شوفي ياقمر...رائحة العرق تعتمد على اكلك...شوفي يمكن انتي مخبصة في الاكل...واشربي زنجبيل لانو كويس للروائح..

الشبه مرة شفت في برنامج التفاح الاخضر جابت الشبة وحطتها في موية ورد وخلتها الين تذوب بعدين تصفيها من الموية الزايدة وتخلطها مع اي كريم وشوية مسك

طيب ادونا حل للسواد...كنت استخدم الشبه وتركتها والليمون فترة وتركتو دحين استخدم مزيل رائحة من بزلين الدكتورة تقول كويس وانا حسيت انو كويس بس فجأة سودت المنطقة ماادري ايش الحل يابنات...

اذا مزيل الراائحة الي فووق من فوتشي كويس ويزيل السواد ادونا خبر...

أي شي ضد التعرق مضررررررررررررر

واللي يجي مكتوب عليه مزيل لرائحة العرق هذا زين

وانا واهلي وكل العائله نستخدم فيبكس ب12 ريال مرره حلو:)

8
8
جربت فيبكس مرة مناسب وحلو

كلاورو ما أعجبني أبدا

العرق شي طبيعي ماهو مشكلة

المشكلة في راااائحة العرق ..

وحلها النهائي في خطوتين (مجرررررررررررربة) ... (خبرررررررة)

الخطوة الأولى
داخلي .. الرائحة سببها الجهاز الهضمي ..
1- كثري شرب موية وكلي فواكه وخضروات لأن فيها ألياف تساعد في عمليات الجهاز الهضمي
2- إذا عندك مشكلة في الهضم اسهال امساك .. عندك قولون تقرحات مرارة زايدة اي شي عالجيهم لأنها سبب الريحة
3- اعتمدي على المشروبات العطرية اللي تعطي ريحة حلوة للجسم وللعرق بعد مثلا اشربي الزنجبيل النعناع اليانسون وفي عندك المرمية واكليل الجبل تأثر بقوة على ريحة العرق


الخطوة الثانية
خارجية..الاعتناء بالمنطقة
1- ازالة الشعر ... والاهتمام بنظافة المنطقة بغسيلها الدائم
2-مزيل عرق(سيلك آند سموث) طبي بمستخلصات طبيعية بالإضافة لأنه منعم ومبيض للمنطقة وفترة على فترة يخفف نمو الشعر

........................
أنا عندي في الخطوة الثانية بدال مااستخدم مزيل العرق (سيلك آند سموث) جبت بداله من نفس الماركة مزيل عرق (جيورداني قولد) وجبت معاه مثبت الريحة (سبري جورداني قولد) كل مرة اجيب شي .. ان شالله بكمل المرة الجاية وأجيب كريمه والعطر ... تصيرين تمشين كأنك محل عطر :)

انا سمعت ان الشبه تسود المنطقه!!