توكلي على الله واستعيني فيه فهو حسبك

ياقلبي عندك صديقاتك ,, ومولازم يكونوا اقاربك موجودين لانهم حتى لو كانوا موجودين راح تكونين منشغله عنهم ,, يوم العرس كله مزحوم ,, بتجلسين في الغرفه وتجي المصوره وبعدها العريس يادوب 3 ساعات تمشي بسرعه البرق ,, واستاجري لك عاملتين فلبينيات يساعدونك ,, لاتخربين فرحتك بتوافه إذا هم مااهتموا لك ليش تهتمين فيهم ؟؟

جزاكم الله ألف خير .....  دعواتكم لي تتيسر اﻻمور .

يا عمري الله يفرررج همك وييسر امرك .. والله اعرف ناس مثلك وربي يعوضهم بازواج مافي مثلهم .. الله يعوضك بزوجك وعيال باذن الله ينسوونك كل هالالم .. لا تشيلين هم شي بتتيسر الي خلقك ما ينساك..
اغراضك وديها كلها بيتك من قبل الزواج احنا كذا عاداتنا بس تخلين معك شنطة الفندق تكون صغيرة واحد من اخوانك يجيبها لك للفندق قبل ما تروحين .. والله ييسرهاا لا تحملين هم :) انبسطي وعيشي اجمل ايام العمر وفليهااا وربك يحلها ..

الف مبروك الله يتمم لك بخير وسعادة
هذا من وسوسة الشيطان لينغص فرحتك
الحمد لله عندك اختك واخوانك
وباذن الله خالاتك وعماتك وبناتهم ما يقصرو
ليه تستبقي الاحداث
ولعلمك احيانا الاهل يهتمو بحضور ابناء قريبهم المتوفي اكثر من الحي
وعن تجربه لفرح اخويه وكنا شايلين هم اول فرح زيك خاصة انه لولد وكل شي علينا كنا نحتاج احد كبير يساعدنا
و وقف عمي واخوالي معانا وكل واحد يحاول يعوض اخويه عن غياب الوالد جزاهم الله خير
ونفس الشي بفرحي حتى وحدة من عماتي مريضة جدا وبمدينة ثانيه حضرت مع بناتها ربي يسعدهم وما كنا نتوقع
المهم انتي واصليهم اتصلي فيهم واسالي عنهم خاصة خالاتك برا بامك
وقبل الفرح بفترة اتصلي واكدي على حضورهم وان عدمه يحزنك ولو برسالة جوال
وحتى لو ما حضرو السعادة مو بالمظاهر في القلوب كم اسر اعدادهم كبيرة وقلوبهم مشتته
خلي همك الان كيف ترضي الله فيرضيك
كيف تكوني اسرة سعيدة متحابه في الله
الفرح ساعات بتمر وتنسيها واذا اهل زوجك طيبين باذن الله يعوضوك والعمر قدامك
اشغلي نفسك الان بالتقرب من الله بالصدقة والدعاء والثقافة الزوجيه طريقة معامله الزوج التغلب على الازمات كبت النفس والنقاش المفيد والحوار الهادف
لان اخطر فترة بدايه الزواج وعليها الطرفين يبني نظرته وتوقعاته من الاخر والرجال يحبو الزوجة الحنونه كاتمه اسرارة والشريكة بكل حياته فحاولي تكوني هذي الزوجه
والله يوفقك ويسعدك وكل مسلمه