شربيها نعناع جدا مهدي ويخليها تنام

بنانت الحمدلله اليوم أعطيتها الزجاجة و بعد حررررررررررررررررررررررررررب وبكاء وتعصيب شربت 30 مل

وكمان الحمدلله احس ان نومها صار احسن من امس

يعني نامت س ثمانية الصباح على عكس أمس نامت من بعد الظهر وما بكت زي أمس الحمدلله

وجربت اني أول ما تبكي ما اشيلها واحس انها ان شاءالله رح تتعود

كمان جربت الكوووووووووفلة صح انها تزعل في البداية وتبي تفكها بس في النهاية تستسلم وتقعد شوي وتهدأ

الحين الظهر بروح أسوي غداااااانا من زمان ما سويت غداء بهالوقت اشكركم جدا

وادعوا لبنتي مع عيالكم وربي لا يحرمكم الاجر

والله يا زين الدعاء بس احنا متكاسلين ولا عندنا استمرارية

ربي يرحمنا

اللهم لك الحمد كما ينبغي لجلال وجهك وعظيم سلطانك

ايه نسيت بنات تخيلوا أني وأنا في لحظة تأمل كم ساعةأنام في اليوم لقيتها ثلاث ساعات ومرات أقل ومتقطعة وأحس انه صار يجيني اررررررررررق يعني مثلا بنتي لو نامت من بعد العشاء ساعة ..المفروض اني ما اصدق وأروح أنام معها بس أنا صرت لالالالالالالالالالالالالالازم لي وقت حتى أنام شكلي تبرمجت على النوم القليل وأنا أساسا من الناس اللي نومهم قليل ما يجي اربع خمس ساعات باليوم حتى ايام لما كنت بدون اطفال لكن الحين مثلا أنام ساعتين بالنهار ومتقطعة..هل أنتم مثلي وكيف تسوون لو ناموا عيالكم بالليل وتبون تنامون معهم ولا قدرتم ؟؟

وشكرا لكم والله استفيد من خبراتكم حبيباتي جعلها في ميزان حسناتكم

اللهم انى اسالك حبك وحب من يحبك وحب كل عمل يقربنى الى حبك
اللهم حببنى اليك والى ملائكتك وانبيائك وجميع خلقك
اللهم اجعل حبك احب الى من نفسى واهلى ومالى ووالدى ومن الماء البارد على الظما
اللهم اجعلنى أحبك بقلبى كله.وأرضيك بجهدى كله
اللهم اجعل حبى لك كله.وسعى كله فى مرضاتك
اللهم مازويت عنى مما احب فاجعله قوة لى فيما تحب ..واجعلنى لك كما تحب

ياروحي الله يكون في عونك
ذكرتيني باللي مضى ..
مريت وانا اختك باللي مريت فيه واكثر بعد ..
عندي توأم وبكريه والله انها تعدي ثلاث ايام واكثر ماذقت النوم
كانو عيالي صياحين ونومهم قلق بمجرد انزلهم على الارض ربع ساعه او اكثر شوي الا قايمين
وسبحان كان كل واحد له وقت ماينامون مع بعض <<< تعذيب الله لايوريك
بس جالسه واهز واذا نام واحد ونزلته بسريره وحطيت جنبي الا الثاني يصيح
والله وانا اختك اني اقرا رسالتك وحاسه فيك وادعي لك
تخيلي كل من شافني قال وش فيك متغيره قلت من قلة النوم <<قلة النوم تهبل الواحد
والله اني مره رحت عند امي اسبوع اجازه يوم شافت وضعي معهم وهي تقعد تبكي قالت يامي انت كيف تنامين في بيتك الله يعظم لك الاجر
وكانت الشغاله اللي عندي اجار وبتروح وترسل امي شغالتها معي شهرين من اللي شافته وجلست لين جت شغالتي اللي مقدمه عليها والحمدلله سهلها ربك وعدت الأيام الصعبه


بس ابشرك الحين انام واشبع نوم بعد واقوم طفشانه من النوم <<< عشان ترتفع معنوياتك فتره وتعدي بس اصبري واحتسبي الاجر
عيالي عمرهم الحين تقريبا سنه نومهم مثل الكبار بمجرد انومهم ينامون ويغطون بالنوم ماشاء الله وارضعهم باليل والفجر اذا قمت اصلي
ارضعهم وينامون للساعه تسع او عشر ثم يقومون ويرضعون واوكلهم ويلعبون ثم ينامون

بس شوفي بنصح باأشياء جربها وشوفي ذاك اليوم تنام زين او لا :
1- استعملي ماء غريب عشان بنتك ترتاح من الغازات يمكن تنكد عليها نومها ((عيالي ثلاث شهور صياح متواصل من الغازات وكنت ماأدري واوديهم الدكتور ويعطيني قطر للمغص وتشوفهم وحده من جماعتنا قالت عيالك ممغوصين استعملي لهم ماء غريب قلت بسأل الدكتور اول قال استعمليه والله ان بطونهم مرتاحه من ذاك اليوم وارتاحو الحمد لله واذا انتي خايفه اسألي الدكتور ))

2-روشيها قبل النوم وحطي على جسمها ورقبتها بودره جونسون ولبسيها قطني ناعم

3-اشبعيها قبل تنام املي بطنها لاتقولين كثرت الحليب عليها عطيها من صدرك وصناعي عشان تنام وهي شبعانه

4-كوفليها غصب عنها المولود مايأخذ نومته كامله الا وهو مكوفل لان الطفل سبحان الله يفز واذا فز وهو مهو مكوفل قام يصيح

5- وهي نايمه ضبطي الساعه بعد ساعتين من رضعتها عشان ترضعينها يعني لاتنتظرين تبكي عشان ترضعيها لانها ان قامت مانامت

والله يصلح لك ولي ولايخسرنا يارب ادري طولت عليك بس حبيت افيدك باللي اعرفه

بنتي سننننه وشهر

وقسسسسمن بالله كانها 3 شهور من البكي وقلة النووم

اهز وارضع واقراء وانشد واسبحها علشان تدوخ عطيتها موية غريب ويانسوون

ولا شي جاب فااااااااايده


كل من شافني قال وووش في عيونها ؟؟ وعيووونك؟


انا كبيره اقدر اقاووم اهي عيوونها حممممممممرا من قلة النووووم


يابنت الحلااااال تعودي واقلمي مخك

انتي حاولي لاتياسي بس المشكله لاصارت مثل بنتي تنام ررررربع ساعه بالضبط 15 دقيقه وتجلس 5 ساااااعات


مايجيها النوم من النوووع اللي تشببببع بسرررعه