واسوني 😔💔

السلام عليكم ورحمة الله
اكتب ودموعي على عيني ... مني مصدقه اللي صار
احس كل شي صار بسرعه ... صديقتي وجارتي واختي
بنفس الوقت ... انسانه ياربي اني اشهد اني ماشفت منها الا كل خير حبتني من قلبها وحبيتها ... حبيبه ومتواضعه وحنونه وانسانه رائعه ... بابها في بابي اسعد اللحظات قضيتها معها مثل الخوات كنت نتساعد ... اساعدها وتساعدني نتبادل كل شي ونرسل لبعضنا من طبخاتنا ونذوق بعض شباك صالتي جنب شباكها امد يدي باي غرض وتمد يدها لي باي غرض والله حتى كوب القهوه كنا مع الشباك نعطي بعض اللي تصلح تذوق جارتها ... ياربي قلبي موجوع ادري كل شي قضاء وقدر وكل شي بيد الله بس اذا صار الشي بسرعه تنصدمين وماتتحملين ... تعبانه هي الحين وتعبت معها ... هي الان بالمستشفى فيها ورم اكتشفو في راسها وكل شي بسرعه بسرعه صار كل شوي يكتشفون بمكان منتشر خلال شهر هذا كله واخر شي البارح بالليل دخلت حالة اغماء تام وتشنجات ... يارب تشفيها يارب تشفيها يارب تشفيها ... اللي قاهرني عندي امل تقوم بسلامه واللي حولي يحسسوني انها خلاص باي لحظه يمكن تودع لييييييه لييييه كذا تفكيرهم ياقسوت قلوب الناس
يارب تشفيها وتقومها بسلامه يااارب انك قادر على كل شي
يارب هالانسان ماعمري شفت مثلها ولا مثل قلبها الطيب ..
واحس مستحيل الاقي مثلها بين البشر ... يارب ترحم حالها وتلطف فيها .. وتجعل اللي هي فيه تكفير لذنوبها ياااارب ....
ادعولها خواتي ادعولها ... ان ربي يقومها بسلامه ويشفيها وتقوم بصحه وعافيه ...