والحل مع هالبنات الي من هالنوع قسم بالله كرهت الجمعات بسببها

قريبتي من توظفت وهي تغيرت علي
ماادري شفيها؟؟

طلع اسمها من ضمن المكرمه الملكية في الوظائف التعليمية في منطقه بعيدة
من توظفت وهي تقط نغزات علي في اي جمعه نتجمعها مع ان فيه بنات مب متوظفات من الاهل
مثلا في مره من المرات
كنت اقول مب اسجل الا في منطقتي بسبب رفض خطيبي قالت وشوله ماتسجلين في مناطق ثانيه
قاعده في البيت لاشغل ولاعمل ماغير تسدح وتطبح بدون فايده وزوجك من زين راتبه علشان يرفض!!
قلت مرتاحه كذا ماابغى اتوظف الااذا صارعمري 33
قالت شنو بقى من عمرك بتصيرين عجوز مع انها توظفت وعمرها 31 سنه

دايما من تشوفني تقول ليه جالسه كذا عاله على المجتمع
مع اني لي اهتمامات وانشطه ادبية وقريب اسوي اول معرض صور فوتغرافي
قلت لها مشغوله بالتصوير والكتابه وحلمي اكمل دراسات عليا فكيف اكون عاله
قالت يووه من يومك تتحلمين شكلك بتموتين وماسويتي حاجه
التصوير مب تسدد لك الاجار او توكلك !

تدرون وين الغريب
انها تشتغل فيني تحطيم اذا كنا في جمعه اما اذا لحالنا ماتجيب هالطاري خير شر
مع انها دايما تشتكي انها تعبت من التدريس وتتمنى تغير وظيفتها
من تشوفني على طول تقول التدريس مافيه احسن منه راتب كويس ودوام ساعته اقل واجازت طويله
الحمد لله اهلي مارفضوا اتوظف وعازبه ماعندي زوج يغثني ويوقف في طريق حلمي


الله رزقها وظيفه بيرزقني ان شاء الله وهي عارفه اني مب مرره مستعجله على الوظيفه
وحلمي الاكبر ادرس ماجستير واطور نفسي في التصوير والكتابة

طنشتها مافاد رديت عليها برضو مافاد
مااقدر مااحضر جمعه الاهل بسببها لان صله رحم
والله صرت اشيل هم وقت بتكون موجوده مع انها ماكانت كذا اول