والحل مع حشرات الفاكهة

السلام عليكم ورحمة الله وبركاته
حبايبي سكنت من كم شهر شقة صغيرونة بالمرة الحمدلله والشكر على كل حال يارب ترزقنا بيت ملك ونفتك من ذا الايجارات دعواتكم :44:
وجنب الشقة ارض فاضية فيها بقايا مواد بناء وكراتين وقواطي ومدري شنو وشباك المطبخ يفتح عليها واشوف حوالين الشباك ىحشرات الفاكهة الصغيرة يدورون مع ان الشباك مسكر والشبك الحديد جهة وحدة سحاب لكن مدري من وين يدشون
مدري من شفاط المطبخ او من بين الشبك والدريشة لو افتحها ربع ساعه او مدري من وين يجي
المهم مع نقل العفش اختل موزع الثلاجة واختربت وصارت حارة وزحمة تصليحات وتركيب ونقل عفش مثلكم داري
انشغل زوجي عن تصليح الثلاجة اهي شغالة من فوق عاللحم والدجاج مثلجة وكل شي اوكي لكن من تحت فاضية وحارة شوي مو كثير ولافيها شي
وفجاة صحيت يوم لقيت طالع فيه كم حشرة وع طول نشبت في حلق زوجي لين جاب عمال في الليل وشالوها وصلحوها بعد يوم جابوها والمشكلة من ذاك اليوم الى ذا الساعه وانا اعاني منهم معاناة الله اعلم فيها
كرهت مطبخي وشقتي كلها بسببته وصرت اتقرف من كل شي حتى الثلاجة باردة فتحتها امس لقيت كم وحدة ميتة داخل الثلاجة من وين دخلت مدري بنهبل وربي كرهتني في حياتي :icon33:
والمشكلة اني موسوسة من التلوث والبكتيريا وذا الاشياء اقعد اغسل في الاكواب والصحون كل شوي لين جفت بشرتي وتعبت نفسيا :angry:
واي شي انساه دقيقة بالمطبخ اجي القى طايح فيه وحدة اثنين والمشكلة قاعد يحوم في منطقة على شباك المطبخ
من داخل الشقة ومن برا طلعت واخذت مبيد حشرات قوي الجرة ورشيت الشبابيك من برا لين سالوا مافي فايدة كني راشة عليهم عطرارش الشبابيك بالثواني كلوركس والعملاق وصابون خالطتهم مافي فايدة
ارش خل وملح بعد ماكو فايدة قالوا تبخير البيت بمستكة وميرامية وملح وحبة سودا
بخرت لين اختنقنا احنا وهو باقي يحلق ومستمتع بالاجواء وقاعد يتوسع يدخل بالغرف مدري شسوي
تكفووون وربي نفسيتي دمار ومستخسرة اجيب شركة تنظيف على غرفتين ومطبخ ومجلس
الورطة ان المطبخ مفتوح عالصالة الصغيرة يعني مااقدر ارش مبيدات المطبخ مفتوح عالغرف والصالة
وعندي بزر تعبان خلقة الله يشفيه واغراضه كلها داستها بادراج واكياس وعلب خايفة عليه ورضاعاته معقمة بحافظات
تكفون اللي عندها حل تساعدني لأنه مسبب لي مشكلة نفسية كبيرة ااااالله يوفقكم