هلا فيك ياقلبي
اصبري
والرجال تهون عليهم العشره وبقوه
مابي احطمك لاكن دووووووووم احنا اللي غلط وهم اللي صح دوووووووووم احنا اللي نضحي وهم مالهم الا الجهاز
زي ماهنت عليه العشره :arb:
لازم تهون عليك انتي كمان:27:
واللي يبعينا برخيص بعناه
يالغلا انتي مو اول واحده ولا اخر واحده تطلق
واذا ع كلام الناس ماراح يملي عيونهم الا التراب
اذا ماتزوجنا قالو فيها شي
وا تزوجنا هم قالو ماهي بصاحيه
وان تطلقا هم تكلمو
وحتى لو توفيتي تكلمو فيك
يعني ماراح تسلمي من لسانهم الا مارحم ربك
علشان كذا اصبري واحتسبي
وربي يعوضك باحسن منه يمكن خيره لك
وياما اعرف متطلقات ماخلصو الا العده اليوم والا اليوم الثاني متزوجه ومتوفقه الحمدلله
صلي وادعي واقري القران واستغفري
طالبه التعويض بانسان يفهمك ويعوضك بكل يوم قضيتيه حزينه
ومووووووووووفقه

اتركي حبك له على جنب
دامك ماكنتي مرتاحه معاه وعيشتك كانت نكد اعرفي ان طلاقك نهاية للهم وبداية لحياة حلوة بإذن الله
توكلي على الله ..وماعليك من احد
اذا ماوثقتي بنفسك المجتمع مارح يرحمك
خليك قوية ولاتقيمين نفسك وحياتك حسب نظرة الناس لك
الناس وانتي متزوجه ومخلفه ماتركوك بحالك الا مايطلعون عله ..بلاهم انهم فاضيين
وبعدين ليش تهتمين بناس سخيفه ماهمها الا التكلم بالسوء عن غيرها !!
عليك من نفسك وحياتك وسعادتك
مو تنكدين على نفسك وتقولين يالله الطلاق هم وشي ماني قده !
حطي ببالك انك انسانه تستحق السعاده
ترا اهلك اللي هم اهلك احتمال اذا شافوك ضعيفه ومستهينه بنفسك ومتخليه عن ابسط حقوقك يمكن يقصرون معاك لو شوي ..
اعطي الاولوية لك وبس
والله في بنات من قرايبنا اعرفهم تطلقوا وربي عوضهم بالاحسن وبعضهم تطلقوا مو من شي كبير لكن مافي تفاهم يعني سبب سخيف للطلاق والناس سكتوا عنهم
لان البنات اثبتوا نفسهم وبينوا بعد الطلاق ان حياتهم افضل واحسن .

بس نصيحه اذا السبب بس من امه وهو شخص طبيعي مو مقصر معاك خلي احد حكيم من اهلك يتدخل ويصلح بينكم
لان الامور لما تتخذ بوقت مش كويس تسوي خراب بيوت بسبب العصبيه وسوء الظن
لكن اذا باايع العشره ومن اول مافيه خير
اعلقيها وتوكلي
وقولي اللهم اجرني في مصيبتي واخلفلي خيرا منها
والله يرزقك ويعوضك بالاحسن يارب

لا يضيق صدرك وترا الناس مالهم الا الظاهر لاتخلي نفسيتك تعبانه وتجيك بلاوي بسبب كلام فلانه وعلانه
ادعي ربك وصلي ولا تبيني لزوجك انت متضايقه بالعكس خليكي واثقه انه ماراح يخليك
واكثري من الاستغفااااااااااااااااااااااار وذكر الله
وصدقيني ماراح يجيك الا الخير
ادعي ان ربي يكسر في خاطره ويرحمك ويعطف عليك وانه مايسمع غير كلامك
ادعي انه يعجز مايتزوج ولا يطلقك ولايبدلك
ادعي والحي الدعاء انه ينزل حب في قلبه لك
الله يفرج همك ويرد لك زوجك ويجعل زوجك يمووت فيك ومايتبدلك ويسخره لك كما سخر الني صلى الله عليه وسلم لعائشه
اتمنى اني افدتك

وعسى ان تكرهو شيئا وهو خيرا لكم اختى جلست مع زوجها 17سنه بلا اولاد وبعدين تطلقت وكانت رافضه الزواج قطعيا

وبالغصب تزوجت والحين مبسوطه وعندها ولد وبنت

صدقينى يمكنها خيرة لك ووسعى صدرك ولا تهتمين من كثرت الطلاق صار عند الناس عادى تراها خيرة لك وبتشوفين خلى ثقتك بربك

كبيره وكثرى من الدعاءقولى اللهم اجرنى فى مصيبتى واخلفنى خيرا منها وكثرى من الاستغفار ولو يسرلك تصدقين

رحتى لسوق عطى العمال ولو قليل والرسول صلى الله عليه وسلم يقول خير الاعمال ادومها وان قل

وعسـى أن تكرهــوا شيئاً وهــو خيـــراً لكـــم
حبيبتي ولا ضايقي نفسكِ ياغالية والله يمكن خيــرة لكِ
ولاتتلفتــي للكـلام لأن الناس ماخلــوا بنت ولامتزوجة ولا أرملة ولامطلقــة إلا ماتكلموا وطلعوا فيها عيوب الدنيــا
وإذا بتراعي الناس وبتسمعي لكلامهم فاعذريني راح تتعب نفسيتكِ
وبعدين ياقلبي لاتزعلي هدا نصيب ومقدر ومكتوب
ولاتحزني ولاتشيلي هم حبيبتي المفروض تكوني مبسوطة لأن هدا من الله هو اللي أختار لكِ اللي إنتِ فيه
والله كل اللي يجيبه خير
والمؤمن مبتلى إنتِ مؤمنة فاصبر وأحتسبي الأجر والعوض من مالك الملك
والصبرحبيبتي عند الصدمة الأولى
يعني لاشفتي ورقة طلاقكِ لاتبكي أحتسبي الأجر وعلى طول قولي اللهم أجرني في مصيبتي وأخلفني خيراً منها
وشوفي ربي كيف راح يعوضكِ