والحل كيف اتصرف معهم ؟!

السلام عليكم اخواتي

فيه موضوع مضايقني ويمكن تشوفونه تافه بس بالنسبة لي لا

وش الحل مع اهل الزوج اللي يتدخلون في اسماء الاطفال ؟!

جبت ولدي الاول وسميناه يوسف وكان برضانا انا وابوه وجبت بعدها بنتي وكنت ابغى اسميها ترف وطول الحمل متفقين عليه وبعد ما ولدت تغير الوضع والسبب اهل الزوج كانوا يبون فرح وقلت تمام يلا فرح مو شين حلو نسميه مو مشكلة

والحين طول فترة حملي متفقين نسمي إبراهيم ولما قربت ولادتي صار ابوه يقول اختاري سند ولا أنس ولا إلياس ... ( هذي كلها من عند اهله ! )
مع ان كلنا نحب اسم ابراهيم من زمااان وعاجبنا بس قالوا لااا قديم كبير ومدري ايش وانا هذا الاسم اعشقه من قبل لا اتزوج

الحين انا ما ابي اسكت وابي اسميه ابراهيم
عندكم حلول من دون ما اكبر السالفة واخلي الشغلة عناد بيني وبينهم لان ما يتكلمون قدامي ولكن يتكلمون عند ولدهم ويطرحون له اسماء واللي عندي كلام اهله سمع وطاعة

ودي اسمي اسم مقتنعه فيه اقتناع كامل ولا ودي اسبب مشاكل بيني وبين ابوه
حتى اهلي ما يتدخلون في الاسماء فقط يطرحون رأيهم بس مو بهذي الطريقة
حسيت اعطيتهم وجه وغلطت لما مشيت لهم المرة الاولى