والعود مايعرف الا حط بخياش@@مثل الخشب مادام مافاح طيبه

بسم الله الرحمن الرحيم
هذي قصيدة اعجبتني لشاعر من اهل الشعراء،، اتمنى ان تحوز على استحسانكم

ياصاحبي ياللي عليه الزعل طاش----وش جاك ياراع العلوم المصيبة
لاتحسبني عنك مقفي ومنحاش----لاشك حاديني ظروفن صعيبة
منتب لخافي سر الاجواد نباش-----ولاجاهلن في موجبات القريبة
الطير لاجل الفرخ بالعش يعتاش------ومادام في عشه فهو يعتني به
والا قطعت الما عن الزرع ماعاش-----لو منبته ياصاح بارضن خصيبة
وانا وردت وكل ابو زملي عطاش------والماء بعيد وقوتي ماتجيبه
وراعي الوفا يصبر على دقاق وجراش------ويداري اللي ينكره من صحيبه
والا بدا في خاطره شي ماهاش-----يغضي لعل اللي بدا فيه ريبه
والسيل يجري يامحمد من رشاش-----وخطرن الا منه فرق من شعيبه
والعظم مايحلت وباقن به عراش------وكثر اللحم يذّي وهو مادري به
لاتحسبن من شال بندق ورشاش------يفك حزات الليالي العصيبة
والعود مايعرف الا حط بخياش------مثل الخشب مادام مافاح طيبه
والا عرفت الرجل خاوه بمطراش------تراك تدرك ظاهريه وغيبه
ولاتلوم اللي عليه الدهر ناش-----خلك معينن له على مايصيبه

وسلامتكم