كوبونات الراقية تسجيل الدخول

Oo الــدخيــله oO

Oo الــدخيــله oO @oo_aldkhylh_oo

مساعدة مشرفة الواحة الأدبية

 والله أن أقـص كفـي قبـل أدق ارقامهـا () والله أن اشيل قلبي قبـل أشيـل همومها 

الأدب النبطي والفصيح •

اشعر بتقصير كبير تجاه واحتنا الصغيره
فهي احب مكان لي في هذا العالم الواسع .. في الفتره الاخيره كثرت مشاغلي ان كانكم فقدتوني:42:
ولكن
ارجو منكم العذر والسموحه ..:26:

..

قصيده قديمه نوعا ما للشاعر : فهد المساعد ولكنها مساحه تفيض بالابداع
شخصيا اراها من اجمل ماكتب هذا الشاعر ..


نديم الجرح ..


يانديـم الجـرح واللـي وصتّـك بأرقامهـا
عارف انّك ما تعـرف الا شـذى يشمومهـا

لا تعلمني عـن آخـر مـا حصـل فأيامهـا
من رسالتهـا عرفـت اليـوم كـل علومهـا

أدري إن الوقت شمّـر عـن يديـه وضامهـا
وأدري إن الحظ الأقشر صار مثـل هدومهـا

وأدري إن الهم وقّف فـي طريـق أحلامهـا
لين صار الحزن أثرها .. والشقى مقسومهـا

بس تستاهل .. هي اللي طاوعت مـن لامهـا
وباعت اللي كل ذنبه .. مادخل فـي سومهـا

خلهـا تدفـع ثمـن غلطاتهـا مــا دامـهـا
همّّلت قلبي .. وراحت وأسرفت في حومها

يبتعد مع كل خطوه .. صوت وقـع أقدامهـا
وتقرب الضيقه .. وتصحى دمعتي من نومهـا

لين غابت عن عيونـي .. وأنجلـى هندامهـا
ليلةٍ .. تغفى علـى صـدر الظـلام نجومهـا

كنت احس بشـيّ .. والله ماتشيـل عظامهـا
لو تحس بشييّ منه .. يمـر وسـط حلومهـا

كنت احس إن الضلوع العـوج مثـل أيتامهـا
وأشعر إن القلب نبضه منتهـي مـن يومهـا

والحيـاه اللـي تـدور شهورهـا وأعوامهـا
وقّفـت .. واليـوم دور رماحهـا وسهومهـا

ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا

مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا

يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا

والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا

والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا
20
2K

يلزم عليك تسجيل الدخول أولًا لكتابة تعليق.

تسجيل دخول

ضيم الجراح
ضيم الجراح •
الدخيله

عدت بقوووووووووووه لمصافحتنا ...

قصيده ابدعتي في اختيارها <<< وانا من اشد المعجبين بشعر فهد المساعد <<لكن اول مره اقرى له هالقصيده واستمتعت جدآ في قرأتها..

شاكره لك حسن اختياراك ولا تحرمينا تواصلك

مع ودي
ضيم الجراح
خنساء العصر
خنساء العصر •
الله الله يارئعه
روووووووعه نقلك يالغلا قصيده جميله
دمتي بهذا الجمال :26:
الغاليه الدخيله لاهنتي وسلمت يمناك
طلتك يالدخيله رائعه على عالم حواء
لكي ارق التحاياااااااااااا :26:
أمها مدلعتها
أمها مدلعتها •
خنساء العصر خنساء العصر :
الله الله يارئعه روووووووعه نقلك يالغلا قصيده جميله دمتي بهذا الجمال :26: الغاليه الدخيله لاهنتي وسلمت يمناك طلتك يالدخيله رائعه على عالم حواء لكي ارق التحاياااااااااااا :26:
الله الله يارئعه روووووووعه نقلك يالغلا قصيده جميله دمتي بهذا الجمال ...
يسلمووو الانامل
تقبل مروري يالغلا
دمتِ بود
Oo الــدخيــله oO
Oo الــدخيــله oO •
ضيم الجراح ..

اسعدني جدا تواجدك يالغلا ..
وانا سعيده انك استمتعي بقرائتها جعله دوم ..

خنساء العصر ..

حي الله شاعرتنا شرفني مرورك وقراءتك للقصيده
وطلتك احلى يالغلا
اسعدني مرورك العطر

امها مدلعتها ..

الله يسلمك .. سعيده جدا بمرورك
بخيــــر لــكن
بخيــــر لــكن •
الأخت الغاليه الــدخيــله
للأمانة حاولت أختار بيت أو أكثر كشاهد على الإعجاب
ولكن كلما جيت أختار بيت قلت الثاني أحسن حتى تمت القصيدة
قصيدة كسبحة فاخرة يربطها سلك من الحرير لا يكاد يُرى إلا أنك تشعر به بشكل واضح
البساطة تشدني كثيراً وتأسرني إلى ما لانهاية . .

أشكرك على النقل المميز .
.
.