .. وانتوا الخير والبركه وعلى راسي ...

بس بصراحه انا كنت متوقعة مشاركات اكثر من كذية وصدق خاب ظني في المنتدى
بس لاني وعدتكم ..وانا من النوع اللي ما يخلف وعده بكمل المطبخ والله يسامحكم بتخلوني اسافر الخميس وانا زعلانه منكم ويالله نشوف

المطبخ

مطبخنا موكبير يعني 4*5 ولاني احب المطابخ الكبيره فتحت المخزن عليه وطلع واسع والخزائن على شكل حرف L تحت والخزائن اللي فوق بتشوفوها بالصوره

لون سراميك الحائط اخضر تحت وبيج فوق وبينهم بوردر للمطابخ يعني فيه فواكه وشغلات المطبخ وطبعا كله من ناعم الملمس موالخشن علشان التنظيف والارضيه سرميك بيج سادة وبصراحه لون الارضيه موسعنه زياده

وقبل ما تشوفوه وانا عارفه ايش بتقولوا بخبرك شي مهم ترى انا مو راضيه على سراميك الحائط ولما شفته راكبك قلت لزوجي احنا كيف اخترنا هذا اللون لان الاخضر طلع فلاش وايد وبصراحه انا كان خاطري يكون لون الحائط ابيض كامل مع بوردر اخضر وبعض قطع الديكور الموزعه لونها اخضر بعد ولقيته بس الله يسامحه راعي المحل كان بدبي وخلاص متفقين معاه ولما جينا نسلمه العربون ونتاكد من موعد الشحن ما رضي يسلمنا الحموله من فرعه في الشارقة واحنا محملين سيارة الاغراض اللي اشتريناها من الشارقة وكان لازم نرجع في اليوم الثاني واضطرينا نرجع الشارقه ونلف بسرعه ونختارلانه مافي وقت الشحن اليوم الثاني وتعرفوا شغل بسرعه بسرعه فهذه الاشياء ما ينفع

لكن يالله ما عليه شفته فلاش اول مرة وثاني مرة وبعدين خلاص تعودت عليه وطلع عادي والحين صورة المطبخ



وصورة اقرب للسراميك



لون الخزائن زيتي جميل وعلى فكرة الخزائن هذه موخشب هذه المونيوم مضغوط وما حد يفرق بينه وبين الخشب الا اللي يلمسه ومنه الوان و تدرجات الخشبي بعد للي يحب اللون الخشبي



ونشوف جهات المطبخ الاربعه :
الجهه الاولي :
هذه الجهه فيها خزائن تحت بس لانه فيها نافذه ومغسله فما بغيت حاجه فوق



الجهه الثانيه:
الخزائن اللي فوق متدرجه وتتوسطها الشفاطه وطالع شكلها روعه





على الجانبين حطيت خزائن كبيرة وزجاجيه مع سبوت لايت وحدة للصحون المستعمله بالبيت والثانيه لصحون الضيوف






ولاني احب الجرانيت فاضي لما اشتغل فيه ما خليت اي اكسسوارات خاصه بالمطبخ فوقه ولا علب البهارات والشاي لاني افضلها بالخزائن علشان ما تتوسخ بالزيت والروائح وما تعيقني لما اشتغل على الجرانيت

الجهه الثالثه :
خليت طاوله طعام صغيرة 6 اشخاص بس قابله للتمديد لونها خشبي فاتح



وبصراحه انا حصلت بهوم سنتر وحده احلي لونها خشبي والكراسي خشبي مع اخضر نفس لون الخزائن بس المشكله ما تتمدد وانا محتاجه طاوله كبيرة لما تكون معي عزومه واعمل بوفيه فطبعا اخترت الطاوله العمليه على الشكل المناسب

الجهه الرابع:
هذه الجهه من المطبخ عبارة عن قوس كبير مفتوح على المخزن وبصراحه هالحركه وسعت المطبخ وفي نفس الوقت ممكن احط فيه ثلاجه ثانيه او فريزر اضافي ويكون قريب من المطبخ
بس قبل ما احط صورة المخزن بغيت اوضح ان خزائن المخزن عملناها رفوف مؤقتا لان الميزانيه تعبانه والبيت خلانا على الحديده وقدام انشاء الله نعمل لهم ابواب



واخيرا كالعادة اخليكم مع اكسسوارات المطبخ








واتمنى يكون المطبخ عند حسن ظنكم وما خيب الامال بعد .....

وابي مشاركات .....مشاركات وايد .... ابي ملاحظات ايش عجبكم ..ايش ما عجبكم ...ابي صفحات الموضوع فوق العشرين ...

ولا تزعلوني ارجوكم ..

وعلى فكره انا موجوده بكره لانا اجلنا السفر ليوم الخميس وتحت الطلب...

وبالنسبه للحديقة بنزل الصور لما ارجع انشاء الله علشان اشوقكم زياده وبتكون في ركن الحديقة وبحط لكم رابط اذا الله راد

ومع السلامه

ماشاء الله
الله يهنيك ويبعد عنك عيون الحساد

وسفره موفقه ان شاء الله

اعجبتني غرف البنتين

السلام عليكم

ماشاءالله تبارك الرحمن خوش بيت الله يباركلكم فيه ويكفيكم شره وشر العين وان شاء الله تتهنون فيه يارب انتي وزوجك وبنياتك الله يخليهم لك ويطرح فيهم البركة ويباركلكم بأعماركم يارب ويرزقكم من أوسع أبوابه.

نجي للمهم :)

البيت روعة ماعليه كلام وأهم شي انه عاجبكم ومرتاحين فيه . بالنسبة لأكثر شي عجبني جدار مجلس الرجال ، حوض السمك فكرته غريبة مرة تبارك الله،غرفة نومك حلوة وخصوصا الجلسة والشبابيك أعطتها مساحة أكبر،لون كبتات المطبخ جدا راقيي وأبواب البيت كله تهبل ماشاءالله مع حركة الدرج جدا رهيبة.
بس في شي واحد اللي اهو مجلس الحريم ،الطاولات كان يبيلها جلسة أفخم .معليش لاتزعلين من كلامي .ماتقدرين تسوين ركن جلسة عربية نفس الجلسة اللي حاطتها وتفصليلها طاولات تكون بمستوى القاعدين على الارض ،فهمتيني؟خالتي مسوية كذا للجلسة العربية وطالع شكل الجلسة مرة حلو وفخم بحاوب أرسلك الصورة. والطاولات اللي حاطتها ماتضيغ ان شاءالله . تقدرين تركبينها مع كرسيين فخمين على جنب تطلع راقية.

ولي عودة ان شاءالله إذا ماتضايقتي من كلامي.عموما انتي اللي ساكنه فيه وأهم شي رايك وراحتك النفسية يالغالية

بارك الله فيكي على جهودك الطيبة وان شاءالله في ميزان أعمالك

موفقة يارب