وردة النوير @ord_alnoyr

عضوة فعالة

والله اعتبركم خواتي واللي يسركم يسرني والعكس فلا تخلوني ):

.

.

.

خواتي هالمره هذي طالبتكم لاتخلوني والله بعد الله مالي الا انتم خاصة من الاخوات اللي لها خبره وحكيمه

والله اني اعاني جفاء عاطفي لحد ماعاد استحمل خلاص ارشدوني احس ضايعه وخايفه على نفسي من الحرام

زوجي شغله مايخلص بحكم عمله في معارض السيارات من يقعد يطلع يرجع وقت الغدا وينام يقعد العصر ويرد

لاشغاله يرجع الساعه ثمان او تسع يقعد اشوي يا على التلفزيون او الاتصالات اللي ماتخلص ويروح يكمل السهره

مع ربعه على الساعه تسع ونص ويرد وحده ونص او ثنتين جميع ايام الاسبوع معاي حق امل من عيشتي وطول

هاليوم انا على الهامش مايعرف يقعد معاي يسولفلي عن يومه او عن اي شي صاير له قبل كنت انا اللي ابدا

اتكلم معاه اللحين خلاص مليت احس قعدته عندي بس علشان يقول انا قعدت عندكم بس والله من غير تواصل

بيني وبينه نفسه اهم واهتماماته بعدين اناوالله زهقت افكر اروح لاهلي مليت من العيشه معاه مااحس بطعم

الخميس والجمعه اهلي مو قريب اروح اتسلى عندهم ومايحب الجمعات العائليه مدري مخي متشتت وافكاري

متخلبطه

ابي وحده فاهمه ترشدني لاتقول اكلم اهلي ماعندهم الا كلمت اصبري خلاص كافي وانا دايسه على نفسي

ومتحملته ومنحمله اغلاطه دايم اقول ياليت اهلي عندي قريب على الاقل اذا حسيت صدري ضايق رحتلهم

ووسعت صدري عندهم لحد اللحين فراقهم علي صعب مع ان لي خمستعش سنه متزوجه وشخصية زوجي شمالي

ادري كلامي مو مرتب اسفه

يلزم عليك تسجيل الدخول أولًا لكتابة تعليق.

تسجيل دخول

فوح المسك • 13 سنة

طيب يااختي اتناقشي معاه باسلوب حلو في وقت يكون رايق واتفاهموا مع بعض وابقولك شي اصبببببببببببببببري والله الصبر زين والله يسخر لك زوجك يااااااااااااااااااارب واكثري من الاستغفار وصلاة الليل وتذكري ان سهام الليل لا تخطي

فاقدة عزوتها • 13 سنة

شوفي اختي عليك بالاستغفار (والله انها صعبه تروحي لاهلك والسبب انك طفشانه ومايتكلم معك انشغلي بعيالك اذا عندك واذا ماعندك عيال الله يرزقك بس لا تياسي)

روابينا • 13 سنة

عزيزتي فكري بالبديل ! شنو راح يكون ؟؟؟؟؟
الجواب نفس الشئ ...يعني لو تركتي زوجك وعشتي غير عيشه سوف تكون مليئه او غير !!!أكيد لا ...لهذا أهلك ينصحوك بصبري ..معهم حق ...صبري
ماباليد حيله
حاولي تملي وقتك بأي عمل يرفع من شخصك ويقدمك الى الأمام أي شئ
لاتقولين لايوجد ؟
معظم الرجال يدعون انهم مشغولون و العمل اول وآخر لديهم
والنتيجه وحدة الزوجه ومللها ...ياعمري شغلي نفسك والله معك

نوض برق • 13 سنة

حبيبتي دوري لك يوم يكون فيه رايق واذا طلع ظبطي البيت والشموع والعطور والبس
الحلو بدون ماتقولين له وهو بيدخل الساعه
وحده بيشوف البيت شموع وحركات واذا
جا وبدل وقعد يسولف معك قوليله بصوت
هادي حبيبي من زمان مشتاقتلك وكل
يوم اقول بيتفرغلي وكل يوم وانا اجلس
لحالي واسهر لحالي تمر علي الساعات
الطويله بدونك بالعربي طلعي كل اللي
في كبدك عليه ويارب انها تاثر فيه ويسخره
لك يارررررررررررررررررررررررررب

وردة النوير • 13 سنة

مشكورين خواتي على دعواتكم ونصايحكم لي

ومعاكم حق مافي مثل الاستغفار والله انه تاثيره مثل السحر( عذراً على التشبيه)

وراح امشي على نصايحكم وابشركم بالاخبار الزينه

ودعوة الاخ بظهر الغيب مستجابه