واذا قلت مابي أعرس .. قالوا .. لاحد يسمعك ؟؟

بسم الله الرحمن الرحيم..

يمكن الكثير يستغرب من موضوعي ..مثل مالناس تستغرب من رأيي في عدم اقتناعي في فكرة الزواج ..خصوصا في هالزمن .. الشباب ابدا مثل البنات ماهم مهيئين جدا للزواج .. هذا من ناحيه ..

من ناحية ثانيه .. وهي لازمه للأولى .. اقتناعي التام .. ان الزواج الحين غير اساسي لي ..
يعني مو لازم رجال حاليا بحياتي .. خصوصا ان الوالد الله يطول بعمره .. ماقصر بشي ابد .. وانا مرتاحه على هالوضع ..
الشي اللي جد يكرهني بالزواج ..
الخيانات اللي تصير من الرجال ..

في الأسبوع اللي فات .. ثلاث أحداث صارت قدامي ولناس غالين جدا على قلبي ..

الحادثه الاولى ..

صديقتي .. مالها ثلاث اسابيع متزوجه .. وسوالفها هي زوجها من ايام العرس..
وبالأخير دقت علي من بيت اهلها تقول ابشرك لي شهر متزوجه .. .


الحادثه الثانيه :

صديقات الروح للروح .. زوج وحده منهم .. خذا الثانيه ..



الحادثه الثالثه : ( صاحبتها طلبت حلووووووووول من منتداكم والله )

البنت متزوجه يمكن من اربع سنوات ..

وزوجها من يوم خذها راعي انترنت .. ولا شافت عليه تغير .. بس المشكله ايش .. تقول انا شكيت فيه لانه زاد بالانترنت شوي .. واني مره دخلت عليه الا هو داخل شات ..وتقول لمحت كلام منه يكلم بنات ..

المهم هي كل قلبها التفكير .. خصوصا انه سافر للبحرين مع اهله وهي ماراحت معهم ..
وجت بيوم ودخلت عليه الا هو ماسك جواله ويكتب كلام ويبتسم ..ولما شافت الجهاز الا هو فاتح
الشات ..يوم قربت ..لف الاب توب عنها .. وقال اكلم اصدقائي ومابيك تشوفين كلامي ..

هي شكت فيه .. (( ولا الومها صراحه )) .. تقول يوم نام جيت فتحت جواله .. الا فيه رساله مرسلة لرقم .. في البحرين .. وكاتب انا في المقهى وكاتب اسمه ويقول انتي اي وحده ابي اشوفك ؟؟
يوم واجهته بالسالفه انكر .. وقال هذا ولد خالتي خذ جوالي وقعد يرسل ؟؟

الحين دخلاته على النت كثيره وخصوصا الشات ..
المشكله عمره 33 .. وصديقتي والله والله والله .. ماشاء الله حلوة .. وبنت حموله سنعه .. ومتدينه .. والحين عمرها 22..

تقول قبل امس يوم يبتسم وهو ماسك جواله .. متوقعه القى رقم بنت .. بس ماتوقعت القى رقم يوم كان مسافر للبحرين ..
واللي زاد الطين بله ..

لقت رقمين .. مكتوبات عنده .. واحد سواء .. وواحد عام ..

ياعمري كلمتني ضايقه فيها الدنيا تقول تصرفي ..

انا انصدمت فيه ..

ولا عرفت افكر ..


انا قلتلها والله مادري خلي اشوف بنات حواء وش يقولون ..

اكبر مني ومنك ..


قالت طيب ..

تكفين دقي على الرقمين تأكدي ..

والله قلبي بيحرقني عليه ..


انا دقيت على البحرين ردت اجنبيه .. مافهمت كلامها وتصارخ واصوات موسيقى (( انا عرفت انها في ملهى ))

او انها وحده سكرانه بس انا مافهمت وش تقول ؟؟


رجعت دقيت على الرقمين السعوديات ..

السواء مقفل ..

والثاني مايرد ..

وقلتلها ..


قالت تكفين حاولي باللي مايرد .. رجعت كلمت .. لقيته مقفل ..

هنا هي تأكدت انه بنت ..


فقالت ..


تكفين حروة..

مالي الا الله ثم بنات حواء ..

جد احس تفكيري انشل ..

وحطيت حرتي بولدي ..



اطلبي حلوووووووووووووووووووول منهم ؟؟


انا بدوري جيت وكتبت الموضوع ..


ومن قصتها .. جد تأكدت ان الرجال .. خونه ولا يعجبهم العجب .. مهما صارت البنت كامله والكامل وجه الله ..




أبي حللللللللللللللللللول .. تكفوووووووووووووووووووووون ؟؟