معليش اللي لفتني في الموضوع انها تطبخ..
الطبخ احسه من مسؤوليات الام وربة المنزل او جيبي طباخه تشيل عنك الطبخ..


اما تخلي الادميه تنظف وتطبخ وتسوي كل شي، فين دورك انتي كام وربة منزل؟
وظلم يقع فوقها انها تسوي كل شي وتحاسبيها وتصرخي عليها، اتقي الله فيها..

تصارخين عليها وتهاوشينها وعذرك ان الدوره معك؟
ليش ماتعصبين على غيرها ولا ماتقدرين
ارحموا من في الارض يرحمكم من في السماء

طولي بالك عليها ولا تضغطينها.. في شغالات استيعابهم بطئ.. ولا تصرخين عليها ابداً.. حطي نفسك مكانها تاركة اهلها وديرتها تترزق وتدور لقمة العيش وماتدرين اش الظروف اللي مرت فيها.. يمكن من كثر ماجاها من قهر صارت ماتركز..
شغالة اختي كذا ماضبطت الا آخر ٦ شهور .. بس صبرت عليها لحد ماتعلمت..
لا تكثرين عليها اوامر في وقت واحد.. كل مرة عطيها امر وخليها تنفذه قدامك.. واذا ما اتقنته خليها تعيد بدون صراخ وهواش.. والله يعينك

ما أزيد على كلام الأخوات بس الصبر الصبر والتغاضي والتعليم وصادقه الأخت يتعلموا بسرعه بس يبغالهم صبر وتعليم صح والطبخ اطبخي انتي الله لايهينك ترى دام تصارخين عليها مهو بعيده تحط شئ في الأكل لو قذاره لأسمح الله


والله عندي شغالة بنت صغيرة قبل ثلاث سنوات جات عند أم زوجي وبس ثلاث أيام وهربت لان أخت زوجي على طول صارخت عليها وسوي غدا قالت انا ماجيت اطبخ انا بس انظف وراحت وقبل شهرين جبناها والله ماكانت تطبخ والتنضيفها ماعليه بس بطييييئة وأول ماجات قالت انا لازم نوم الين عشره قلت مافيه مشكله بس اهم حاجه تقومين بشغلك تمام ومشاءالله عليها نظيفه وشغلها ممتاز بس عيبها بطييييئه يعني نجيب مقاضي وخضار لازم يكون بالثلاجة على طول لاء تخلص شغلها وبعدين ترتب الخضار بس سكت عنها صراحه لأني والله محتاجتها حيل ولازم من التنازلات عشان كلنا نستفيد
وسلامتك والله بس حبيت اذكر تجربتي😘

ياختي ارحميها لا يكلف الله نفسا الا وسعها
واضح انك من النوع الدقيق حدا في التنظيف وتبين كلشي يلمع ،، صعب عليها اتق الله
اما انك تساعديها وتخففين عنها الشغل او ارضي باللي يجي مشي حالك ،، خدام غشاش ولا بلاش
انا طريقتي ،، كل غرفة نقوم عليها تنظيف شامل وحدران وانا معها ،، وباقي الغرف تنظيف عادي
يعني كل يومين ثلاثة نمسك شغلة عميقة ،،، واصعبهن المطبخ