والدي المتوفى والصدقه... رفع الله قدر كل من ترد على موضوعي

طباعة كتب دينيه خاصه اللي تجي كتبيات صغيره

وبتكون صدقه جاريه بارك الله فيك والله يرحم الوالد

الله يرحم والدك وموتى المسلمين ويشفي والدي ويجعل ما اصابه تكفير ذنوب شوفي حبيبتي ممكن تشترين مويه بارده وتوزعيها على عمال الشوارع خصوصا والجو بدا يحتر لاني سمعت ان اعظم انواع الصدقة سقيا الماء وممكن تشترين وجبات زي الفطاير مع عصيرات وتوزعيها كثير طرق ممكن تسويها بالمبلغ البسيط واللي عند الله ما يضيع

الله يجزاك خير ويرحم والدك واموات المسلمين
اختي براده ماء عند مسجد من افضل الصدقات وايسرها ..

الله يجزاكي خير والله يرحم والدكي شوفي عمال النضافه في الشارع والله ااحسهم بحاجه للصدقه واسالي في منطقتك عن فقراء بحاجه للصدقه والله يجعلها في ميزان حسناتك

وعليكم السلام
الله يغفر له ويرحمه ويتجاوز عنه وعن موتى المسلمين يارب
اختي الغاليه النبي عليه الصلاة والسلام قال اتقوا النار ولو بشق تمره
يعني مو شرط تكون صدقتك كبيره لأنه قليل متصل خير من كثير منقطع
يعني حتى لو اخذتي لك كرتون بسكويت وشيبسات ووديتيها جمعيه ايتام ووزعتيها على الصغار وزي ما نعرف انه من احب الاعمال الى الله
ادخال الفرحه على قلب مسلم ما بالك يتيم ؟؟؟؟؟
وان نويتي بها صدقه عن الوالد وموتى المسلمين وسعتهم بإذن الله انت بس انوي بها ولو كانت صغيره وان شاء الله ربي يتقبلها
انا ما ادري كم مبلغك لكن اللي فهمته انه قليل وبشكل شهري
انا اقترحت عليك هالشي وممكن انك تكفلين بها حلقه تحفيظ القرآن الكريم
وهذه تحولينها على جمعيه خيريه وهم يعرفون كيف يتصرفون فيها بالتوفيق يا اختي ..