فرناز @frnaz
عضوة شرف في عالم حواء
والله ادعيلها من قلب صاحبة هذا الموضوع ...؟؟
ادخلي عشان تعرفي مين العضوه اللي ادعيلها
بظهر الغيب .
يالغاليات لاتتهاونون بأي كلمه تكتبونها سواء رد او موضوع ...
ممكن تكون هداية وحده بسبب رد او موضوع لك ؟؟
وممكن تكون سبب انتكاسة ثانيه برضو بسبب رد والا موضوع ؟؟
اقولكم ايش صار لي ...
قرأت في ايام وشهور متفرقه هذي المواضيع
وحده تقول ايش رايكم بموديل فلانه بكلبها الفلاني ؟؟؟؟
و ثانيه تقول ايش رايكم بالممثله الفلانيه بعد مانحفت ؟؟
وحده لها رد كتبت فيه ( مره حلوه تشبه الممثله فلانه ) ؟؟ او بشرتها زي فلانه ؟؟
طبعا اشتغل عندي الفضول ،،
ورحت على اليوتيوب كتمت الصوت وبديت ابحث عن الممثله او ..
طبعا مو في يوم واحد ،، لا على فترات وحسب اليوم اللي قرأت فيه الموضوع ؟؟
اول مره كان بحثي بخجل وخوف من الله وبسرعه شفت الموديل مثلا وقفلت ..؟؟
المره الثانيه كانت للاسف بجرأءه اكثر ومافي تأنيب ضمير ؟؟
المره الثالثه بديت استانس وافتح مقاطع ثانيه غير اللي دخلت عشانها ،،؟؟
والله والله لولا رحمت ربي كان بعت الاخره مقابل معاصي ودنائة نفس مني ؟؟
يمكن تقولون هذي مشكلتك غيرك قرأ ولا فكر يبحث ويعصي الله ؟؟
اقول صح انا اعترف قل ايمان وخوف من الله والا كان مافكرت افتح مقاطع زي كذا ؟؟
بس اللي كتبت موضوع والا رد عن ممثله ،، هل استفادت شي ؟؟
مافكرت انها ممكن يقرأ ناس ضعيفين ايمان مثلي ؛؛
او بنت او ولد صغير ويجره الفضول لهذه الاماكن ؟؟
طيب الموقف الثاني
( وشوفوا الفرق )
في يوم كالعاده كنت افرفر بعالم حواء ،، واقرأ العناوين ،
ولقيت موضوع فهمت من العنوان انه قصص عن موت الفجاءه ،،
والله اني ناسيه اسم العضوه بس دعيتلها من قلب ،، وبستمر ادعيلها ..
طبعا ترددت ادخل والا لا ..
بالعاده اي موضوع فيه موت ، قبر ، ماافكر ادخله ،، ومستحيل اقراءه ..
اخاف واكره الدنيا واصير انتظر دوري :44:
الغريب هذا الموضوع دخلته وقرأته طبعا ذكرت اللي تعرفهم ماتوا فجئه ،،
وطلبت ان الكل يشارك بقصص قرايبه ومعارفه اللي ماتوا ..
وصرت متابعه للردود اول بأول عشان اشوف قصص زياده ..
حسيت خوف بس غير عن خوفي المعتاد الخوف هذا بدأ يغير فيني امور ،،
كنت اسمع ايقاعات ،، واسمع اغاني الدققاقات اللي بدف ،،
ومن فضل ربي ثم موضوع الغاليه قمت على جوالي ولابي ونظفتهم صح ..
عارفين خفت اموت والسماعات بأذني وانا اسمع لوحده من الدقاقات ؟؟
خفت تكون خاتمتي على انشوده بأيقاع ؟؟
اكثر القصص اللي بموضوعها و اثرت فيني ،، ومازلت اذكرها :
وحده تقول احدى محارمها جاي من سفر واول ماوصل وهو يسلم في هذه اللحظه جته سكته ؟؟
والثانيه تقول جالسين يفطرون مع امها وفجاءه طاحت على ورى وماتت بسكته ؟؟
والثالثه تقول وحده تعرفها جالسه بجمعه ومافيها ولا شي وفجئه ماتت وفنجال الشاهي بيدها ..
والرابعه تقول جارتهم حاضره زواج معهم مافيها الا العافيه ،، وبعد ساعه من رجعتهم من الزواج
وصلهم خبر وفاءتها ..
والخامسه تقول واحد من قرايبها عنده سفره وجهز شنطته وكان مستعد للسفر وقبل سفرته بيوم
دخل االحمام و فجاءه مات ..
والسادسه تقول وحده قريبتها راحت زياره لاهل زوجها وبعد العشا جالسين كلهم يتقهون ،، فجاءه
طاح زوجها ،، نقلوه للمستشفى لكنه مات بسكته ..
السابعه تقول وحده من صديقاتها جت تنام وقالت لامها اذا جت اختها تقومها عشان تسهر معاها
ويوم صحوها لقيوها ميته ؟؟
مافيها الا العافيه سبحان الله حتى كانت متملكه وزواجها بعد شهرين ..؟؟
الثامنه تقول صديقتها قامت بتروش ولدها الرضيع وفجاءه صرخت وماتت ..
آآآآآآآآآه وغيرها من القصص اللي تخوف ،، صفحات مليانه كل بنت تذكر قرايبها ومعارفها
واحبابها اللي ماتوا فجاءه بدون اي انذار ،،
اسأل الله ان يرزقها خير الدنيا والاخره ،، وان يبارك لها بحياتها ،،
ويثبتها على الدين ،، ولا يفجعها بغالي ،، ويرزقها حسن الخاتمه بعد عمر طويل ..
ماشاء الله موضوع نزلته تخيلوا كم من الحسنات كسبت ؟؟ من غير تعب ولا صيام ولا قيام ..
وكسبت برضوا دعوات في ظهر الغيب ...
قال الرسول عليه الصلاة والسلام :
فوالله لأن يهدي الله بك رجلاً واحداً خير لك من حُمُر النعم "
أخرجه البخاري فتح الباري 6/111
هذا الحديث لازم يكون في بالنا قبل نزل اي موضوع ..
هذا الموقف صار قبل كم شهر
كنت جالسه في امان الله الا ولد اختي جاني وقالي خاله مين اللي مات
عند جيرانكم ؟؟ والله يوم قالها خفت خوف ؟؟ قلت ليش ؟؟ قال اشوف الابواب مفتوحه وسياره
مكتوب عليها لنقل الاموات ؟؟ آآآه يابنات والله حسيت خوف مو طبيعي ،، قلت والله مدري ،،
المهم عاد جانا الخبر بالليل ان جارنا مات ؟؟؟ عارفين يوم عزيت زوجته تقول والله مايشتكي من شي
طيب وبخير ،، وكان سهران الليل كله عند فلان ( تقصد جارهم اللي مقابلهم بالشقه )
والضحى قام يبي الحمام دخل ويوم فتح الباب يبي يطلع ويطيح ويموت ..
في نهاية موضوعي بقولكم على شي نفعني وريحني من ناحية الردود والمواضيع
اللي هي الاستخاره ..
قمت مره وصليت واستخرت على اي رد او موضوع بكتبه
بالمنتدى ،، عشان اضمن مااكتب شي اندم عليه ،،
طبعا صلاتي كانت مره وحده نويت فيها اي رد او موضوع بنزله ،،
يعني مو كل شوي اصلي ،
عن جابر بن عبد الله رضي الله عنه قال :
( كان رسول الله صلى الله عليه وسلم يعلمنا الاستخاره
في الأمور كلها كما يعلمنا السورة من القرآن )
229
11K
يلزم عليك تسجيل الدخول أولًا لكتابة تعليق.
هيوف2003
•
بارك الله فيكـ اخيه وجعلك وكاتبه الموضوع والمسلمين اجمعين في جنات النعيم هنيئا لها ولك الاجربارك الله فيكـ اخيه وجعلك وكاتبه الموضوع والمسلمين اجمعين في جنات النعيم هنيئا لها ولك الاجر
جزاها الله خير الجزاء
فال الله تعال (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
اسال الله لي ولك الثبات على الحق وحسن الخاتمة.
فال الله تعال (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
اسال الله لي ولك الثبات على الحق وحسن الخاتمة.
جزاها الله خير الجزاء
فال الله تعال (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
فال الله تعال (( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))
الصفحة الأخيرة
هنيئا لها ولك الاجر