يا عيوني انا في فترة كنت مثلك
تدرين ليه لاننا طيبات وقلوبنا ما تقوى
وباقول اش سويت
حاولت ما اندفع في علاقاتي وما امزح الا حسب نفسية الشخص وبعد معرفتي فيه تماماً وايش يحب وايش يكره
غير كذا حاولت اغير من طبعي ونفس الشيء ما اندفع في قراراتي او تصرفاتي
وترى مو بسهولة لكن ساعدتني القراءة تراها تهذب الشخصية وتصقلها
اقري كتب عن التعامل مع الناس
حاولي تعرفين ايش الطريقة المناسبة للتعامل حسب الوسط والناس اللي تتعاملين معهم
يعني التعامل مع الطالبات غير مع الزميلات غير مع الاهل غير عن الزوج
اتمنى افدتك وراح ارجع اشوف اخبارك ولا تنسيني من الدعاء يا قلبي
اختك المحبة .. ضي القمر :27:

ياااحبيلك!
تصرفاتك تنم عن شخصيه رقيقه وحساسه ومرهفه
حبيبتي خليك كذا على طول بس مو تتضايقين مره!

وانا بعد رايي من راي اخواتي انتي لا هبله ولا غبيه انتي طيبه مثلك مثل غيرك .. والطيبه صفه حلوه والكل يحبون

الانسان الطيب لانه طيب العشره .. اختي نصيحتي لك انه حاولي تقللي من الاعتذار الا اذا كنتي غلطانه .. وحاولي

يا اختي تفهمين الشخص اللي قاعده تحاورين معه هو من اي نوع يعني ما كل شخص يتقبل المزح .. لانه في نوعيه

من الناس يقعدون يستهزؤن في كل شي مع كل شخص وهذا خطأ كبير مما يولد حقد وكره له ..

والقوي اللي اهو يمسك اعصابه وما يرد على الناس بالكلام السئ وانتي قويه بطيبة قلبك ورجاجة عقلك بسسس بشرط

لازم تحددي حدود لطيبتك لانه للاسف في كثير من الناس ينظرون للانسان الطيب بانه ضعيف ويجب استغلاله ..

والحدود هذه انك لا تعتذري لاي شخص الا اذا كنتي غلطانه ولا تسمحين لاي شخص انه يغلط عليك ..

وافتخري بطيبة قلبك لانه نااااااااااس كثير محرومين منها وعايشين بعذاب بسبب قسوة قلوبهم وهم ما يدرون ..

:27:

انتي فعلا انسانه رقيقه وحساسه وكونك تعتذرين إذا غلطتي فهالشيء حلو بالمره ونادر الوجود في هالزمن البليد اللي قلت فيه النفوس الصافيه
أنا مثلك ألوم نفسي كثير وماأحب أجرح أحد وصحيح هالشيء يحسسني بالضعف أحيانا لكن احس براحه فضيعه لما افكر انه مااحد شايل علي ولاظلمت أحد بالكلام لأننا مؤاخذين بكلامنا ورقيبنا هو رب العالمين
عزيزتي استمري على طبعك وإحمدي ربك عليه لإن من البعض اللهم عافنا اللي تكون مبليه بكثرة الغلط على الناس وظلمهم بالكلام وقهرهم وعدم مراعاة شعورهم ماتسلم من عواقب هالشيء
لكن في نفس الوقت.....
أأيد كلام احد الأخوات اللي قالت إن كثرة الاعتذار على كل شيء وعلى غير غلط والإحساس بالغلط لو ماغلطتي تفقد الثقة بالنفس والأفضل الموازنه بين الثقة من غير غلط والإحساس بالناس والاعتذار على الشيء اللي يستحق الاعتذار
وموقفك مع صديقتك اللي قلدتيها وزعلت ورحتي تتأسفين لها موقف صح لإنها زعلت وتحسست من تعليقك عليها فحلو منك ذوقا وأدبا تعتذرين لها
واخير ا أجمل شيء عزيزتي لي ولك ولكل إنسانه إنها تعامل الناس بالحسنى مو رجاء لرضاهم لكن رجاء لرضا الله لأنه سبحانه يحب المحسنين

انت غلطتي يوم قلدتي البنت قدام صديقاتك لانها حساسه وحتى لو هي مغروره بس عندها كبرياء
لكن الشيء الاخر انت انسانه حساسه جدا وحاولي تتداركين الموضوع ولا بياثر حتى على حالتك الصحيه لان كثرت
تعب الحاله النفسيه تاثر على الصحه
انا مشكلتي ان طيبه جدا وناس كثير يستغلون طيبتي ويتكلمون من وراي وقدامي وهذا اثر في نفسيتي وخلاني اعصب
والحين صرت اعصب على طول وماهتم اذا الشخص زعل او لا وبالذات اذا غلط لكن اقعد افكر اقول يمكن انا غلطانه
وبعدها اتحسف واذا طلعت اني كنت قاسيه اقعد اعاتب نفسي والومها كثيييييييييييير واصير اقول ياليت الزمن يرجع لوراء قبل ماتحصل المشكله
لكن الحمدلله على كل حال
لكن احس الي قوية شخصيه هي نمبر ون في الحياة وعندها كل شيء وتقدر توقف قدام الاعصار والكل يحسدها واولهم انااااا