;اول شي الله ييسر لك حملك وحملي يااااارب اامين

وكثير من اللي قلتيه حصلي بس انا اجهاض بعد الدم ماينزل

لكن حملي الاول سليم وولاده طبيعي الثاني كان في البدايه دم وراجعت ومع الابر والحبوب والراحه

وحتى من الجماع الحمد لله تم وولدت طبيعي الحمل الثالث تعب ودم في السادس والمشيمه انفصلت وطبعا ولدت بعمليه

الحمل الرابع الله يتممه على خير ويجعله ولاده طبيعه انا متفائله يااااارب طبيعي وميسر وولد سليم معافى يارب

هاذي تجاربي وكلنا نختلف عن بعض اكيد

واللي الله كاتبه بيسير بس ندعو الله يارب يسر لنا يارب فرح قلوبنا وطمنا

ثاني شي وهو الاهم النفسيه انا اقلك قد ماتقدرين يااختي ارجووووك يعني لاتستسلمين للافكار والوساوس

لان ترا انا مثلك بالضبط بالضبط بس اني تعبت نفسيتي جدا جدا وكنت محتاجه دكتور ولكني لجأت الى ربي والحمدلله خفيت

بسبب الافكار السلبيه والوساوس واخاف من اللي بيحصل وانا الان احاول اني ارجع زي اول وانا اطلبك اهم شي زوجك وبنتك

وعائلتك لاتجلسين حزينه او تفكرين روحي عند اهلك وارجعي بيتك اصبري انا بعيده عن اهلي مرت علي ايام بوحمي

مايعلم بها الا الله لكن ربي يسرها علي وكنت بجيب شغاله لكن عدت والوحم ترا يخف من نص الثالث والرابع خلاااص

وفي ناس مايجيهم وناس يطول وناس لحد ماتولد

انا ولله الحمد 3 شهور

كل شي خليه على ربك توكلي عليه هو اللي بيده كل شي

وتفائلي بالخير تجديه خلي في راسك بس تفااااااااااااؤل


واذا محتاجه تتكلمين معي راسليني ماعندي مااانع لاني حاسه فيك اذا احتجتيني بشي

يسعد صباحك حبيبتي
اللي صاير معك اغلبه نفسيآ
انا حامل الحين وبنتي عمرها 9 شهور وولدت قبل بعمليه
اول ماعرفت اني حامل ماكذب عليك انهرت وحزنت ووقتها حسيت كل جسمي يعورني وتعبانه وبطني وظهري وكل شي متعبني والنفسيه زففت
بس من لما توكلت علي الله وحمدت الله علي نعمته والله العظيم تحسنت نفسيتي
نصيحه لك ابعدي عن اي ضغوظ نفسيه اسمعي قران لأنه يريح القلب
ولاتوتري نفسك بتفكير في اللي جاي
وبيني وبينك والله العمليه ارحم الف مره
انا مجربه طبيعي وعمليه
الله يسهل لك ووييسر لك يارب

الله يهون عليك عادي الحمل بعد القيصريه مباشره ان شاء الله مامنه ضرر
اهم شي اهتمي ياقلبي بنفسك ولاتهملين الدفاستون ولا تحاميل والله يتمم لك ويبلغك قدومه بواسع رحمته

أول شي حبيبتي عادي جدا مافي مشكلة الحمل بعد القيصري الدكتورة تقول اقل شي ست شهور يعني حالتك كويسة ثاني شي النفسية زفت من الوحم اكيد و كل حمل يختلف عن الثاني مو شرط نفس الوحم أنا كنت زيك لا بيتي ولا زوجي ولا امر من جنب بيتي ما أبغاااااااااه كرهته كنت اقول كيف ارجع له بعد ما اولد زوجي ما ابغاه ولا ابغى اسمع صوته هذا طبيعي من الوحم بس لازم تفهميه ان الشي غصب عنك هونيها و تهون ان شاء الله لا و جلس الوحم و الغثيان معي لما الشهر السابع ممكن حتى للتاسع بس خفيف مرة و الحمد لله عدت على خير و الدم هذا اكيد الحمل ضعيف عشان كذه لازم المثبت لازم تبعدي عن الجماع لين يروح الدم و يثبت الحمل تمام يعني تقريبا للشهر الرابع و الله يعينك حاسة فيك كل اللي مريتي فيه حصل لي حتى ولدت بعملية لكن الله يأجرنا و انا صرت اخاف من الطبيعي اكثر الله يعين و يقويك و يخفف عنك يااااااااااارب

يابنات والله ادهشتوني وخاصة الاخت لولوة الصياد
انه دكتورتك تقول بس ست شهوررررر
انا دكتورتي تقولي سنتين
ودكتوره صديقتي تقول سنتين او سنه ونص حسبي الله عليهم

تجاربكم يابنات