كل عام وانتم بخير
شوفي حبيبتي والله ما ودي احبطك بس البيت من غير الشغالات ماش انا ام ل3 عيال مربيتهم تربية كويسة والله العظيم كثير من اهل زوجي يشيدون بتربيتي ومعودتهم على الصلاة والصيام من عمرهم 7 والنظافة والترتيب هادي اساسيات حياتهم وما جبت الشغالة الا بعد الثالث وكنت نشيطة ولهلوبة بس بعد الولادة الثالثة صارت الحياة اكثر تعقيد وصحتي بدت في النازل وماعدت اقدر استغني عن الشغالة ورغم ان العيال كبرت والمفروض انهم صار شغلهم اخف الا انهم انتكسوا لما الشغالة تروح اجازة تعالي شوفي البيت كيف يحوس رغم ان المطبخ احس انه انظف بكثير لاني انظفه بإخلاص بس تلاقي زوجي متوتر من صراخي على العيال كل واحد فيهم كل شوية يشرب بكاسة مختلفة على اخر اليوم الاقي كل الكاسات اللي في الدولاب وسخة غير الاواني اللي يسون فيها الاندومي من شوكات وصحون وملاعق وقدور:hahaha: بحجة ان الاندومي ماله طعم لو صارت كمية كبيرة, وبكذا المطبخ كل ما خرجت منه بعد التنظيف الاقيه توسخ, اما البيت ياويلي من البيت البنت الصغيرة تحتفل بكل العابها في الغرفة غير انها تدخل غرفتي وتنكش الادراج تدور وتلعب بالاكسسوارات وتترك الوضع كما هو عليه والمتضرر يلجأ للقضاة الولد المتوسط الله يرضى عليه حنون وطيب وهو اكثر واحد يساعدني في الاعمال برغم من ان ابوه يخاصمه يقول ان الشغل مو للرجال:hahaha: مشو حالكم نحن بحرب على هالنقطة من 20 سنة بس هالسبب هو اللي مخليه جايب شغالة علشان عياله ما يشتغلواشغل الحريم طبعا حاولت اقنعه ان شغلهم يعلمهم لما يعزبون بس ماش مافي فايدة معصي, الولد الكبير في الجامعة لأ وفي كلية الطب بعد ومن دخل وهو شايف نفسه انه كبر خلاص ومايبي احد يمسك ملازمة واوراقه ومكتبه وياليته تعود على النظافة اللي تربى عليها ويقولوا( ابنك على ماتربيه) اكيد بيرجع زي ماربيته بس مع زوجته الله يعينها والله يا بنات ان غرفته تطلع ريحتها من كثر ما يلبس ويفصخ على بعضه الاقي كل الملابس على بعضها حتى الوسخة يرميها في الارض لدرجة اني يأست وشلت سلة الغسيل من غرفته لان مالها فايدة .
وبكذا يصير يومي كله انظف ماوسخه العيال ومايمدي انظف البقية الباقية يادوب الغسيل اغسله اول بأول بس عندي مشكلة قديمة من ايام البنوتية اكره شيء الكي وتطبيق الهدوم؟؟؟ليش لاني اشتغل كل الاشغال بإخلاص وطبعا التفاني والاخلاص الزايد عن حده يضيع الوقت وانا عندي وسواس قهري احاول كثير اتغير بس للأسف مرض نفسي المهم عرفت شيء مهم عن رجال هذا الزمن ان الوحدة فينا لما تطيح وتنهك يروح يدور على راحته(هم يتزوجون علينا فراغة عين)عاد شلون لما تطيح الوحدة ويلاقي العذر! ! ! ! ! ! ! ! ! ! ! ! الله يستر
علشان كذا قررت اني لازم اهتم بصحتي اللي بقيت واجي على نفسي واحتمل غلاسة الشغالات وتوترهم اللي يسببوه لنا والله يعينا لان الصحة في هالزمن مافيها بركة من(الجنك فوود)اللي يتصدر من عند اليهود والامريكان والرجال مافيهم بركة من الخلاعة اللي تصدرها الفضائيات خاصة اللبنانية الله يجيرنا منهم.
علشان كذا نصيحتي لك ابتهلي الى الله بإخلاص ان يعوضك بشغالة بنت حلال تريحك
وسلامتك لاني تعبت من الكتابه والله يعطيكم العافية:eek:

نسيت اسألك وش نوع مكوة البخار ؟
واللي تعرف نوع كويس يابنات تدلنا الله يخليكم

ياااااااي انا حكايتي حكايه مع شغل البيت انا اكره الشغالات بالمره
بيتي اربع غرف وعندي ولد واحد بس الشغل مايخلص ابدا لاني انظف بغرفه بعدين اروح الغرفه الثانيه القى ولدي خرب كل اللي سويته بالغرفه الاولى
وياعيني على القهر بلحظتها احاول اعلم فيه بس مافي فايده بس فالح يرمي في الزباله الاشياء المهمه المفاتيح ومحفظة ابوه خخخخخخخ ليته يرمي زبالته كان احسن

وعلى قولك اكره شي لما يجيكي احد فجاءه والله مره جاتني وحده مادريت الا وهي على الباب صرت ماني عارفه فين اوديها المفروض الناس اللي زي كذا مانفتحلهم الباب من اصله

والله يابنات انا اليوم ...اليوم بس ...
عرفت ان الحياه بدون شغاله مستحيييله ...
الا اذا كان اصير زي الشغاله ..لاروحه ولاجيه ولا تلفون ولاتلفزيون ....مجرد تنظيف وشغل ...ويادوب بعد!
اقول لكم يومي ؟؟
مانمت امس ولا لحظه ...الى الساعه اربع الفجر (لازم اقوم خمس عشان المدارس)
يادوب غفيت ربع ساعه ...وقمت ...
فطور -تمشيط شعر- ترتيب المواعين -اعداد للمدرسه -تحضير الدجاج للغداء وتتبيله
بعدين جيت انام ...ماجاني النوم(الساعه سبع)عشان مافي شغاله ومن التعب خفت تروح علي نومه
ومااحد يفتح لبنتي الباب ....مع اني ضبطت منبهين ...
ونومي خفيف ...بس ممن الحرص ..
عموما ...ضبطت الساعه على عشر ...خوفا انها تجي بدري على غير العاده!
وماجت الا 12 وطبعا ضاع الوقت ...ولانمت ..
قمت ...طبخت الغداء ...
غسلت 3 حمامات ...
رتبت الغرف ...
كنست المطبخ ...
غديتهم ...
حطيت المواعين في الغساله ...
كانت الساعه اربع ونص ...!!!!
وتخيلوا ........
يادوب يمديني اذاكر لهم !
(لان من الظهر وانا احن ولا احد راضي يذاكر )
ذاكرت لهم ...
الا الساعه ست وعيوني مااقدر افتحها ...
هذا وانا مامسحت رخام الدور الارضي ...ولانفضت الغبار من التحف ..والجمالس ..
ولاكويت ولا غسلت الثياب !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!11
بنات انا اليوم تحملت فوووووووووووق طاقتي ...
وقررت استقدم ...
والله يبرني بوحده زينه ...
لاني فعلا مااقدر استحمل الحياه كذا!
نفسيتي زفت وطول القوت صراخ ..
ليه انت رميت وليه مارتبت ..ومن اللي رمي هذا ..ولا تدخلون الحمام اللي تحت و و و و و وو
والله اني اشتهيت عصير ولما تذكرت الادوات اللي بغسلها ...بعد مااسويه هونت!!!
والحين مافيني حيل ادخل المطبخ اسوي عشا ابددددددددددددد
طلبت عشا من برا :(
يالله .......................شي مو معقول !
الا اذا كانت الوحده تتغاضى؟؟
ولاتهتم بالنظافه مره؟؟؟
ممكن ...
انا اخاف تنتكس صحتي ...خصوصا الام المفاصل ...
فخلاص ...
الله يعينا على غثاهم ..

روائع الحياه ...
والله جبتيها ....فعلا مااحد بينفعني ...
والله اليوم اقول ...مااحد مات الا انا ..
الله يعين بس ..
نوع المكواه كون اير ...:)