يااااااااااابرود اعصابكم ,,,,,
اقلعوها من بيتكم الى جهنم وبئس المصير ان شاء الله

يعني انا مادري لية متعيجزين عن شغل البيت وبتخلونها في بيتكم ,,,,, خلي زوجك والا واحد من اخوانك يرتب امور سفرها ,,,, وانتي وامك تصرفوا برواتبها بانكم تبيعون ذهب والا شيئ علشان تعطونها رواتبها,,,
وسفروها من غير مايدري ابوك ,,,,,, واذا سال عنها ,,, قولوا له انها خاينة وشفنا عليها اشياء مهي زينة
,,,,,,,,,,
وحل اخر ,,,, ياليت انك تستجوبين الخدامه وتاخذين العلم منها ,,, ومع كم هوشة وكم كف بتقول الحقيقة ومن متى بدت العلاقة معاه ,,,,,,,,,,,
واذا مرة مرة صارحي ابوك وخلي امك تتفاهم معاه ,,,,
وخلي الموضوع بينك وبين امك وابوك لا يطلع قدام خواتك علشان ماتهتز صورت ابوكم في عيونكم

لكن من رايي انها تضف عفشها وتنقلع الله لايردها

:(

الله يكون في عون امك المسكينة ترى الغلط مو في امك وهى مو مقصره بس الوحدة الطاهرة والمهتمة بالبيت والعيال يقولون عنها هاملة زوجها بعد ما كبرتو وتزوجتو يبغى يسمع كلام حلو اي حلو اي بطيخ كل هالسنوات الى مضت ما صارت مقصرة الا بعد ما جات الحقيرة الخدامة صارت ولا شئ في البيت بعد ما كانت اميرة البيت الخدامة حق شو غير تخدم وتقبض فلوسها والا علشان تسمع المراهق في الخمسين الكلام الحلو مساكين الرجاجيل ترى قلبي شعل نار ماشاء الله عليكم انتم كم وحدة في البيت ماعندكم ذهب بيعوه وتسلفوا مبلغ من الاهل او الاصدقاء وتعاونوا على دفعه كل شهر يمكن مو من حقى اتكم هذا الكلام بس يمكن يكون حل للمشكلة لاتقولين ما اواجه ابوي ابوك عارف كل شئ اكيد الخدامة الحقيرة قالت له انك شفتيهم وهو عارف ذنبه بس ترى كلنا بشر ونخطى وخير الخطائين التوابين وبسرعة سوا أي حل حتى تسفرونها وتعطونها رواتبها 0

الله يجزاكم خير يا الغاليات ولا يوريكم مكروه يارب

احنا بنجمع انا وامي واختي بس ما نقدر على مبلغ 22000في شهر مثلا

ابوي راح يدفع اكيد بدون ما نجمعه بس مراح يدفع لها الان الا لما يخلص الصيف

واللي فرحني اليوم الصباح ابوي بيروح عند جدتي شهر كامل لانه مريضه

وانا وامي واختي بنجمع مبلغ تقديم سيلانيه وبنراقب ذي

المشكله انا خايفه انها تسوي لي شي انا والله عمري ما اذيتها بشي حتى لو عصبت عليها احيانا لكن اعاملها بمخافه من الله ويعلم ربي كلنا انا وامي واختي نراعي الله فيها حتى ما نخليها بدون اكل او ملابس

انا بموووت من الحيره والخوف وامي بعد على اعصابها بس وش نسوي لازم ننتظر على الاقل الصيف عشان ابوي يعطيها فلوسها ذيك الساعه نقدر نسفرها

اختي فلة
اكتب لك من جديد واقول ملاحظاتي اللي استنتجتها من كلامك والتفاصيل اللي ذكرتيها وتصرفات ابوك بعد انكشاف امره.أولا أنا اعتقد ان عدم رضا الوالد تسفيرالشغالة بحجة الرواتب المتأخرة وظروفه الحالية في سوق الاسهم شي يدعو للشك .الحقيقه انه مايريد يتخلى عنها والله يعلم ان كان هناك رواتب متأخرة أو مجرد حجة .السؤال هل يعقل ان تشتغل الشغالة كل هذه الفترة بدون راتب وعندها اولاد؟شي مو منطقي .الحقيقة هناك سر في الموضوع .واذا كان هذا صحيح فلا يجوز شرعا ولا قانونا تشغيل المرأة بدون دفع مستحقاتها ،وعلى الانسان أن يكون قادرا على الوفاء بالحقوق ان اراد تشغيل الاخرين.حرام حرام استغلال هذه المرأة .أنا والله ادفع راتب شغالتي في الوقت المحدد مهما كانت الظروف لاني امرأة عاملة وادرك اهمية هذا الشيء.اعتكاف الوالد في المسجد وقراة القران تعني الندم والله اعلم وربما قرار السفر لجدتك تعبير عن الندم ايضا .المهم هذي فرصتكم .من يسافر الوالد تعرفي من الشغالة الحقيقة كاملة وبالاستدراج وبعيدا عن القسوة.واذا ثبت ان والدك هو المتورط فعليكم تدبير حقوقها المالية باية طريقة ولو بالدين اوبيع ممتلكات وتسفيرها بهدؤ ودبروا حالكم في البديل .ويوم يرجع الوالد خبروه ان الشغالة مرضت وراجعنا بها المستشفى وثبت مرضها بالايدز أو التهاب الكبد الوبائي أو السل وطلب منا تسفيرها بالسرعة الممكنة.وواذا نجحت الحيلة فلوالدتك الحق في مصارحته وتخويفه بالفضيحةومحاسبته على هذا الفعل .اما اذا اتضح ان الوالد متزوجها فلكم ايضا الحديث عنه ونصحة فمن العيب ان يتزوج رجل محترم من شغالة وبالسر ويخدع زوجته واولاده ويخونهم في البيت. ومثل هذا العمل يضع عائلتكم في وضع صعب في المجتمع وتصبحون حكاية على كل لسان في الجلسات الرجالية والنسائية .وعليه ان يدرك هذا الامر ويطلقها ويخلص منها .عزيزتي انا بخلاف الاخوات الاخريات في المنتدى اطلب منك النظر للموضوع بموضوعية وعدم التعامل مع الموضوع من زاوية أن الشغالة هي السبب والوالد بريء .ربما تكون بريئة وربما والدك اجبرها على هذا الامر وربما استغل حاجتها للعمل وربما اغراها بشكل ما.تذكري اننا قبل شهر فقط من الان قرأنا عن شغالة فلبينية دافعت عن نفسها وهاجمت كفيلها الذي اصر على التحرش بها بقسوة وقطعت عضوه التناسلي .وعلى فكرة تلاقي الشغالة حكت عن علاقتها بوالدك للشغالات في الاسرة ولديهن كل التفاصيل.عليك فقط أن تخططي لكيفية استدراجها في الحديث بعد سفر الوالد .واذا امكن قولي لها انه طلب تسفيرها لانه يعتقد انها سيئة الاخلاق .هناك سؤال هل هي متزوجة في بلدها ؟وكم عمرها .كيفكانت طوال سنوات خدمتها وهل تغيرت في الفترة الاخيرة ؟هل تسافر الى بلدها ؟هل تراسل اهلها؟.اعطينا التفاصيل عنها وبنحاول نستنتج بعض الامور.

احسن حل انكم تسفرونها وتجيبون شغاله نقل كفاله او حبشيه ب 1200
وبالنسبه للوالد لازم تكلمينه وتذكرينه بالله وتقولين انك ما راح تقولين لأمك
الا اذا شفتي شي مره ثانيه
وياختي لا تزعلين ولا يضيق صدرك وحاولي ما تفكرين بالموضوع
وانتبهي تحكين لزوجك اي شي ترى اذا درى يصير له انعكاس سلبي على حياتك
وترى الحياه فيها اشياء كثيره تعور القلب
وكلنا ياما انصدمنا في حياتنا
والله يعينا ويصبرنا