والدي تزوج -وتفككت اسرتنا

maha is here اهلين فيك واحب اوضح لك اني حاسه فيكم جميعا وخصوصا الوالدة المحترمة لكن احب اضيف ان زواج الوالد شي مؤثر لكن ليش اترك للاجنبية الجمل بما حمل وهذا ما تبحث هي عنه وخصوصا اني ما اشوف اي اهانه بالموضوع وعزوف اختك عن الواج هو برايي اكبر اهانه لها مستقبلا

أولآ عزيزتي بقولك شي مهمممم قوليه لأختك أبوكم الله يخليه لكم ما غلط غلطة كبييييرة
عشان تستحون منها
ثانيآ يمكن الوضع عندكم هاليومين متوتر والاعصاب مشدودة وان شاء الله يرجع الوضع الى ما كان عليه

بس مهم هنا وركزييييي معاااااي أمك ألحين زعلانة ومنفعلة هدووووها أنتم وحسسوها أنه ماهو مشكلة كبييييرة لها الدرجة

صدقيني ان لكم دور كبيييير بتهدية الوضع أمك محتاجتكم ألحين عشان تخففون عنها وتهونون عليها
وتشجعونها على انها تتقبل الامر الواقع
ترى هذي مسؤليتكم أنتم
وبالنهاية هذا أبوكم مهما سوى ومهما فعل يضل أبوكم جنتكم وناركم
وما فيه أحد بهالدنيا يساوي حب الوالدين لكم
ان غلط سامحوه ترى الدنيا ماتسوى جناح بعوضة
لو فكرتي ثواني ان الدنيا زاااايلة وما فيها شي يستاهل كل هالمشاكل والهم بتعرفين قصدي

أقولك هالكلام لأن جربت وشفت نصيحة من كل كل قلبي انا ما أعرفكم ولا لي غرض
هونوا الامر على أمكم وسامحوا أبوكم
الدنيا زااااايلة
وكل عمل يكتب على صاحبه ان خير وان كان شر الله يعفو عنا جميعآ
الله يستر علينا وعليكم ويسخر لكم أبوكم ويخليلكم والديكم ويهون عليكم ويفرجلكم

وفيه شي بقوله معليش طولت عليك

كل شي بها الحياة قضاء وقدر من الله عز وجل

وما أصابك لم يكن ليخطأك ، وما أخطأك لم يكن ليصيبك

هل نعترض على قضاء أعدل العادلين ؟؟

كلام ألوان عين العقل

.................

المشكلة الكبيرة هي الافلام والتمثيليات اللي اعتبرت الزواج من ثانية غلطة وخيانة

نصيحتي الاهم لاتدخلين بأي مشكلة بين ابوك وامك

خليك محايدة

ولاتتكلمين في ابوك باي كلمة

ومع هذا صبري امك ولاتخليها تحط حد فاصل بينها وبين ابوك

لان ابوك الان بيصبر عليها شوي

لكنه بعدين بيقرف

يروح لهذيك ويلقى الوجه المبتسم والروح الطيبة

ويجي عندكم ويلاقي النكد والوجوه العابسة

كونوا عاقلات تكفون

ولا تفككون أسرتكم بايدكم



الرسول صلى الله عليه وسلم عدد

ابوبكر وعمر وعثمان وعلي

وكان التعدد هو الاصل عندهم

وكان في طلاق وكانت في مشاكل

والدنيا طبعت على الاكدار

والعاقل هو اللي يماشيها

واللي يبي يتعب نفسه يوقف بوجها .. لانه بينكسر يوم من الايام


مافي احد يولد .. الا ومكتوب رزقه وزواجه واولاده

ذلك تقدير الحكيم الخبير

اعتقد انكم اذا تقبلتو الوضع هذا الجديد راح تتحسن معاملة ابوكم للأفضل اعرف ناس ما تحسنت معاملة زوجها لها إلا بعد ما تزوج عليها..سبحان الله


وقفوا جنب امكم بس لا تحاولون انك تزيدوها غيظ وقهر من ابوك والله يعينك ويفرج همك..