لا حول ولا قوة الا بالله..

الله ياخذ حقها منه آمين

وينها عن بنتها قبل
الان توها تدري عن بنتها

انا بدعي عليه انالله يشل يديه ويعمي عيونه مثل ماعمي قلبه بدل ميصير بصف بنته يتنازل عن حق البنت لاويظرب امها دليل على ان قلبه نزعت منه الرحمه

اسمحو لي أخالفكم كلكم..
أولا أستغرب إن المحكمة ما حكمت للأم..وأتوقع في شيء خفي يحيط بالأم وبنتها,, ويبدو انها سليطة لسان وغير متزنة والدليل انها وصلت للاشتباك بالأيدي في مكان عام..وهذا عمل لا تقوم به أي سيدة محترمة مهما بلغ بها الغيظ..
ثانيا أنتم كلكم تدعون على الأب وزوجته..وأنتم ما تسمعون إلا عن البنت المسكينة والأم المطلقة اللي لاحول لها ولا قوة..والجانب الآخر ساكت..مسكينة..بس عشانها زوجة أب الكل تحامل عليها..
أنا عندي خواتي ثنتين زوجات أب..وكل وحدة ساكن معها أولاد زوجها..والحمدلله أمورهم ماشية تمام..
الكبيرة حياتها أحسن..وأولاد زوجها يعاملونها مثل أمهم..تدرون ليش؟ لأن أمهم إنسانة محترمة وتفكيرها جدا راقي..أنا شخصيا أحبها وانا عمري ما شفتها..بس هي انسانة ذكية وتخاف الله قبل أي شي,,, شافت إن مصير عيالها مربوط بزوجة أبوهم, فعودتهم على احترامها وغرست فيهم محبتها وعلمتهم إنها مثل أمهم..ونعم المرأة...صاروا عيالها مثال يحتذى فيه بالأخلاق..وصارت أختي تعدهم عيالها..حتى في سفرها أو زياراتها لأهلي صرنا نعدهم ضمن العائلة الله يوفقهم ويسخّر لهم..
أما الثانية-متزوجة من 11 سنة تقريبا-, كتب لها ربي إنها تعيش مع أولاد زوجها الأربعة في عذاب من أول زواجها..والسبب هو إن أمهم الله يهديها متسلطة, وتاركة لعيالها الحبل على الغارب, وخصوصا بنتها المراهقة -الحين عمرها 13 سنة- لدرجة إن أختي مرة دخلت عليها وهي شاغلة التليفون فترة طويلة, وعاتبتها وقالت سكري الخط احنا محتاجين التليفون, وبعدين ترى ما يليق ببنت إنها تمسك التليفون فترة طويلة,,,تدرون وش ردت عليها؟ قالت : لا تخافين..أنا ماني بـ (قحـ.......) مثلك!!وأقسم لكم بالله هذا اللي حصل..والمصيبة إنه من ثاني يوم اتصلت أمها على زوج أختي تصيح وتقول إن زوجتك تقول لبنتي كلام بذيء!!
والأب طبعا ما صدق كلام زوجته على اعتبار إنها مرةأبو.ووقف في صف بنته وطليقته ..وأختي لو تشوفونها وهي على سجادتها تصيح وحالها يقطع القلب..وبنتها تسأل أمي :وش فيها ماما تبكي؟ وش يعورها؟
الظلم حار..يمكن هالبنت سوت شي لزوجة أبوها وخلاهاتضربها مثلا أو الأب يضربها..ما أعتقد إن الأمور وصلت للحرق والتعذيب بهالمبالغة إلا إذا كان شيء مفتعل منها هي..البنات في هالسن بالذات يسوون هوايل..
أنا ما أدافع عن أحد..بس كلمة الحق يفترض تنقال للطرفين..مو للطرف اللي يتباكى ويشتكي..وتذكروا إن أخوان يوسف عليه السلام قذفوه في البئر وجاءوا أباهم عشاء يبكون...
اللي ما جربت الضرة, ولا جربت عيال الزوج فهي إنسانة عايشة بنعمة ما يعلم بها إلا اللي تنكوي يوميا بتلميحات أبناء زوجها الجارحة, وظلمهم لها وما تقدر تحرك ساكن..لأنها في مجتمع ينظر لزوجة الأب على إنها الساحرة الشريرة الدنيئة...
الله يستر على بنات المسلمين, وينتقم للمظلوم من الظالم..مهما صغر عمره وكبرت فعلته..

وأزيد على كلام أختي بسمة براءه كلام الجرايد قليل يكون صحيح وموثوق فيه ....وانا مع الصف المحايد ليش نتكلم ونقول راينا وهو كله كلام جرايد...والبنت ضحيه هذا الي اقدر اقوله...