السلام عليكم ورحمة الله وبركاته بنات كتبت الموضوع بعد لما طفح الكيل في خلاص ماعاد اتحمل وصعبه اشكي للقريب من أمي مهما كان
انا موظفه وظيفه خاصه مو حكومي وراتبي قليل واعطي امي منه كل شهر احول والأعياد والاجازه احول لاخواتي كسوه العيد والزواجات المهم خواتي من النوع اللي مايحبن الاجتماعات واذا جوا القرايب اقولهن البسي ويقولن مابحالنا نبغا شي يريح واتركهم ع راحتهن قلت بنفسي خلاص ماعاد احول لهن لان راتبي طاير يكفي امي وامي زعلت وتقول شبعانه ع بالك خواتك زيك تطلبين منهن يشترن وووو قلت يشترن من اللي احول يلبسن بس مايهتم وامي لاحظت انها ماتشتري شي وتتذمر عند الناس انها فقيره وماتقدر ع الخبز وصار تجيها صدقات ولما عرفت قلت خلاص مابغا احول بدالها اشتري مواد غذائية تكفي شهر وصيت لهم من مندوب يتسوق ويجيب لاني مو بالمنطقه عندهم وامي تقول يالغضيبه قاطعني اهلك وخواتك خلي الرجال ينفعك ومره قالت لي حتى الذهب ماعندي قلت ابشري بس انتضري يجي دوري من الجمعيه وكنت مخططه لها اشتري لنفسي واخذت لامي بنجرتين وخاتمين وفرحت ومر ثلاث سنوات وماتلبسها وكل ماقولها تقول بعتها احتجت ومره بقدم لاختي وابغا اوراق واعطتني مفتاح فيه أوراق وحصلت ذهب امي وحصلت فلوس كثيره واللي خلاني اكتب الموضوع كنت عند مرة خالي معلمه قالت لي يافلانه اعطي امك وتتكلم عن البر وقلت ليش اشتكت قالت من غير ماتشتكي ماتشوفي حالهم وحلفت لها اني احول واعطي بس مايلبسون وعرفت انها مدينه منها فلوس مو للحاجه بس تبغا تثبت انها فقيره والله تعبت ملابس اجيب وتقديرا مواعين مادخل عليهم بس ماتلبس ولا تقدم وبس متذمره
انا الان عندهم لعشان العيد وسويت قهوه وتقهوينا انا وخواتي وراحن عن الصاله وجلست لوحدي وجات امي ومسكت التلاجه قالت خلصتيها عن خواتك قلت كانن هنا وتقهون وفجأه تدخل واحده منهن تبغا قهوه وقالت امي خلصت قلت اوصي بقهوه وهيل والله تحرم علي القهوه كذا حتى الترويش والله ماتروش الا لما امي تنام لانها تتكلم عن المويا حتى الخبز كنت صايمه وافطرت المغرب كسره خبز وجبن قالت الجبن غالي ايش الحل انا مقضيه للبيت من إلى ماعدا القهوه والهيل راحت عن بالي كيف اتعامل معها ماتحمل للعيد اجلس
اميره بعفافي @amyrh_baafafy_2
عضوة فعالة
يلزم عليك تسجيل الدخول أولًا لكتابة تعليق.
A.... M
•
الله يعينك الوحد لم يكبر في السن متقدر ترضيه شوفي يمكن شي زاعجها او تبغا اهتممام
Nora 45
•
الله يكون بعونك الوضع صعب وخصوصاً انه من أمك بس عموماً اشوف ماشاءالله تبارك الله مامنك تقصير من ناحيتها ومن ناحية اخواتك اصبري واحتسبي ودوام الحال من المحال لأن كبار السن صعب يتغيرون او مستحيل
يوجد نماذج في المجتمع مثل امك ، إذا يوجدلك اخوان او اخوات موظفات اعملوا قطة شهرية ووزعوها على امك واخواتك الغير موظفات ، واذا لا يوجد إلا أنت واهلك ليس لديهم دخل او دخلهم قليل ، اعطي امك واخواتك مبلغ بسيط واشتري لهم المأونة، بعدين إلا مع امك ما راح يضيع هو لكم في حياتها او مماتها، لا يضيق صدرك ، للاسف مجتمعنا ملئ بامثال امك يدعون بأنهم محتاجين ويتسولون وهم في خير ونعمة كبرى ، اعرف وحده تشحذ الناس وساكنه في بيت مخربة في مدينتها ولما ماتت وجدوا لديها عماره في الرياض تأجرها وكانت تبني عماره ثانيه وعندها الذهب واللؤلؤ، عاشت حارمه نفسها وتمتع بحلالها عيالها، وسعي صدرك الدنيا فانيه، اطلبي واطبخي ولا كأنك تسمعي شئ ، اغلب البيوت مليانه بوحده لازم تنكد اما الام وإلا الأخت وإلا زوجة الاخ .
ارجعي بيتك معززه مكرمه وراتبك خليه لنفسك واعطي امك اللي تحتاجه مو لازم تضقطين نفسك
الصفحة الأخيرة