والحل مع شغالتي والغنج ؟!

السلام عليكم ،
باختصااار أبي حل لشغااالتي والغنج الزايد !
بعطيكم نبذه عنها هي سيرلانكيه بس غير نعووومه وماهي سمراء مره نحيفه مملوووووحه والكل يقول عنها كذا يعني عارفه زيها زي الهنديات الحلوات صغيره عمرها 23 متزوجه وعندها بنت
صار لها عندي سنه وشهرين امورها ماشيه ونبهه بسرعه تعلمت الشغل وتعلمت العربي
اول ما جتني كانت دابه سليمه تمشي وتباري الساااس لا تهش ولا تنس ولا ترفع عينها
اخر ست شهور لاحضت انها صايره تحب تتغنج خصوصا قدام زوجي تسوي حركات بشفتها تعض عليها او تجمعها اذا كلمها تبتسم ابتسامه بحيا تحسينها مسبكة عنده تلاعب الولد بزياده عنده تتغنج بمشيتها واكتشفت انها مضوووقه قمصانها مررره
ما ابي اضلمها بس انا لاحظت وامي نبهتني عليها
زوجي ابد مو راعي حريم ولا عليه سوابق بهالامور وجواله دايم زاته وعادي افتحه يعني ماله في هالسوالف
بس تعرفون الشيطان شاااطر والشغاله ماهي مقصره
واللي زاد شكي اني حلمت فيهم ثلاث مرات
مره انه يمشي قدامها وعورته مكشوفه وانا انقهرت
ومره انها هي تمشي وتضحك قدامه وكاشفه ساقها
ومره انها نااايمة في فراشي
وكلها اقوووم منقهره ومنغله عليها
ارسلت الاحلام لشيخ قال هذي حديث نفس بس انتبهي
المشكله ما اقدر استغني عنها لاني مدرسه وعندي صغار
يا بنااات صرت اغار منها كيف اخليها تبطل هالغنج وهالدلع وكيف اتاكد ان مافيه شي صاير من وراي
والله معي تتكلم عااادي من غير دلع بس مع زوجي تضيع علومه وتحمر وتصفر وتشق الضحكة لدرجه مره يهاوشها وتتبسم
زوجي مو وسيم مره
بس بنيته مرررره حلوة طوييييل وعريض المنكبين وكذا وما يحتك فيها ولا يطلب منها شي الا احيانا
بس هي كااااشفتني اني اغاااار ومسويه انها قطه وديعه
مدري ظلمتها ولا حقيقه
فيه احد مثلي يغار من الشغاله على الرجال ولا كيف

وسلااامتكم