والده قيصري للمره الأولى ومحتاجه مساعدتكم

اول شي الحمد لله على سلامتك
بالنسبة للاعشاب مو شرط زي الطبيعي لكن اشربي المشروبات اللي تنظف الرحم زي القرفة والقشر والزنجبيل وكمان اليانسون عشان المغص وابتعدي اول اسبوع عن الحليب لانه يسبب نفخة وغازات وانتي بعد العملية مو ناقصة البطن منفوخة ولسى تعبانة من الغازات
والمشي له مفعول عجيب في سرعة الشفاء بعد الله امشي على طول يعني لو كل ساعة خمس دقايق او اكثر وانتبهي من الثقيل لاتشيليه ابعدي عنه
والاستحمام متى ماقالوا لك استحمي على الجرح عادي استحمي بس على طول نشفيه وامسحيه بمسحة طبية
واذا لسى مافكيتي اللصق لفي عليه سفرة وروشي جسمك الباقي بدون مايوصل ماء للصق
والحركة بشويش على نفسك والنومة على الجنب لاتستعجلين ابدي فيها بالتدريج اللين تحسين نفسك قادرة تنامي على جنبك

ماقصرت اختنا سوسوه العسولة
وبجد لاتشربي حليب في البداية
لانه يسبب امساك انا عانيت منه
والله يسامح دكتورتي ماقالت لي
وكثري من شرب المرقة والشوربة
وحاولي تمشي وظهرك مستقيم
لانه كل مااجبرتي نفسك على الحركة
باذن الله تتعافي بسرعة.

الحمدلله ع سلامتك حياتي .. حبيبتي الولاده بالقيصري الوحده تطهر اسرع من الطبيعي ويكون الدم خفيف مدري ليه سبحان الله بس عموما الاعشاب زي الطبيعي عادي

وبالنسبه للنوم حبيبتي نامي عادي على اي جني وغيري وضعيتك كل شوي .. المشي انصحك فيه يخليكي تطيبي اسرع وحاولي قد ماتقدري تمشي وظهرك مستقيم معليه بيعورك بالبدايه بس حاولي ما تخلي الالم يمنعك من المشي

وتغذي كويس اهتمي جدا بأكلك لان ح تحسي بدوخه دايما لو ما اكلتي كويس .. وطبيعي يا قلبي تحسي انك لما تكحي او تضحكي بطنك بينفتح بس ترا دي مجرد احاسيس مستحيل بحول الله ينفتح الجرح

خلي دايما قريبك مويا لان البنج يجيب كحه والحكه تألم جدا جدا بالعمليه وحاولي تخففي كحتك واشربي مويا عشان ما تتألمي

بالنسبه لتنظيف الجرح يوميا مسحيه مرتين بالمسحه الطبيه بلطف .. وبالنسبه للترويش افضل نك ماتتروشي اول اربع ايام لان الصابون والمي يبطئ إلتآم الجرح .. وبعد الاربعه الايام لما تجي تتروشي حطي طبقه فازلين على الجرح عشان المويا ما توصله وانتبهي تفركيها بالليفه وحاولي مايجيها صابون
اهم شي خليكي مداومه ع المسحه واصحك تشيلي اي شي اول شهر حتى البيبي حاولي ماتشيليه وانتي واقفه لو بكي اجلس وحطيه بحضنك ..
وطبعا الاشياء التقيله لا تشيليلها نهائي لا اول شهر ولا غيره .. وراح تحسي بحكه قويه في الجرح عشان ترتاحي حكي حولين الجرح بس الجرح نفسو لا تحكيه ح تريحك الحركه دي

ولو ترضعي حاولي لا تاكلي مسكنات وادويه افضل لطفلك ..
لو احتجتي لاي مساعده او سؤال بلغيني

الحمدلله على السلامه
ماقصرت سوسو ه العسولة لكن بزيد على كلامها انك تبتعدي عن الحوامض والمويه البارده وتجنب اكل الملوخيه لمدة سنه لانها تفك الجرح

البنات ماقصروا بس انصحك تبتعدين عن القرفه لأنها تنشط السيوله في الرحم
وانتي فيك جرح تنفع للطبيعي اما الرحم المفتوح ماتنفع له الا بعد كم شهر
والحليب فعلا ابتعدي عنه اول الايام وقيسي عليه اي شي مجربته من قبل يزيد الغازات عندك استبعديه
اما النوم على الاجناب كان نفس سؤالي للطبيب وقال عادي متى ماحسيتي انه مايألمك بس انا كنت
خايفه ونومة الظهر اتعبتني جدا فصرت انام على نصف الجنب ماأميل بقوه لأني احس رحمي بيطيح من الخوف
وتنظيف الجرح انا نصحني استشاري ما اتعبث فيه يقول خليها زي ماهي مو زين كل شوي تلمسينها حتى بالخفيف وكنت في المستشفى اربعه ايام ينظفونها لي كل يوم وبعدها أخذت بكلامه وماعاد لمستها
والشي اللي تنتبهين له مررره انك ماتركعين ابدا او تشيلين ثقيل وخليك تمشين على طول وانتي شافطه بطنك
ومستقيمه حتى يبرا جرحك وهو مشدود مو يكون كأنه مكبون ان شاءالله تفهمين هالكلمه مالقيت لها تعبير آخر
وصدقيني المشي مغيد جدا جدا للقيصري يمكن اكثر من الطبيعي تصوري ان الطبيب يقول امشي قد ماتقدرين حتى لو ثلاثه كيلو مايضر واذا انتي عودتي نفسك على شفط البطن اثناء المشي مايكون لك كرش واضح من العمليه
وأخيرا انصحك بقوه انك تشربين كل يوم قشر القهوه ماتطلعين الا بطنك مشفوطه وجسمك حلو إلا إذا كنتي من صاحبات السمن والزبده ومن االي يضاعفون اكلهم في النفاس وعليك بالبر