والدة توأم بقيصرية وتعبااااااااانة بماذا تنصحونها

السلام عليكم ورحمة الله وبركاته
أخواتي جاية بعد انقطاع طويل بسبب ظروف ومشاغل أبعدتني عن كثير من حبايبي
واليوم محتاجة لكم ولخبرتكم عسى ألاقي عندكم الجواب الشافي لتساؤلاتي ما أطول عليكم وأدخل في الموضوع
قريبتي ولدت في العشر الأواخر قيصري واليوم لها 25 يوم تقريبا وكان في بالها تستخدم نظام فيافي كاملا ولكن لم تستطع ذلك وهي تعاني من آلام في البطن وداخلها هوا من بعد الولادة وآلام الظهر وكمان جرح العملية متعبها بسبب جلوسها لفترات طويلة بسبب أولادها لأنها جايبة توأم وهي ما قدرت تستخدم من نظام فيافي سوى السفوف وما هو من البداية يمكن يوم تأخذ وكم يوم تنسى والحاجة الوحيدة اللي استخدمتها من البداية الحليب المغلي مع الحلبة وبعد العشرين استخدمت منقوع العنزروت من نظام فيافي كمان استخدمت التمر مع الرشاد من اليوم العاشر تقريبا وهي اليوم متضايقة انها قربت تكمل شهر ومازالت تعبانة وتحس بآلام في المهبل بالرغم من ولادتها قيصري يمكن بسبب الجلوس
ايش رأيكم ايش تنصحونها تستخدم حتى تلحق نفسها وترتاح من آلامها وتخرج من الأربعين منورة بعد معاناة الحمل والولادة وبالنسبة للحلبة سمعت أنها ترخي الرحم هل هذا صحيح وهل تنصحونها بالتحاميل اللي في نظام فيافي وايش ممكن تستخدم عشان الحليب تعرفوا توأم الله يعينها ويصلحهم لها
نسيت كمان الله يعينكم علي ( أبغى خلطات سهلة وسريعة المفعول لتبييض البشرة والجسم ما يبغالها استحمام يومي وفرك تعرفوا البرد دخل وعيالها مرة يبكون بسبب المغص )
ومشكورييييييييييييييييييييين مقدما