والحمد لله على ما كتبه علينا ......

السلام عليكم خواتي في الله ساقول لكم ماذا حصل لي في هذا الشهر الكريم .............


انتوا تعرفوا ان ابني في المستشفى في العنايه من يوم ما انولد وكان تعبان كثييييييييير وانا نفسيتي تحت تحت مييح ميح زفت زفت..
قبل رمضان بيوم رحت ازور ابني في العصر قبل لا اروح اخذ اول جرعه من الكيماوي وكنت ابغى اشوف ولدي علشان اخلي لنفسي دافع علشان اخذ العلاج لاني بصراحه يائسه كثيييييييير..
رحت عند ولدي انا وزوجي وانا ابغى اطير علشان اروح اشوف ولدي واشيله لاني قبلها ما رحت اشوفه ,,,
دخلت انا وزوجي على العنايه حقت الاطفال الرضع دخلت بعدين شفت ولدي في سرير عادي وشايلين عنه الاجهزه انا طرت من الفرحه وقلت لها متى ممكن بيبي خروج ردت علي انه ممكن هذا الاسبوع...
وقالت لي شيليه وروحي رضعيه انا شلته ويادوب حطيته على يدي صرخ صرخه من قلبه وتحول لونه بنفسجي وجريت للممرضه علشان نتقذه خذته مني وحطت عليه الاكسجييين علشان كان مخنوق شويه اخذ نفسين وما لقيته الا يطلع في زي كانه مودع
وتحول لونه للاسود ممرضه صارت تسويله تدليك للقلب وتنفس صناعي وتنادي الممرضات الثانيات وكمان تقول لهم نادوا الدكتور ... انا من الفجعه صرت اسالها وش صار قالت لي اطلعي بره سالتها وش صار قالت بيبي في قلب وقف انا من يوم ما سمعت هذه الكلمه انهرت ..
صرخت الممرضه على زوجي وقالت له طلع ماما من غرفه ..
طلعني وانا دموعي اربع اربع جى الدكتور وصار ما ادري وش يسوي فيه شويه ما لقيت الا الممرضات يشيلوا عنه الاجهزه جهاز التنفس وجهاز دقات القلب طلع الدكتور يسالني وش صار ؟؟
قلت له اني يادوب حملته وصار اللي صار الدكتور صار يقولي ان الله اللي اعطى وهو اللي ياخذ ومن هذا الكلام قلت له وش في ؟؟؟
قالي الكلمه اللي قتلتني في الصميم <الله يعوضك >
صرت اصرخ وابكي من غير هدى وادعي الله اني اكون في حلم واني رح اصحى منه واضرب في حالي استغفر الله على اللي صار ...
شويه تهيئ لي اني اسمع صوت ابني يبكي في الغرفه وصرت اصرخ واقول ابني يبكي؟
اللي حولي حسبوني انجنيت وصرت اسحب حالي علشان اشوفه لاني عن جد سامعاه واذاني هي اللي تاكدلي ان الولد عايش زوجي وخمس ممرضات يمسكوا في علشان ما اروح لولدي وهم يسحبوني وانا اسحب حالي من بيين يديهم ..
وبقدرت قادر قدرت اسحب حالي من بين اديهم وروح لابني والاقيه بيبكي ويحرك يديه ورجله ما شفته كذا الا سجدت شكر لله وابكي وانذكر انه قبل بيوم وحده ارمله دقت علي باب البيت وتقول ما عندها شي في البيت ورحت اخذت كل شي عندي وعطيتها ودعت لابني انه الله يطول بعمره ويشفيه والممرضات ما جو علشان يشوفوني الا شافوا ابني يتحرك وجراي يحطون عليه الاكسجين ويرجعوا الاجهزه عليه وهم يقولوا سبحان الله سبحان الله
ونادوا الدكتور ويجي جراي لمن جا اسمعه يقول لا اله الا الله الله اكبر سبحان الله كشف على ولدي وجا يقولي ان الولد نبضاته رجعت وانه رح يحطوه على الاجهزه تحت المراقبه وان الولد الحيين بخييييير وقال روحي الحيين للبيت وخلاص بكره تعالي زوريه انا طبعا طلعت ورحت على المستشفى اللي
لازم اروح له علشان علاجي عطوني اياه وانا منهاره من البكى وصوتي مبحوح من الصراخ عطوني اياه وانا حاسه حالي ابغى استفرغ ما ادري ليش ؟؟
خلصت وروحت البيت وشوفي انواع الاستفراغ الالم بس والله كان كل تفكيري على ولدي في هذا اليوم ما ادري الا جاتني حاله اني ابغى اطلع ولدي من المستشفى على مسؤليتي وما ادري ايش في هذاك اليوم صليييت تقريبا عشره مرات صلاة الاستخاره وطول الليل وانا على هذا الحال الين لمن نمت على الارض
وصحيت الساعه تقريبا 11 بس قبل ما اصحا كنت احس اني في حد يكلمني يقولي طلعي ولدك والله رح يحميه وانه الله رح يعيني وعن جد قلت لزوجي عن اللي افكر فيه كان رافض بس اقنعتهه بشق الانفس ورحت خرجته وسالت عن الفاتوره قالوا لي 25 الف وانا والله ما معي 100 ريال والله يسرها ونزلوها لي 9000ريال ورفضوا انهم يطلعوا ولدي الا ادفع المبلغ وانا هناك جت وحده تطلب مني مساعده وانا والله ما كان معي غيير 20 ريال في شنطتي طلعت الفلوس لها وقلت والله ما معي غيرها
بس ادعيلي اخرج ولدي وانه يطلع بسلامه دعت لي وقالت انت احسن انسانه شفتها وانك حنونه ومن هذا الكلام انا بصراحه استغربت ليش ما خذت العشرين ريال ما لقيتها الا ماده لي مضروف مسكر وقالت خذيه وطلعي ولدك بللي فيه وراحت حتى بدون ما اشكرها الله يوفقها دنيا واخره..
وديت الفلوس لزوجي وقلت اللي صار معي خذها وعلى طول دفعها وبعد واسطات من الناس وافقوا على انهم يخرجوا ولدي بس على اساس في ثلاثه اشهر ندفع الباقي بس الله يعين ..
خرجت ولدي على مسؤليتي والحمد لله ولدي الان في حضني الان بصحته وبسلامته والحمد لله على كل حال ابني من كم يوم واحد من فاعلي الخير تبرع نسوي له اشعة ايكو على القلب والحمد لله الثقب اللي في قلبه صار 3 ملم وانه الشريان اللي في قلبه كويس ميه بالميه وانه الحمد لله قلبه احسن مليوووووووون مره من اول وكل هذا من فضل ربي على ثم من فضل الصدقه
نصيحه تصدقوا ولو بشي يسير
ارجوكم ادعولي انه ابني الله يشفيه ويطولي بعمره وان الله يحمي اخته وان الله يجبر بخاطري ويرزقني من فضله ويحنن قلب زوجي علي ..:time: