الصراحه انا منقهره مننا
منفقعه مرارتي مننا .. مرتفع ضغطي مننا .....
قصدي منقهره ومرتفع ضغطي من مجتمعنا ..مجتمع مبالغ متكلف مافيه بساطه ولاترتيب ولادقه
عكس المجتمعات الاجنبيه بساطه وماعندهم تكلف لافي الاساسيات ولا الشكليات واركز على الشكليات لان المبالغه عندنا في المظاهر عاليه لوشفنا الاوربيين ولا اليابانيين تلاقين اهتمامهم في المظاهر عالي وبسيط في نفس الوقت.. يعني بساطه نعومه شياكه عكسنا تماما مبالغه تكلف والنتيجه؟؟؟؟ ماعندك احد
والتكلف عندنا غالبا يختص بالمجتمع النسائي اكثر فلو عملنا مقارنه بسيطه بيننا وبين الاجانب مثلا في زوجاتهم زوجات الاجانب ترتيب اناقه فخامه والنتيجه زواج اسطوري والعروس حكايه ثااانيه المكياج ناااااعم وطبيعي وطالعه كيوت نضاره وبرائه لاتلطيخ ولاحوسه والشعر شنيون ناعم وحاطه لك تاج يبرق من بعد كيلوين ولاورده وه بس على النعومه عاد الفستان شيءراقي سمبل يايكون مخصر دانتيل ومشكوك بطريقه راقيه ولايكون تفته نافش وعلى الخصر حزام ستان اموت انا على كذا لا واخوات العروس لابسين زي بعض طقم يحليلهم مايخالفون<<زينا مره خخخخ
والعروس يوم العرس عايشه حياتها طبيعي تقوم الصبح وتروح تلعب رياضه وتفطر مع المعرس خخخخخ وبعدين تروح للكوافير وتكشخ وتروح للقصر خخخخ
نجي للطرف الاخر المماليح المطافيق ربعنا عاد وجاء عندنا عرس العروس يومين مانامت ولا كلت الضعيفه شايله هم المكياج والشعر ضعيفه لها شهرين تدور كوفيره سنعه وحجز وحب خشوم ولا جاء يوم العرس المكياج اوممم الزبرقه
الظل عشر الوان ملاهي ذي مهيب عيون وتحط فوقه ذاك القلاتر اللي يبرق كنها حاطه عرس فوق عيونها لا وحاطتن فوق الرموش كرستالات مايكفي اللي في الفستان الظاهر بقى منه وتحسفت تنطله قالت خل احطه في رموشي حج وقضاء حاجه والخدود كنها مبقسه لين قالت بس الخشم ضايع والعيون مختفيه ماتشوفين قدامتس خشه تشوفين قص ولزق عمرتس شفتي يابانيه حاطه ضل اصفر ولا تفاحي خخخ ماتجي ,نجي عادللشعرررر واحلى واطلق تسريحه من كبرها تحلفين انها مركبه مركى فوق راسها مدري شلون ماتخنع ارقابهم ماشاء الله والطرحه حدث ولاحرج كنها ناموسيه من كبرها طبعا الاخ العزيز سيد فستان لايقل فخامه عن الباقين خمسين متر ومابقى كريستاله ولا جيبون ولا تل ولا دانتيل ولاتفته موب فيه مشروع موب فستان على طاري الفستان مرة حضرت عرس اخت صديقتي يوم جت الزفه العروس
صاحت تقول مقدر اتحرك الفستان ثقييييل شلون انزل مع الدرج خلاص مابي انزف قالت امها معصي مكلفنا سبع طعشر الف ومحد يشوفه بتنزفين يعني بتنزفين الضعيفه جابوا ثلاث عاملات وشالوه معها خخخ الله لايشق بنا بلاهالزين
عاد كله كوم واخوات العروس والمعرس كوم من تحطين رجلك عند الباب تعرفينهم من الخرشه والدهره كنها لو لبست ناعم تصير ميب اخت العروس تصير جيرانهم ولا تصير ماتحب اختها مدري وش نحس به اذا قلنا اخت العروس تحسينها نجمة الحفل خخخخخ
مره كان عندي عرس وادور موديل قالت صديقتي عندي توب حق عرس اختي روعه وغريب مسويته عند مصممه خذي فصلي زيه قلت طيب
يوم لبسته ابد ناقصني سيف وخوذه واروح احارب مع المسلسلات الدينيه كنه درع قسم فرو وريش وجلد <<ابو ريالين وباربع الاف اربع الاف تجيب اطلق فستان ناعم وماركه ,لاويوم طاحوا في الموديلات الفرنسيه خربوها تجي تحط ذيك اللياقه الاورقنزا شوي تطق السقف وذيك الاكمام المتفوخه طالعتن كنها حمامه بتطير
الصراحه شيء مبالغ فيه , حلوه الكشخه بس بذوق ببساطه مدري ليش مرتبط عند الناس ان كل مازادت المبالغه والتكلف زادت الفخامه
والقهر اول كنا نتميز عنهم بالستر والحشمه اللحين صرنا ننافسهم بالتعري <<طبعا فيه ناس ماشاء الله جمعت الحشمه والذوق بلبسها
طبعا موضوع المبالغه تجاوز اللبس والمظاهر لامور حياتنا الباقيه
لوشفتي اخوانا العرب وخصوصا الاشوام ماشاء الله حياتهم بسيطه ومرتبه ويخططون لكل شيء ويحطون جدول مسبق
اللحين مثلا لو رحتي لهايبر ماركت تعالي شوفي عربية الاشوام دجاجتين خمس تفاحات اربع كوسات ست خيارات زبادي لبنه وحبتين شوكلاته وشوفي عربياتنا كرتون دجاج وكرتون اندومي علامة السعوده وكرتون ليز وكرتون جالكسي كرتون بيبسي وتشوفين عيالنا صفران شهبان وعيالهم حمران عطران ماشاء الله
لا عاد شوفي المقاضي حقتنا في 29شعبان كرتون مكرونه كرتون توت كرتون جلي كرتون تطلي<<قديمه >>درزن ريح موز خخخخ كرتون شوربه كرتون لقمة القاضي تقولين بيصومون على الجبهه موب في بيوتهم او انهم سامعين ان البندات والعثيمات والتميميات والكارفورات<< جمع جديد >>بتصك كل الرمضان
المهم انا شعب بطران ويحب الفخفخه على غير يمه وسنع
لوه على يمه قلنا مايخالف .. واحتمال كبير اتصفق بس مايخالف فداء الذوق والترتيب والنعومه ..وسلامتكم
<<مبداء التعميم عندي مرفوض >>
سيني بون @syny_bon
محررة
يلزم عليك تسجيل الدخول أولًا لكتابة تعليق.
Dandosh
•
رهيبة رهيبة عجبني وصف العروس :)
فعلا ما في متل البساطة في كللل شي .. الأثاث واللبس و المكياج والحياة كلها ...
فعلا ما في متل البساطة في كللل شي .. الأثاث واللبس و المكياج والحياة كلها ...
وربي صاددددددددددددددددقه موضوعك جنان خصوصا هالنقطه
يختي جد جد علامهم اخوات العروس او المعرس لازم يلبسون هذاك اللبس
اللي تحسين شوي ويخربونها ويلبسون فستان عروس ..
يختي عن جد مدري وش صاير هالفتره احس زادت الزبرقه واجد ..
<< عني احب الناعم وماخالف اذا زودنا شووي بحدود المعقول ارجع واقول بحدود المعقول .. مو الخبال
والله يسعدك ياراعيه الموضوع احس كتبتي من اعمااااااااااااق قلبك
يختي جد جد علامهم اخوات العروس او المعرس لازم يلبسون هذاك اللبس
اللي تحسين شوي ويخربونها ويلبسون فستان عروس ..
يختي عن جد مدري وش صاير هالفتره احس زادت الزبرقه واجد ..
<< عني احب الناعم وماخالف اذا زودنا شووي بحدود المعقول ارجع واقول بحدود المعقول .. مو الخبال
والله يسعدك ياراعيه الموضوع احس كتبتي من اعمااااااااااااق قلبك
والله انك صاااااااااااااادقه بصراااااااااحه مجتمعنااااااااااااا مره مباالغ فيييييييييييييييييه
ههههههههههههههههههههه موضوعك تحفه وخاصه هالكلمه اضحكتني تقولين بيصومون على الجبهه موب في بيوتهمههههههههههههههههههههه موضوعك تحفه وخاصه هالكلمه اضحكتني تقولين بيصومون على الجبهه موب في بيوتهم
ههههههههههههههههههه
تقولين بيصومون على الجبهه موب في بيوتهم :icon28::icon28: جبتى العيد
تقولين بيصومون على الجبهه موب في بيوتهم :icon28::icon28: جبتى العيد
الصفحة الأخيرة
تقولين بيصومون على الجبهه موب في بيوتهم