يسعد لي اوقاتكم بالخير ياالغاليات ما تتخيلو فرحتي اني ولدت الابتسامة ما تفارق وجهي حتى وانا نايمة خلصت رحلة المعاناة والتعب والقلق خاصة اني دخلت بالشهر العاشر 10 ايام كلام الناس دبحني الشاطر اللي يخوفك من مخاطر التاخر بعد التاسع وليش وكيف ومابصير وهات ياكلام وتخاريف وفوق هدا صار شكلي بخوف من كتر التنفيخ صرت بالون متحرك غير الكلف والتعب الواضح علي بمعنى اخر استويت عالاخر وعلمكم بيت ومسؤولية 3 بنات وتدريس............. حتسالوني وين المشكلة.,..
المشكلة اني بشهري الاخير كان دايما ييجيني وجع زي الطلق لكنه بارد كنت محرومة النوم والراحة وكل ما اروح الدكتورة تطمني وتحكيلي انه وضعي مستقر بس هي مش راضية تعطيني اي تحريض عشان الراس عالية والرحم مسكر عالاخر وبدها تخدمني انها ما تعمللي قيصرية **** يسعدها ويكرمها الدكتورة فوزية بمستشفى د.الاحمدي بالمدينة المنورة دكتورة روعة وانسانية وسمحة ومتفهمة ربي يسعدها
المهم بعد هيك عملت توسيع للرحم واعطتني اخر مهلة يومين خلالها ما قصرت شرب قرفة وتبخير ميرمية ومشي وانهلكت من كتر اكل التمر وارضاء الزوج وشرب محلب.....ويا معاناتي من غير فايدة وايش السواة وفي اليوم الموعود رحت بالصباح الباكر وانا ما عندي اي وجع لكن كان لازم اولد
جاء الاستشاري و دكتورتي ياخدو قراري الاخير قيصرية او تحريض انا رافضةالقيصري لاني بغربة وامي مش عندي ولي3 بنات صغار ودكتورتي حبيبتي شجعتني انه نبدا بالتحريض ونشوف وبعد 3ساعات من التحريض الرحم انفتح 5سم بس هنا قررت اعمل قيصري وارتاح من هالعذاب لكنها بقيت جنبي تواسيني وترفع معنوياتي حتى انها دخلتني غرفة الولادة لتشعرني انة ما بقي شي عالولادة فضل **** علي بدعاءي واوراد الولادة ويقيني ب**** ولدت بالرغم من انه كان الراس عالي لكن رحمة **** ومساعدة الدكتورة ولدت وصارت تحكيلي سامعة صوت الولد
ما احلاها من لحظات عرفتو ليش فرحتي كبيرة لانه عذاب الحمل انتهى على خير انا مبسوطة كتيييييييييييير **** يهونعا على كل حامل وسامحوني عالاطالة
نونو78 @nono78_1
عضوة
يلزم عليك تسجيل الدخول أولًا لكتابة تعليق.
ام سرروررو
•
الحمد لله على سلامتك يا عسل مبروك ما جبتي
الصفحة الأخيرة