والـحل مع هذآ الغبار والحشرات من كل مكان يجوني..!

وربي نفس وضعك ويمكن اللعن
عندي البراويز مدري اطارات التكيف واسعه ويدخل الغبار منها
حشيتها فوط ولازال الغبار يتسرب
غير كذا تحت الباب اخذت فوط وشربتها مويه وسديت تحت الأبواب
ومراوح الشفط اخذت سفرة طعام وغلفت المروحه ولزقتها
البيت مره مره يمتلي غبار حتى وانا مغطيه كل شيء
المكنسه جمبي كل شوي اكنس النوافذ والموكيت
وحاطه سطل فيه فوط مغير امسح واعصر
ومافي فايده الغبار يرجع
وللحين كتمه وعج يارب رحمتك دعواتك
بنتي صدرها تعب من الغبار
وعيونها التهبت
مدري وش حيلتي تعبت مره
الله يعينا

اي والله ذبحنا الغبار ..الله يرحمنا ..انا يدخل مع فتحات الايطار حق التكييف ..ومن تحت الابواب


يااااااااااارب رحمتك

الله يكون بعوننا
بالنسبه لبراويز المكيف الواسعه جيبي اسفنج واحشيه اطاراتها
مايدخل الغبار ابد من عندهن
اما الشبابيك عند لوازم العائله مدري بالسعوديه وين ينوجدني اسفنج عرضه تقريبا ٢ سنتي يجي بالمتر من والخلف يجي فيه لزاق تلزقينه على الحواف الداخليه لشباك
وايضا الجوانب حق الابواب
الله يرحمنا برحمته نص السنه غبار

نفس المعاناه ..
الله يرحمنا بس

عليكم السلام

ما اقول الا الله يرحمنا برحمته ,, ويغيثنا يارب ...
الغبار هلكنا ..