بسم الله الرحمن الرحيم
السلام عليكم ورحمة الله
بدخل في الموضوع على طول انا ام زوجي صديقة امي من زمآن الزبده احبهآ مره واعتبرها امي وهي تحبني وتعآملني بطيب وتسأل عني
احنا الحين مملكين صآر لنآ سنه والحمد لله امورنآ مآشيه وكنت اقول لزوجي انا بجهز الزوآج والكوشه والزفه وووو
يقول ابشري كل شي يقول طيب المهم يوم جآء هو وامه وامي وابوي كآنوا طالعين قعدنا نسولف ونتفق على موعد الزواج الا هي قالت انا بحدد كل شي في الزوآج انا طالعت زوجي وقلت شلون هو قايل انا بجهز عرسي الزبده صآر بيننآ نقآش وانا طبعي مآتحمل ارآدد جآت امي وطلبت مني اعتذر اعتذرت لهآ ورجعت اعتذرت في الواتسآب وهي قالت انتي بنتي وانا مو زعلانه منك
المهم قال ابوي عطوني مهله اسبوعين وارد عليكم وامي طول هالاسبوعين تحآول فيه يوآفق وابوي يقول احنآ متفقين تخلص درآستهآ قالت امي لآتخآف بتكمل وهي عند زوجهآ في الاخير ابوي وآفق رآحت امي تكلم ام زوجي الا تقول انا حجزت وحددت موعد العرس وانتوا كيفكم وبالطقآق تخيلوا !! والادهى والامر سكرت بوجه امي وهم صديقآت من هم صغآر خوات يعني
عصبت امي وزعلت وابوي ولع وقال لآزم تجي تعتذر بس امي هدته وقالت له العيآل مالهم ذنب يبون بعض خل الامور تهدى
بعد اسبوعين قالت امي بصير احسن منهآ وببدآ بالسلام كلمتهآ واتس اب وسلمت عليهآ ولآ ردت
تحملنآ وسكتنآ الين جآت المشكله الجديده قلت بحجز مشغل وطلبت منهآ اسم القآعه عشآن الكوآفيره تجي هنآك رفضت تخيلوا لي اسبوع احآول وزوجي يحلف انه مآيدري .. استغربت من الحركآت اللي تسويهآ مو معقوله !!
اظطريت اني بحجز وبتزين في نفس المشغل لآنهآ مو رآضيه تعلمني اسم القآعه اموت واعرف ايش السبب
دلوني بنآت والله مدري وش اسوي انا وزوجي متفقين ولآ ابي اعصيه على امه ولآ ابي ارفع صوتي عليهآ زوآجي بعد 4 شهور
ادري طولت عليكم اعذروني
الله يسعدهآ اللي تدعي لي يتمم زوآجي بخير ويوفقني مع زوجي

تـــــــــــــــرف @trf_71
عضوة جديدة
يلزم عليك تسجيل الدخول أولًا لكتابة تعليق.

أم نان
•
هي ليش زعلت عليكم بالاساس اكيد فيه سبب قوي
يمكن انتوا طولتوا في موضوع العرس وانقهرت سنه مو شويه
اقصد ممكن هي تراكمات والمره انفقعت مرارتها
ومع ذلك مالها حق في هالحركات
بس اللي اشوفه ان الحل في يد زوجك معقوله مايعرف هو اسم الصاله اللي بيقام فيها العرس
قولي له ماراح نكمل اي عرس لين نجلس جلسة صلح بينا كلنا
صعبه يتم زواج بهالطريقه كذا راح تدخلين عليها وهي حاقده عليك وراح تصير مشاكل كثيره لاسمح الله بينكم
اجلسوا جلسة تتفاهموا فيا مع بعض
والله يهدي النفوس
ويجمعك معه علي خير وبركه
يمكن انتوا طولتوا في موضوع العرس وانقهرت سنه مو شويه
اقصد ممكن هي تراكمات والمره انفقعت مرارتها
ومع ذلك مالها حق في هالحركات
بس اللي اشوفه ان الحل في يد زوجك معقوله مايعرف هو اسم الصاله اللي بيقام فيها العرس
قولي له ماراح نكمل اي عرس لين نجلس جلسة صلح بينا كلنا
صعبه يتم زواج بهالطريقه كذا راح تدخلين عليها وهي حاقده عليك وراح تصير مشاكل كثيره لاسمح الله بينكم
اجلسوا جلسة تتفاهموا فيا مع بعض
والله يهدي النفوس
ويجمعك معه علي خير وبركه

ام سجاوه
•
هذي داخلة من الاول تتحكم عرسك وما بدها تعلمك وين راح يصير العرس هذا ونتو الاستكم علي البر الله يعينك في المستقبل اذا هذا طبعها

اهم شي جهزي نفسك وانبسطي وخلي القاعه من الحين لأربع شهور ان شا الله تتصالحوا وتهدا النفوس

الصفحة الأخيرة
واذا مشت الامور كذا ام زوجك راح تتمرد بشي اكبر من كذا لازم تقفوها عند حدها