والحل مع الطبخ والمطبخ!

السلام عليكم ورحمة الله وبركاته

كيفكم؟؟

أنا من زماااااان مرة مرة أدخل المنتدى لضيفة
دايم أمر هنا وأتفرج وأشوف الأكلات وأشتهي أسوي بس كسولة شوي..

أمي دايم تقول لي لازم تتعلمي الطبخ وبكرا ما ينفعك إلا قد ايش تعلمتي من الطبخ (قصدها بعد الزواج)
وأنا كنت أقول لها يعني مو لازم أعرف كل شي وأتعلم كل شي.. يعني أنا وحدة مزاجية مرة ..

طبعا يا بنات بأتزوج الصيف هذا وبصراحة قلقانة من الموضوع هذا بالذات..
يعني أنا ما أقول أني ما أعرف أطبخ،، لا ..أحيانا ما تطلع الطبخة محبوكة.. إضافة لأنو ما أحب الأكل اللي أنا أسويه.. مدري فيه أحد مثلي أو لا..

بأقول لكم مثلا.. أنا أعرف أطبخ في الكاتم كل شي.. الرز، والكبسة، الإيدام، الشوربة والمكرونة..
لكن ما أحب أستخدم القدور العادية أبدا أبدا ولا أضبط الأكل فيها نهائي خصوصا الرز..

أصلح الصواني بس ما أحب أتبع التعليمات بحذافيرها فتصير الأكلة عادية..
المعجنات تطلع حلوة معي..
الحلويات مرة تضبط مرة تخرب..

القهوة أعرف أسويها..
يعني بس الحاجات الأساسية أقدر أصلحها..
الأكلات الشعبية من الجريش والقرصان والمرقوق والخبر هذا كلوووو ما أعرف أسويه..

اللي مقلقني بصراحة أنو زوجة أخو خطيبي شاطرة في المطبخ.. وأخاف تبدا المقارنات والأشياء حقة الحريم الي مامنها إلا غثاء..

أحس اني كتبت الموضوع من باب الفضفضة وودي أحد يقول لي انو كان مثلي وكان عادي تتزوج وهي ما تتقن كل حاجة.. ما أبي أحد يستهزئ فيني بعد ما أتزوج ولا أبي حتى زوجي بعدين يقول ما تعرفين تطبخين ويعيب علي.. كثير أقرا كلام في المنتديات من هذا القبيل ومرة يوجع..

بنات بليز اللي كانت مثلي تقول لي وش كانت تسوي خصوصا أول ايام زواجها بما انو زواجي بيكون قبل رمضان..

شكرا لكم ..