آه يابنات الله لايجعل اللي مر علي يمر عليكم :(
زوجي مات إلا شيء بسيط
مواقف تشيب الرأس وتقهر القلب وكلها احلام يقظة وغير واقعه ولله الحمد :frown:
تخيلوا أبكي 3 ساعات متواصله بغيت أنجن
القصة ومافيها زوجي كان مسافر لزواج لمناسبة قبل فترة وجهز ملابسه وتعشى معنا ووادعنا على العشاء
كان راسه يوجعه أخر كلمة قالها بأروح الصيدليه عشان يمديني أخذ حبوب لراسي قلت خلاص أوكي
نسيت سالفة السفر على بالي بيروح للصيدليه ويرجع
وأنتظر يابنات مرت نص ساعه وبعدها ساعه وأقول اش به زوجي وينه مايرجع
صارت الساعه 1 ومو عوايده يطول برى البيت أبدا إلا اذا يعطيني خبر بالجوال
وأنتظر ساعتين واتصل عليه احرقت ابو الجوال مايرد مرة مقفل ومرة يدق
وأنا بس ابكي واقفه في البلكونة انتظر نور سيارة تجي لو بالصدفه
قلت أكيد صار عليه حادث ومات :icon33:
واصيح وأبكي وأطلع لجارتنا واصحيها من النوم قلت ودوني عند أي أحد زوجي شكله صار له شيء
وأنا زي المجنونة وجارتنا تبكي معي متأثرة من شكلي وبكاي ..
وقتها وأنا أبكي أتذكر كنت أقول له لما أزعل ماتهمني لو ايش صار لك عادي وأقول له راح أعيش من غيرك ملكة وأقدر أصرف عمري وكلام كثير
إكتشفت ساعتها إني ولاشيء من غيره أقسم بالله يابنات لولا رحمة ربي وإلا راح تحترق كبدي قربت على الجنون وأتذكر عيالي بدون أبوهم يالله رحمتك فيني
ويوم نزلت أخذ عباتي عشان أروح مع جيراني كأن من صحاني من النوم إلا أتذكر أن زوجي بيسافر :huh:
سجدت سجدة شكر وقعدت اضحك ضحكة هستيرية وعلمت جارتي وبغت تضربني :024:
وبعدها بساعه يتصل زوجي يتطمن علي قال اشبك وش هالأتصالات
قلت انت بخير مافيك شيء وعلمته قال ايه شفتي كيف تحبينني وماتقدرين تعيشين من غيري ياحمقاء :44:
قلت والله إنك صادق وأبصم بالعشرة إني ولاشيء من غيرك وربي موت محقق وراك على القبر :crap:
يارب لك الحمد عندنا مثل يقول ( الرجال هيبة ولو كان خيبة) والله فعلا الرجل والمرأة مكملين لبعض حتى لو فيه مشاكل وسلبيات :frown:
الله يرزق كل من تتمنى الزواج ويوفق كل وحده مع زوجها ولايحرق قلوبنا بفراقهم ويعوض كل محرومة
متأسفة على موضوعي لكن للعظة والعبرة
يلزم عليك تسجيل الدخول أولًا لكتابة تعليق.
ههههههه موقفك مضحك بعد مااتذكرتي بالله ماضحكتي ع نفسك الله يسعدك ويخليكم لبعض يارب ويديمه لكم
من جد ماتستغني المراءه عن زوجها رغم المشاكل بس انا قريت قصه لوحده هنا بالمنتدى كانت تحبه بجنون ولما جا يطلع قال بطلع قالت له روحه بلا رجعه تقولها مزح ولما تاخر تتصل مايرد وتتفاجئ بأخوها عند الباب ويوم فتحت له وشافت عيونه ولاف غترته على وجهه قامت تصيح فلان فيه شي قام يهديها وعلمها انه صار عليه حادث ومات تقول تحسفت على كلمتي حتى وهي مزحه ياكبر جرحها عسى الله يبريه😔
الصفحة الأخيرة
الله يخليلك ابوعيالك