واعتبرته حلم عابر في حياتي

الله يسهل امرك ويفرج همك
لاتقولين يارب عندي هم كبير بل قولي ياهم عندي رب كبير
أسأل الله العظيم في هذه الساعه وفي هذا اليوم ان يصلح احوالك واحوالي واحوال جميع المسلمين وان يرزقنا بمانتمني انه قادر على ذلك
ياهم عندي رب كبير

ما كل ما يتمنى المرء يدركه ( الله يكون بعونك )

دخل تركي ولد عمي وجلس يناظر فيني ودموعي
على خدي ويسالني كل
هذا حياء او خوف
كلكم يالبنات دلوعات
اه مايدري وش في قلب مها
مضت الليله على خير
كل تفكيري في خالد وش شعوره
وش يفكر فيه
يالله الحياه يوم لك ويوم عليك
اليوم الثاني سافرت
تركي شاب طموح مشاكس يحب الحياه
ويحبني كثير يدور رضاي باي طريقه
اي شي احبه يجيب منه بالهبل
يحترم خصوصيتي كثييير اهم شي عنده الكرامه
رجل قووووي
مضت الايام وزرت اهلي
بعد زواجي الكل فرح بجيتي
رحت بسرعه لغرفتي واشم باقي ذكرياتي
اه ليت قلبي ينساه طلعت مذكراتي وكتاباتي دموعي
سبقت كل صفحه
الحمد لله غلى كل حال
جلست عند اهلي يومين خالتي ما جات تسلم علي
غريبه
سالت امي عن خالتي وصدمتني امي يوم قالت من تزوجتي وهي ما جاتنا
ليش ما ندري رحت لتلفون بيتنا وقلت بكلمها
دقيت ورد خالد اه ليتني ما دقيت حاولت اصكره
بس ما قدرت ابي اسمع صوته رجعني لايام حلوه
الو الو الو
وانا بس اسمع صكرت
وجهزت نفسي بمشي
خالتي دقت على امي مجرد ما شاقت الرقم وجات بسرعه
وانا طالعه من البيت الا تركي جايب خالتي احس الارض كلها ضاقت
لا يستحيل اشوف الاثنين مع بعض
تركي ينتظرني في السياره
خالد مجرد ما شافني نزل بسرعه وقف انا وقفت
يارب ابعد عن وسوسه الشياطين يارب
احس ودي اركض صوبه
يالله تغير شكله كل هذا عشاني
كبر عشرين سنه ,,,
رجعت للبيت عشان خالتي اللي قطعت نفسها من الصياح
علاقتي مع خالتي مره قويه قعدت معها وقلبي مش مع
اي احد قلبي وتفكيري معه كلمني زوجي واستعجلني وطلعت
وما زال خالد واقف ادري ليش واقف
حاول اناظر مره ثانيه بس خفت ارتبكت
مدري وش حسيت فيه
رحت لشقتي وانا في قمه الالم
حسيت اني بموت زوجي تضايق كثيير
وخاف علي رحت للمستشفى وارتحت ساعتين
والمفاجاه كنت حامل
فرح تركي وجا يبشرني
مها الف مبروك انتي حامل
انصدمت تفاجات
ليش ؟؟
وكانت هذي مرحله جديده
الله يصبرني

وشوف قدرت ربي حملت بسرعه
ممكن رحمه من ربي عشان استقر وانسى
مرت الايام حبيت شقتي
بمعنى اصح حبيت زوجي
صرت مياله له كثير حسيت فيه
الحنان ومتاكده انه يحبني كثير
اذا شافني متضايقه ترك كل حاجه
وجلس عندي ومجرد ما اكون ما سكه دفتري وقلمي
يتركني براحتي يسالني دوم
مها كيف تكتبين ووش تكتبين
وقلت له احب الكتابه اكثر من نفسي
وكان يسال واكثر مني
اناظر فيه والله ما يستاهلني
ليت قلبي له وحده لكن
الحمد لله على كل حال
كبر بطني شوي شوي
بدينا انا وتركي نجهزللمولود
كنا انا وهو فرحانين كثييير
انتظرت ولادتي بفارغ الصبر
سالني عن اسمه وقال انتي بتسمينه
كان ما يتركني اسوي اي حاجه اكلي يجي لعندي
ماانكر حبيته واحمد ربي اني حبيته
واقول في ان ولدت ان شاء الله
برجع وحده جديده كل شي متعلق
بخالد راح ارميه لازم اخلص في حبي لزوجي
قربت الولاده وكان تركي اقرب من انفاسي وامه تقول كل
الحريم يتعبون مش مرتك بس
لكن كلمته دايم يرددها مها غييير
رحت للمستشفى وانا خايفه ووصيت تركي على اللي في بطني احساسي اني بموت
حسيت في عيونه هم كبيير وهو يقول لا ان شاء الله انا ولا انتي
ذبحني كثيير بالكلمه هذي مجرد ما دخلوني غرفه الولاده قمت اشم يديني لين باقي ريحته معي
سبحان الله مغيير الاحوال
الحين ماصرت اطيق فراقه و***** الله بعد الولاده راح اتخلص من كل وذكراتي وهبالي لازم اني اكون ام صالحه وزوجه مخلصه
جبت ولي العهد حبيبي طار من الفرحه
رابط عندي في المستشفى ما وده اني امشي خطوه وحده
امله انه يعمل لي مفاجاه وليته ما فكر فيها وان في المستشفى شرى لي مكتب
ومكتبه وراح لبيت اهلي وطلب من امي مفتاح غرفتي وعطته وش دراها
دخل تركي غرفتي ينقل كل اوراقي ودفاتري وكتبي
لانه يدري عن عشقي للكتابه
وليته ما دخل طبعا الفضول قام يفتح الدفاتر واه ليته ما فتحها ولا عمل لي
مفاجاه انهزت رجولته كل مشاعري تجاه ولد خالتي مسطرتها بدفتري
وحتى يوم زواجي وبعد زواجي كنت اكتب اذا رحت لاهلي
اه ياتركي
انصدم اجرح طلع من البيت ما خذى شي
ما زارني بعدها اليوم الثاني طلعني من المستشفى
وحطني عند اهلي استغربت بروده ولا قام يكلم
وادق عليه ما يرد ياربي هو وش فيه
سالت امي واخواني ما ادري وش فيه يجي يطلب ولده ويحط احتياجاته ويطلع ا
ابكي كل دقيقه ايغاه يجي ارسل له
ولا فيه فايده المهم انه بعد اسبوع حاولت اروح غرفتي ابي اسلي نفسي وليتني ما رحت
كل شي معفوس ناديت امي وسالتها من دخل غرفتي واصدمتني تمنيت اني مت قبل هالحظه
عديت الاربعين ورحت لشقتي طبعا ما فكر يجيني
وطيت على نفسي ورحت انتظرته لين جا من العمل حاولت اتكلم لكن ماعطاني مجال لاحظت في عيونه دموع
وقالي ما راح اعاتبك على الماضي
لكن الحاضر هو اللي ذبحني كيف انتي معي وتفكرين في غيري
يامها الحياه بيننا مستحيله
انا طبعا ما تكلمت حسيت اني مخنوقه طبعا طلعني من الشقه بكل بساطه
وين الحب ياتركي وين شوقك لي ؟؟
شليت نفسي ورحت لاهلي ووصلتني ورقه طلاقي والكل منصدم وحفظ هو سري انا متاكده فعلا
تركي ما يستاهليني
تركي رجل بمعنى الكلمه وخسؤته وخسارتي فظيعه
مرت الايام ومازال الحنين
يعاودني برجوع ولد خالتي العاشق الولهان
وكانت هذي الصدمه الثانيه انهم يجهزون حق زواجه
تزوج خالد ولا هز فيه طلاقي اي حاجه واكيد تركي ما راح يبكي على
اطلالي راح يدور بنت الحلال اللي تستاهله
انكسرت حاجه جميله في داخلي هل انكساري
سببه طلاقي بعد تعلقي في زوجي وحبي له
او
حبي لخالد وتخليه عني
راح اكبر ولدي واعلمه اشياء مهمه ان الحب بعد الزواج اطهر حب
وانقى حب وحب صادق وشريف وحلاوته في مده وجزره

جزاكي الله خير خلي البنات يقراون ويستفيدون والحب المحرم مو حب وهم وظلام الله يستر ويحفظ بنات المسلمين