المجهولة9 :

مشكورين حبيباتي عالردود الله يبارك فيكم جميعا مع اني مااحس وصفي مرعب بس شكلي مو حاسه بنفسي هههههههههههههههههههه اللي سالت عن زوجي لا حرام بعد ماحس الموضوع جد ومو دلع مره خاف راح الدوام وقع ورجعلي وصار يدق يطمن كل شويه ويدعيلي المهم اكمل لكم القصه بعد ماخلصت الولاده الفعليه بدات الولاده الثانيه وهيا التنظيف وفي هذا الشي ندمت اشد الندم اني ولدت في الولاده لانهم مايعترفوا بالبنج مع اني متفقه معاهم وسالت كثير كلهم قالوا يبنجوا وماتحسي على بالهم ابغى اسمع شي يطمني مو داريين اني باسال لاني ابغى اقرر على اساس اجوبتهم اولد في المواساه او الولاده وقررت الولاده على اساس في بنج وبعد تعب الولاده خلاص مافيكي تتحملي ولاشي ولاتسوي ولاشي بس انا حسيت بالتنظيف والدكتوره صارت تقولي كحي مو قادره اكح وتقولي الرحم قفل عالمشيمه وانا مو قادره وصارت تدخل يدها وانا اتفرج واشوفها تنظف وانا متنحه مافي اي ردة فعل وماابغاها تمسكني وبعد مانظف جات الولاده الفعليه صراحه اعتبر الام وتعب الخياطه اصعب من الولاده نفسها اتخيلوا تحسي بكل غزة ابره وتحسي بالخيط يمر في لحمك وتحسي باللحم يتجمع على بعضه هنا طلع الصراخ والفضايح كنت متماسكه طول الولاده وكل همي ولدي يطلع سليم ومااقفل عليه بس في الولاده ماقدرت اتماسك صرت اصرخ وابعد نفسي عنها لدرجه اني بعدت والابره فيا وصرت اقلهم ماابغى اتخيط خلاص طيب خلاص سيبوني دحين بعدين خيطوني يحسبوني باشرد انا كنت ماابغاهم يخيطوني وخلاص اروح بعدين مستوصف اسوي تجميل عالاقل اكون مبنجه انا حسيت انهم اعطوني ابره بس ابره تجيب الهم ماسوت شي وكنت حاعض الدكتوره اللي عند راسي ومسكت يدها بقوه بغيت اكسرها والله انها عذاب مو طبيعي ومره ندمت اني ماولدت في خاص لاني شفت قريباتي بعد الولاده خلاص ماتحس بشي تتخدر وتنام صح تتعب شويه وقت الصحوه من البنج وتحس ببروده بس مو مشكله اهون اللي حسيت فيه والين اليوم بعد ماكملت اسبوع قدرت امشي او اجلس طبيعي لاني طول الاسبوع اصرخ وابكي من الخياطه لدرجه صرت اتمنى الموت من الالم ولاكنت قادره اكل اكل وانا جالسه كاني باحبي او نايمه عاليسار مه اني كنت اسوي مغاطس مويه دافيه بملح كم مره في اليوم وادهن ميبو بس الين قبل امس وانا كنت ابكي من المها حتى لمن جات تفك زاد الالم صار في غزغزه كاني باتخيط دحين ومره كنت اتعذب خاصه لمن ولدي يبكي ومااقدر اقوم اسكته وكنت مااقدر ارضعه وانا جالسه انيمه وانام جنبه وارضعه ومارضيوا يعطوني مسكن قوي قالولي يروح في الحليب كتبولي تحاميل ماتسوي شي بس طنشتهم واستخدمت فولترين وبرضو ماكان يسويلي شي صراحه الوضع يحير الخاص نخاف منه والعام نخاف منه بس اخرررررررررر مره اولد في عام وماانصح اي وحده عندها امكانيه تولد خاص انها تروح العام طبعا بعد الولاده جلست حوالي ساعه في الكشك وجات وحده ضغطت على بطني تتاكد مافي نزيف ونزلوني غرفتي وكانوا كل شويه يتاكلوا من الضغط والسخونه واتحممت ولبست وفي الليل بدات تشد الخياطه وناديتهم يعطوني مسكن جايبين شي مره خفيف زي البنادول قلتلها ابغى اقوى جابتلي فولترين وحطتلي محلول عالخياطه خفف الالم ومو قادره خلاص ابغى ارجع بيتي اجلس في مويه دافيه في الصباح وزوجي بيسوي اجراءات الخروج خلااااص مو قادره استنى ابغى اخرج بسرررعه الم فظيع واستمر الم الخياطه اسبوع ودحين احس نفسي كنت ميته ورجعت للحياة وبدات اكل كويس واهتم في ولدي كويس وماادري كيف مره دا الاسبوع احسه سواد في سواد كلو نايمه على جنبي اليسار وبس هذي قصتي وجبت ولد مررره يشبهني ماشاءالله والله يقوم كل حامل بالسلامه ويرزقها الذريه الصالحه المعافاه

مشكورين حبيباتي عالردود الله يبارك فيكم جميعا مع اني مااحس وصفي مرعب بس شكلي مو حاسه بنفسي...

أمآسي :

الحمدلله على سلامتك ومبروك البيبي يتربى بعزكم

الحمدلله على سلامتك ومبروك البيبي يتربى بعزكم