يا مرحبابكم و بكل اهل السعوديه في دبي...
واذا عندكم اي استفسارات..ترانا حاظرين :27:

تسلمون بنات دبي ........ انا جيت دبي مرتين قبل بس هالمره جايه انشاء الله ومحتاره اطفالي وين اوديهم في المهرجان مع اني مافضل ابدا مسرحيات واشيا زي كذا ياليت الي عندها فكره تقولي لان هدفي بالرحله هذي اطفالي 10-7 سنوات ابيهم يفرحون ............ يعني انا رحت مره وقت مهرجان بس والله ماعرفت شي وشي مدينه مدهش ومركز التجاره هذا شنهو هو سوق ولا معرض اش طبيعته
الشي الوحيد الي عرفته الي في لامسي تحت كانها مدينة اطفال
اطفالي يقولون عالم الثلج بس هذا كيف اوصله هو كل يوم ولا ايام شلون طريقتهم ؟؟؟؟؟؟؟؟؟؟؟؟؟
المدينه المائيه اسمع فيها بس مادري شسلفتها ؟؟؟؟؟؟؟؟؟
انتظر تجاوبكم
؟؟؟؟؟؟؟ وش رايكم بالسكن تاج بلس ولا قراند حياة ولا شقق المرديان ؟؟؟؟؟؟؟؟؟ او فيه شي ثاني انا المره الاولى بصراحه وحده من المنتدى دلتني ع الملنيوم حق ابو ظبي جدا انبسطت وزوجي صار يدعيلها فالله يجزاكم خير دلوني حي

الصررراحة دبي روووووعة

عسيله
راح أعطيك فكرة عن أهم الفعاليات اللي ذكرتيها..
1/ مدينة مدهش الترفيهية...مكانها في مركز معارض مطار دبي في القاعة الشرقية ...مفتوحة من 10صباحا -10 مساءا ماعدا الجمعة تكون من3 الظهر-10 المساء...
2/ جزيرة المفاجآت...مكانها في نفس مكان مدينة مدهش بس القاعة الغربية ونفس المواعيد..
3/المدينة الثلجية"دبي تحت الثلج" نفس مكان جزيرة المفاجآت ونفس المواعيد..
4/ مدينة الطفل...(مكان مغلق مكيف جدا رائع للأطفال فيه ألعاب تعليمية) ...مكانه في حديقة الخور البوابة رقم 1 و2

وطبعا هناك الكثير من الفعاليات في كل المراكز التجارية ....كل مركز فيه عروض معينة وصعبة أكتبها كلها...اذا جيتي الامارات اشتري جريدة الخليج وراح تلاقين في الملحق الاقتصادي صفحة خاصة بالفعاليات اليومية ومكانها ووقت العرض...

أما بالنسبة للفنادق ..فوالله ما عندي فكرة...بس أعتقد ان فنادق دبي كلها كويسة خصوصا فنادق 5نجوم ..
وادخلي الموقع الخاص بالمهرجان فيه معلومات عن كل شيء مثل الفعاليات والمطاعم والفنادق...وغيرها..
www.mydsf.com