والله احب الضيوف والوناسه بس

حبيت اعرف من حبيباتي ان كل ضيوفكم يقابلوكم ويستقبلونكم بنفس الاستقبال اللي تقابلونهن عندما يجوكم انا موضوعي يتضمن شيئين اولا زوجة اخو زوجي تجيني على فترات طبعاهي ماتعزم فالبداية هي عزمت نفسها علي وبعدين كنت اجيها وتجيني يعني هي تقول ابغى اجيك وانا اقول ابغى اجيك انا لاجتني اوقف على الدرج لاني بدور علوي وافتح الباب واقف ولستقبلها بكل عناوين الاستقبال من ترحيب وشفيكن تاخرتن حياكن الله واجهز تجهيز مسبق لكل شي من حلى وفطاير وغيره احرص اني ماطلع من المجلس اخاف تتضايق هي وبناته بس العكس انا لما اجيها ماتستقبلني اطق وبعدين ادخل واطق الباب الداخلي ولا تطلع الا بطلعة الروط وتكون سا كته بعكس اذا جتني بس تضحك وتحسيها مبسوطه بس مادري ليش تكون ساكته في بيته وتضحك عندي والله مستغربه من جهة الا ستقبال الشي الثاني تخيلواذا زارتني لا زم تعشى عندي والله تعب اذا اتصلت علي تقول ابي اجيك بعدصلاة المغرب والله عيب كذا وياليت بيتها بعيد والله تجينا مشي يعني قريب مره الحمد لله الخير كثير بس ما يصلحالعشاءانا اذا جيته اجيها العصر واروح لما اصلي المغرب وبعض الاحيان اصلي بالبيت ولا اتعشى لان زوحي يبي عشا وبعدين استحي والله مليت يعني كل زيارة لازم اصلح عشا ء انا عندي اولاد وبيت وزوج ماهي معقولة وياليت بالعطله الا بكل الاوقات صيفها وشتاها ذاك اليوم جتني وكرفت شغالتها بالمطبخ الابعد العشا اختفت من عندنا انا وبناتها طبعا بناتها متزوجات تدرون وين لقيتها مسكرة باب المطبخ انا فتحته ابي اغسل الكاسات الا القيها وراء باب المطبخ تسولف هي والشغالة والله استحيت شكله تتكلم معه بخصوص الشغل اللي اشتغلتة عندي والله اعلم قولولي اخواتي كيف اتصرف معه لاتقولون لاتعزميها هي تعزم نفسهه علي والله الناس نوعيات و الله انكسف من زوجي اذا جتني وين يروح يتعشى دورولي على حل الله يحرم وجوهكم عن النار وتقبلو تحيات دانة الشاطي