اخير خلص مطبخي وانتهت معاناتي
معاناتي مع مطابخ الالمنيوم اللي نظام فك وانقل وركب وارجع فك وانقل وركب
معاناااااااااااااااااااااااة وطبعا في كل نقله ينخلع مسمار او تطيح صاموله وحال ما يعلم به الا رب العالمين
والحمد لله وفقني ربي وسكنت في بيت ملك هو صحيح قديم لكن جدد بالكام حتى قيشاني المطبخ قرشعته وغيرته وطبعا على ذوقي ساعدني صغر المساحة في اني اخذ راحتي فما دققت في الاسعار كثير وفي الاخير بيت ملك يعني خووووذي راحتك للاخر
بسم الله نبدأ
واذكروا الله فالعين حق
هذا البتوجاز
كنت اتمنى يكون سيراميك بس ابو الشباب اعترض يقول مو عملي وخايف من مشاكل الصيانه
له ست عيون وسهل التنظيفوبكل امانه عملي جدا وحق كرف وعزايم وطباخ كل يوم يشتغل على الغاز والكهربا في الطواري
هنا اول مشاكلي شايفين الطبق اللي معلقته على الجدار شريت منه 3 للاسف ما نفع اي صمغ جربته في تثبيت الاثنين الباقية المسدس والغرا الامريكي اللي تعرف لي غراء كويس يا ريت تقولي عليه
تحت علقت في دولاب الانبوبه ودولاب الاكياس مسكات ستايري القديمة مدري ايش رايكم حلو ولا اشيلها
اخترت كل اكسسواراتي باللون الاخضر لسببين
اولهم ان ي شريت في بيتي القديم طقم مفرش لطاوله السفرة كاروهات اخضر وجاي معاه طقم مريله ومناشف طبخ ومساكات القدور وقافازات الفرن
وكل هالاغراض وكل الاكسسوارت كنت اشتريهم من زمان كل ما عجبني شي وارفعهم لبيت العمر
ثانيهم اني اخترت قيشلني فيه حزام فيه ورد واغصان باللون الاخضر
هذا المجلى
ستارته هي المفرش القديم اللي قلت لكم عنو ولان ما عندي ماكينه خياطة واستخسرت اوديها لخياط ستاير ياخذ الشي الفلاني خيطتها بابره وخيط والعامود هو عامود ستارة حمامي القديم وبشويه ضربات بالساطور عدلت المقاس واخفيت الخياطة باوراق الشجر عساها مو باينه
وهذول عرايسي وقعت في غرامهم من اول ما شفتهم 000
فرني اخترته صغير عشان صغر المساحة ورفعته عشان استفيد من المساحة اللي تحت للقدور والصحون الكبيرة
وفوقه شايفين فيه مكيف يعني اكثر من كذا ارتفاع ما ينفع فوقهم اصص زرع وجهاز راديو رقمي مع منبه للقران وبس الله ينفعني وياكم به ويجعله شفيعا لنا يارب مشكلتي في اطار المكيف ولا احد يقولي اجيب احد يسويه لازم كل شي بيدي رجالي مشغول جدا جدا جدا
ركن المايكرويف
وعليه عدة التبخير والتعطير للمطبخ فواحة وطبعا لونها اخضر وشموع ومباخر جبتها من مصر فوقها رفوف عليها اشيائي المفضله وتحفي
ثلاجتي :39: يا حبني لها اكثر شي يحسسني اني راعية بيت بعد معاناتي لسنين مع ثلاجات العزوبية
ركن حاطة فيه كتب الطبخ وترامس الضيوف وطقم الشوربه واممم واشياء كثيرة :35:وهاذي مريلتي
وبس
الله يكرم ابو ريما ويوسع عليه في الدنيا وفي قبره وفي الاخرة زي ما وسع علي ويرزقه من اوسع ابوابه
اعطوني رايكم وانتقاداتكم ونصايحكم