واخيييييرا ربيت ولله الحمد تعالوا اسمعوا قصتي ..

اول شي وحشتوووني ياكروشات وعقبال ماتربون وتحطون موضووووع التربيه ....



يابنات انا بكر وهذا اول ولد لي والحمدلله ان ربي رزقني باحلى ولد فديت قلبه و يحفظه لي ...


القصه ومافيها ... انا كنت سهرانه مع زووجي نشوف التلفزيوون ليين وقت السحور ..


المهم تسحرنا وصلينا وقال بشوف التلفزيون شوي قلت اوكي انا بروج انام شوي لاني مرهقه كنت امشي في

المجمعات اتسوق وكانوا وقتها حمياتي يقولون يالله امشي علشان تربين بسرعه ... وانا صار لي 13 يوم من دخلت

التاسع ...


المهم انا رحت نمت وزوجي عالتلفزيون ... وجات الساعه 6 بالضبط احس بوجع مثل الدورة يجي على خفيف

ويروح ...

وقلت بقوم دام زوجي قاعد باكل لي شي لاني كنت احس بجووع ... شربت حليب مراعي وقعدت عند زوجي في الصاله وقعدت اشوف معه التلفزيون ..



المهم الوجع جاني مرة ثانيه وقمت اعض ايدي على خفيف بدون مايحس زوجي وعقب يرووح

واذا راح ودي ارقص من الفرحه


المهم عقب خمس دقايق جاني وقمت اعض اصبعي واروح لغرفتي واجي للصاله على اني امشي بدون مايحس زوجي



وبعدها زوجي الشيخ خلينا نروح ننام قلت يالله عاد انا تعبااانه ودي انام وافكر بالوجع اللي يجيني كل خمس دقايق



المهم نمنا عالسرير وجاني الوجع على قووي وقمت اتعصررر واعض اصبعي على خفيييف ...


قال زوجي يابنت وش فيك انتي مب طبيعيه قلت مافي شي بس يجيني وجع خفيف ويروح ...


وبعدها قلت بدق على اختي بسالها عندها خبره ... دقيت عليها وردت


قلت لها يابنت يجيني وجع مثل الدورة واحس اني بموت منه اذا جاني قالت يووووه انتي لو تقرصك نمله

تروحين للطبيب ؟


قلت يعني مب طلق قالت لا لاتستعجلين اصبري لين الساعه 10 اذا ماراح روحي للطبيب


قلت اوكي ...


المهم الوجع كل ماله يزيد ...


وصلت الساعه 10 والوجع ذبحني ماخلاني انام ... قلت لزوجي دق على حماتي وقول لها تروح معي


المهم دقينا عليها وجات طبعا هي عندنا بالبيت وبغرفتها كانت نايمه فديتها وماقصرت راحت معي ...


وصلنا الطبيب وانا اتألم والله يابنات ماصحت ولا بكيت بس اتالم وادعي واستغفر وكانت حماتي عند راسي تقول استغفري اكثري الاستغفار ...


واول ماوصلت الطبيب دخلوني على الدكتورة لانها حاله طارئه قالت لهم حماتي ...

وفحصتني الدكتورة قالت انتي ياماما ثلاثه سانتي الى اربعه ولاده :eek:


المهم لحد اللحينما استوعبت ودوني غرفة التخطيط وطلع طلق ... واخذووني في عربه وانقلوني لغرفة الولاده

واختي جاتني هناك وحطوا علي مغذي وحطوا علي تخطيط المهم ينتظرون لين الطلق يزيد ..


انا هنا قعدت اتالم واتالم واصبر واختي عند راسي تقول قولي اللهم سهل ولا تعسر وانا ارد وراها وكان صوتي شوي بالعالي من الوجع ..

وجاوا ثلاث دكاترة واحد منهم بطل ماي الجنين وراحوا وخلوني المهم وصلت الساعه 12 وقعدت اصييييح اقول لاختي هاه ؟ كم وصلت لانه مبين على الجهاز اللي حاطينه علي

قالت تو الناس تبي تهدي علي قلت اااااه وش تو الناس انا بموووت قالت اصبري يابنت توه ماجاك شي ...


المهم جات الدكتورة وقالت ماشاااااااء الله وصلت لثمانيه سانتي الى 9 وانا اصييييح واقول لهم ابي ابرة ظهر


قالت اختي حطوا لك ابره الظهر عن طريق المغذي قلت اكيييد ؟ قالت ايه انا شفتهم ...


اثااري الدكتورة مانعه علي ابرة الظر وابره المخدر لان الضغط كان مرتفع معاااااي ... المهم اصيييييييح اقول

يابنت عطيني يدج بموووووت قامت اختي تبكي من صوتي وقالت طيب ساعدوها عطوها شي يهدي عليها

عطوني اكسجين واحس اني بعالم ثاني وطلعوا اختي برا ...

وقالوا يالله يالله ماشاء الله بين شعر البيبي وانا اصيييييح واساعدهم قالوا ممتازة كمان كماااان

بنات عندي ملاحظه جزى والدينا الجنه >>> بدويه من قلب


لما قالوا بسرعه ياماما نبض البيبي ضعيف ساعدينا عاد هنا انا صرت باتمان سااااعدتهم لييييييين قال البيبي


وااااااااااااا واااااااااااااااا وحطووة على صدري وكان الوسخ فيه قلت شلوووة شلووووة


المهم بكيت لما بكى وقلت الحمدلله يارب ...



يالله وش رايكم مب شجاعه انا ؟؟ لا ابرة ظهر ولا هم يحزنووون وربي هون علي ....