والحل مع حمواتك اللي يكرهونك!

السلام عليكن
ماراح أطوّل عليكن السالفة يا بنات عندي حمواتي من تزوجت وأنا اهتم فيهن إذا سيرن علينا -أسكن مع عمتي- وأحب جمعتهن ولا مره تكلمت عليهن من وراهن أو قللت من قيمتهن الين حملت جسمي تغير وتعبت نفسيًا بسبب جسمي وصرت ما أطلع كثير ولا أقابل أحد :( وجبت وجسمي بعده ماتغير وأنا على حالي الين قبل كم شهر صارت جمعة كبيرة بين بنات جماعتنا وتقاططن فيها وأنا ولا وحده طرتلي الجمعة هذي من حمواتي زوجي هو اللي قالي! عمومًا أنا ماكنت حروح أصلًا بعد فترة جتني وحده من قريباتي عزيزة علي وثقة قالتلي تذكرين ذيك الطلعة؟ ترى حمواتك قالن لمرت أخوي حنا مانبي فلانة معنا -اللي هي أنا- وأصلًا مانبيها لأخونا ولا أمي تبيها بس هو اختارها غصب عنّا، أنا أنصدمت ماصدقت كلامها مع انها ثقة بس كل ما أتذكرهن مرات يرمن علي ايحاءات وتلميحات شينة وانا اسوي نفسي مافهمت ولا أعبرّهن ومتضايقات مني مرررره لأن زوجي ياخذني معه وين ماراح مايبنّي أطلع معهم كعايلة ولا يبن زوجي يونسني ويطلعني مدري هي غيرة ولا حسد!! المهم صارن يتكلمن لزوجي انو مرتك ماتطلع لنا ولا تطلعلنا ولدك وزوجي ماكلمني بالموضوع هذا الا بعد فترة قالي انتي براحتك تبين تطلعين لهن ولا لا بس طلعي الولد شوي يشوفنه وأنا والله من طيبتي كل مايجن أركض لهن قبل لاحمل بس سبحان الله كانن يبني مثل الخدامة أبقى اركض فوقهن والحين ودي اني انسى الكلام اللي قالنه عني وودي اعاملهن عادي لأن احس زوجي تضايق ولا وده يجبرني أطلع :( 💔 كل ما اشوفهن اتذكر كلامهن واكرهن أكثر ولا أقدر اقول لزوجي مابي أضيق صدره بموضوعهن لأنهن مايستاهلن ازعله عشانهن .... باختصار ماني قادره اتحملهن حتى سلفتي بصفهن ترمي كلام حقير مثلها مدري وش يبن مني!!!