السلام عليكم ورحمة الله وبركاته
بداية كل عام وانتم الى الله اقرب وعلى طاعته ادوم ومن الجنة ادنى واقرب وعن النار ابعد ولفعل الخيرات اسبق ولسنة النبى صلى الله عليه وسلم الزم..
بادخل في الموضوع على طول ...انا طبعا احب ارفه عن نفسي واطلع للملاهي من وقت لآخر..لكن لفت نظري مناظر احزنت قلبي..
طبعا انتو تعرفون ان فيه بائعات مسيحيات والمفروض اننا كمسلمات نكون نموذجا رائعا للمرأة المسلمه ليس بسبب اعطاء نظره حسنه عن شخصية المرأة المسلمه فحسب ولكن ايضا لعلهم يحبون الاسلام الذي اكرم المرأة المسلمه فظهرت بهذا المنظر المحترم في لباسها وحركاتها وجميع تصرفاتها..
لكن للأسف هناك فتيات خفيفات العقول..يتصرفون بتصرفات ان دلت على شئ فإنما تدل على الجهل..
الجهل بالدين والجهل بمدى استخفاف تلك المسيحية بشخصية المسلمه..
في احدى الملاهي تجمعت مجموعة فتيات في جلسة المطعم ..
وكان فيه شاشه في احدى زويا الجلسة والبائعات المسيحيات مشغلين اغاني اجنبيه ..
اضطريت اروح بعيد عن الجلسه واطلب عشائي هناك لكني تفاجأت بالبنات الي متجمعين حول الطاوله
يصفقون ويرقصون فوق الطاوله ويصفرون ويغنون بأعلى صوت والمسيحيات يطالعون من شباك المطعم
ويضحكون ...
والله انقهرت وقلت بالله وش يقولون عنا هالمسيحيات؟!
المنظر الثاني مريت بكوفي شوب وطبعا نفس الشئ الي يبيعون مسيحيات الا وثنتين بنات وحده منهم
لابسه لبس غريب وحاطه الشنطه مايله زي الحركات المقززه المنتشره الحين ..
ورابطه خصلتين صغار من شعرها بمطاط ابيض من اليمين ومن اليسار وباقي الشعر منتف يعني شكلها غريب...
مدري مريضه والا هاذي الموضه وانا ماادري !
المهم الا واسمعها تقول للمسيحيه شغلي لي اغاني دسكو ترا اعرف ارقص دسكو ..والمسيحيه جالسه على الكرسي ومطنشتها ..وزميلتها الثانيه تضحك عليهم ..والا البنت مصره تقول يالله شغلي دسكو انا احب الدسكو ..عندك شريط دسكو ؟؟
بالله وش رايكم في فتاة الاسلام؟؟!
مااقول الا ...الله لايكثرهم في بنات المسلمين.
يلزم عليك تسجيل الدخول أولًا لكتابة تعليق.
الصفحة الأخيرة
ابحثي عنها في أماكن الخير فلن تجديها ...
نحمد الله على السلامة والعافية ونسأله التوفيق والسداد لكل مسلم أراد رفعة الدين ونصرته والذل والهوان لكل من أراد للدين هوانا وخسرانا ...