واسوني تكفون

السلام عليكم
انا متزوجة من سنتين الا كم شهر
اغتربت وحملت بعد زواجي بشهرين ..
فهمت زوجي فعلياً ايش هي نفسيه الحامل وكيف تنقلب وكان متفهم لاكن يوم بدى الجد ! ذوقني الامرين
لا مراعاه نفسيه اني بغربه ولا مراعاه هجر ولا مراعاه باي شي
طلبت ارجع السعوديه وقلت مابي اجلس دقيقه بامريكا وكبرت المشاكل لين رجعت ويوم رجعت للاسف ما توقعت دعم اهلي كذا
رجعت وسكنت بين اهل زوجي بغرفه وسلفاتي كل وحده بشقتها ينزلون متجهزات نظيفات بنفسيات جميله الله يباركلهم ببيوتهم وازواجهم ويرزقني احسن منهم ويزيدهم من فضله وياكم
اما انا كنت اطلع من الغرفه الي بابها على الصاله واكون توني قايمه من النوم بعبايتي وبشكلي وامشي من قدامهم عشان اروح الحمام ما يمديني ارجع الا البزران بالغرفه
لا حول ولا قوة الا بالله اعصر على قلبي واسكت
وايام احبس نفسي من الصبح ليييين ٢ بالليل لين اتاكد ان محد بالصاله واروح دوره المياه وانتوا بكرامه
وساكته لاني انا الي رجعته قبل لا يخلص الشقه لان كانو مخلين الشغالات فيها

وطبعاً مافي ذره من مراعاه المشاعر ، يدخل علي الغرفه مكشر ومبوز ولا طلعت بين اهله احصله ابعد من البعيد عني ، اضطر اروح لاهلي ولا احكيلكم الكلام الي اسمعه انه اختيارك وانه وانه وانتي اللي اصريتي عليه خلاص احس اني بنجن

طبعاً تفاصيل وتصاذمات كثيييره واتفقنا اني ارجع معاه على امريكا واغير الفيزا حقتي وشاء الله وفيزتي ما تطلع وهو رجع وانا جلست ببيت اهلي وعلى اساس هذا الوقت يتم تجهيز شقتي