والحل مع بنت جيرانا المغنيه

السلام عليكم ورحمة الله وبركاته


طبعا انا من المتابعين لعالم حواء منذو مبطي :42:واول مره اكتب موضوع والسبه المطربه بنت جيراننا
هذ سلمكم الله العماره الي ساكنين فيها حقت خالهم وهم 5بنات وابوهم :arb:الله يستر علينا وعليه روح روح تعال تعال طيب او بالاصح ماعنده شخصيه ولا كلمه لا على زوجته ولا بناته ولأخوات فالينها وهم ساكنين الدور الثالث وانا بالاول بس اذآهم وصل لاخر الدنيا
ونا جاسه انا وزوجي المحترم في يوم ما في صالتي المحترمه ومبسوطه ومنومه الاولاد والمكيفات مقفله والتلفزيون مرخي الصوت عشان اولادي مايصحون الا وصوت يلعلع ودق وضحك كأني قاعده في زواج :icon28: واكلم جارتي الي ساكنه تحتهم اقول عندهم ملكه شي قالت ماعندهم ولاشي هذي بنتهم اتخرجت وعاطله قامت تونس نفسها باجلسات طرب يسوونها في الشهر مرتين يجمعون البنات فيها ودق وضحك ولاكأن في جيران او في رجال في العماره :angry2:
انا مكنت على علم بالجلسات هذي لان مايصادف واكون موجوده
فقولولي وش الحل معهم الي بتقول اطلعي من العماره اقول ماقدر من جيت الخبر وانا في شقتي هذي وتعبت عليها وخسرنا فلوس سوينا جبس وسراميك واشيا كثير وهما ماسكنوا الا من6 اشهر
والي تقول كلميهم ماقدر لانهم ناس ماهمهم شي ولايستحون من شي الي تغني وهي نازله من الدرج والي تضحك وخاف يتعندون ليه ولما تتكلمين معهم تحسين انهم يعتبرون انفسهم اصحاب العماره والي مو عاجبه يطلع:(