والحل مع هذا النوع من البشر؟!

ايش رايكم بالشخصص الي يتفلسف على حجابك وانتي اصلاً حجابك نعمه عند حجاب اخواته واهله ..!!
طبعاً انا اغطي وجهي وبنت خالتي راعية لثمه واخواتها البقيه كلهم كاشفات !
اختهم الصغيره جلست معاي وهي هبلا ماتحاسب على كلامها عمرها 17 سنه
وصار موضوع وجابت سيرتي تقول يافلانه ترا فلان ( تقصد اخوها الكبير ) يقول انو الي يسمعه عن اخلاقك انك تمام
بس يستغرب لما يشوف حجابك يقول انك تحطي كحل من فوق النقاب
وكذا مره شافك متكحله مثل بنات المولات الي يتمخطروا !!
قلت لها ليش تارككم اخوك ومتسلط عليا مع العلم اني ما احط كحل الا لو حطيت مكياج ورحت ازورهم بالمناسبات !؟
وليش اصلاً عينه طويله ويقز المتكحله والي مو متكحله .. قامت البنت انحرجت وحست انها رمت كلام ماله داعي وانخرشت مني
وجت قلبتها عليا تقول اشفينا احنا ليش مو عاجبك حجابنا ؟! قلت روحي اسألي اخوك !! انا ماعندي مشكله مع حجابك
احترمك من احترامك لي ومن تعاملك معي ولانك بنت خالتي .. غير كذا مايخصني وحجابكم علاقه بينكم وبين ربكم !!
وعمري ماتكلمت في سمعتكم لا انا ولا اخواني !!
وقلت لها ياليت تقولي لاخوكي ما يجيب سيرتي على لسانه وماله دخل فيني احط كحل ولا احط علبة الوان بعيوني ماله دخل ..
لو مو قادر يفرض شخصيته عليكم لايجي يستقوي على بنات الناس َ.. المشكله ان زوجته كمان من جمبها مافي احد عندهم يتغطى غير اخته الكبيييره
والي فهمته ان الرجال ذا دايم ينتقدني ومو عاجبه وضعي اني مستقله ومعتمده على نفسي واخواته كاسرين خشمه
وماله كلمه عليهم وكلهم ماشيين بشور ابوهم وساحبين عليه هو واخوانه الباقيين
بس حاط حيييله عليا بس انا ... زوجته اول كانت تشكيلي منه
وصلني منها كلام انو مو عاجبه اني اشتغل بشركات واني اطلع اتمشى مع صديقاتي واني انسانه متمرده على اهلي واني اطلع مع سواقين غرباء
ومايعجبني العجب وشايفه نفسي وتفكيري ليبرالي .. ويقول انه خايف علي كأني وحده من اخواته خصوصاً اني يتيمة الابويين! بالله ذا خوف
المشكله عندي اخوان كثير مدري ليش هذا مسوي فيها بيخاف علي اكثر منهم !!!
والمشكله ان اخواته يشتغلون بإماكن مختلطه ويطلعون وهم فالين امها .. ماعمري شفت وحده من اخواته تشتكي انه جبرها تتحجب على كيفه؟!
وانا جداً مقهوره من تصرفاته مو ناقصني ناس تتكلم في سمعتي !
ونفسي اوقفه عند حده اول مره كذبت كلام زوجته الي وصلته لي بحكم انها كانت زعلانه وحاقده عليه
واصلاً زوجته قريبتنا وصاحبة اخواتي الكبار مره ومن زمان وهي تكره خالتي وعيالها وتتكلم فيهم لذلك لما شتمته عندي ونقلت كلامه ماصدقتها ابداً
لاني حسيتها غير منصفه .. بس بعدين اخته كملت الناقص ومستحيل اخته تتتبلاه !
حتى انها لما شافتني عصبت من كلامها جت تترجاني ما اسوي اي شي ولا اكلم امها واني انسى ايش هي قالت !!!
ايش الحل في التصرف مع الاشخاص الي كذا .. ؟!
ابغى اوقفه عند حده واقول له يتركني بحالي بدون ما اجرحه في اخواته الي هم يقربون لي واحبهم وماعندي مشاكل معاهم