والحل مع زوجي طفشت

ربي يفرج همكك..

ماتقدري يااختي تغيري شي فيه الا رب العالمين ان يهديه لك انتي يااختي طنشي واستغفري وخليك قريبه من ربك هو وحده بينفعك سبحانه انا والله اشغلت نفسي عن زوجي مثلااصوم الخميس او الاثنين وكل يوم ورد من القران والحمد لله احس بلذه وسعاده ويارب حسن الخاتمه

مشكلتك فيها كذا نقطه
اول شي قلتي مايحترمني واسامح بسرعه هذا السبب
الصلاة يا اختي مره وحده كلميه سمع اهلن وسهلا ماسمع ذنبه له خصوصا عنده رجال استني اذا راح وب أسلوب حلو كلميه
شي ثاني تقولين ارفع صوتي هذي مشكله ثانيه عندك اغلب الرجال مايحبون الي ترفع صوتهم
ثالث شي انتي تقولين تهاوشتو وبعدين رحتي بتاخذين الشاحن هو في وضعه هذا يعتبرك حاقرته يعني احنى في نقاش وانتي تبين شاحن كان استنيتي
المشكله الاساسية الي تخليه يسوي كذا انك بسهوووووله تسامحين يا اختي اذا غلط عليك ب الكلام وقهرك كيف ترضين بسرعه تعود انو يغلط وانتي تسامحين ..

هذي مشكلتي اسامح بسرعه محب الزعل

مقدر اكلمه ع الصلاه مره وحده لانه يقهرني
جالس يسولف مع رفيق السو والصلاه مافيه كنهم كفار

والله وانا ختس مادري وش اقولك ه الحين ان قلنا انتي غلطانه بجي وحده داعسه 200 تقول انتم عبدة رجال وتقدسون الرجال ومن ه الكلام بس ماعلي انا بقول الحق
انا اشوف انه يقع عليك شي من الغلط انتي ياقلبي ماتعرفين الاسلوب الامثل لتعامل مع زوجتس بالعربي تستفزينه يعني لمن كان عنده خويه كان دقيت الباب وكلمتيه عند الباب بكلمه طيبه حبيبي الصلاه اقامة فكرتكم ماسمعتو وبس رحتي مو كل شوين تدقين وترسلين خلاص نبهتيه وبريتي ذمتك
صلى او مصلى
وزوجتس ان شاء الله فيه خير دامتس تقولين يصلي يعني موتركها
وثاني شي يوم سامحك وتكلم معتس مادري انتي وش قلتيلها بس يمكن فلتت منتس كلمه
خلته يرد عليك يوم يقول والله ماعلي منتس ولا حاسب لك حساب
يعني ابتعدي عن الشي الي يستفزه وشوفي
واكيد هو غلطان بس ردة فعله بناء على كلامتس معه مثل ماارتفع صوتك عليه كردة فعل على كلامه لتس يعني الاثنين غلطانين
تقدرين تعاتبيه وتعتذرين حقه عن رفعتس لصوتك وتحكي له عن الي يزعلتس منه
مافيه افضل من المناقشه وان شاء الله ربي يصلحه ويسخره لك وانا دائما اطلب من المراه هي الي تقرب وتحاول تحتوي المشاكل وتحلها لانها الاكثر صبر الرجال يحمله المكابر على الاعتذر وبرضه حتى لو اعتذر يجي بالفعل ويحاول مايتكلم في الموضوع فنتي ابحثي عن طريقة التعامل معه وان شاء الله تنجحين امكن هو من النوع الي مايحب الاوامر ويفهم كلامتس له امر فانتي ارسلي كلامتس له كان تطرحين عليه الامر كان تستشيرين يعني بالعربي كانتس هبله ههههه محشومه كان تقولين له
تصدق حبيبي كان سمعت صوت الباب تقفل فكرتك رحت انت وخويك لصلاه فرحت مره
ان قال لا مارحت قولي ماعليش اكيد استحيت تمشي وتسيبه ماعليه انا فرش لك السجاده تصلي يعني هذا مثال يعني تعاليله بالمسايسه والمسايره
وان شاء الله الله يهديه لتس